غافلوا قلبي مسا الفرقى وراحوا .. !

[زهرة الأحلام]

طشوا الدنيا على كتفي وراحوا
....اتركوا لي كل هالحمل وجفوني

الله يسامحهم اشلون استباحوا
....دمع عيني , وارحلوا ما ودعوني

كانوا الأكثر تعب بس استراحوا
....كانوا الأضيق مدى لين اسجنوني

اضحكوا ما كنهم في يوم ناحوا
....اعقلوا ما كنهم ربــوا جنوني

كثر ما طالعتهم بالوجه شاحوا
....قد ما اتشبث بذكراهم نســوني

كل ماهبت رياح الشوق فاحوا
...وين مايممت وجهــي حاصروني

وان برق نسيانهم بالعين لاحوا
....غير عن شوقي بصورتهم ملوني

ليتهم يوم ان دمعي طاح..طاحوا
....بس لو قلبي رضى عيَـت عيوني

غافلوا قلبي مسا الفرقى وراحوا
....كـل شي اخذوه لكن ما خذوني ..!!

[عملاق الشعر]

زهرة الاحلام


نص راائع


سلمت يداك المبدعة وذوقك الراقي

[الشيخه الفلانيه]

الله يسامحهم اشلون استباحوا
....دمع عيني , وارحلوا ما ودعوني

كانوا الأكثر تعب بس استراحوا
....كانوا الأضيق مدى لين اسجنوني

/


نص جميل ،
يعطيك العافيه '

[حبي خالص]

ذكرى الله عليك
اختيار جميل كجمال طلتك

[زهرة الأحلام]

.
.


لكُلِ المارين .. لكُم مني شُكراً مِنَ القلب
أسعدكُم الرحمن

[نوارة الكون]

طرح متميز وراقي ربي يعطيج العافيه

[زهرة الأحلام]

.
.



شكراً لمروركِ / نوارة ..
أسعدكـِ الرحمن