....

جالسة أحسب الهوايات إلي مارستهن من طفولتي لين تو هههههه
هوايات ما قبل المدرسة
هواية التشكيل بالطين
نبدأ من وأنا صغيرة كنت أحب ألعب بالطين وأحب أشكل منه أواني طبخ ألعب بهن مبدعة من يوم كنت صغيرة ما شاءالله علي🙂🙂.
بس للأسف هذه الموهبة ماتت.

هواية تشكيل الدمى من الجزء الداخلى للذرة وعاد ألزق لهن عيون وأسوي لهن أيدين وشعر وألبسهن بعد ملابس 🙂🙂🙂😆😆😆😆 لأنه الدميه صنم ما يجوز تكون في البيت هذه الدمية كانت بديل بس أهم شيء ماتت الهواية ههههههه.

هواية تصنيع الطائرات الورقية
كنت أحب أصنعهن وأطيرهن كنا نصنع واجد منهن ونلعب بهن
المهم بعد هذه الهواية أندمرت. 😆😆🙂
وبسبب هواية الطائرات الورقية ما بغيت أروح المدرسة صف أول علشان أجلس أصنع الطائرات الورقية كنت بصعوبة أروح😆😆😆😆وبعدها ماتت الهواية بداخلي الحين بس أشتاق لها بس ما أحبها مثل يوم كنت صغيرة.


في الأبتدائي ومعظم مراحل دراستي حبيت الرسم واجد كنت أرسم طبيعة وأنيمي وحتى كنت أشارك في نشاط الفنون بس كنت صراحة ما أحب أشارك في المسابقات إلي تكون خارج عمان وإلا خارج محافظتي ما كنت أحب أبعد عن البيت مطوعة من وأنا صغيرة🙂😍. المهم هواية الرسم رافقتني لحد الكلية ومن بعدها تركت الرسم ما عدت أحبه.

نجي للكتابة حبيت الكتابة واجد أيام الثانوية كنت أحب أكتب مقالات، خواطر، وشعر بس الشعر شوي ما واجد رافقتني هذه الموهبة ل الكلية وبعدين توقفت عن الكتابة ما عدت أحبها.

نجي ل موهبة التصوير حبيتها من وأنا في الكلية خصوصا المناظر الطبيعية والحين من بعد الكلية أحيانا أمارس التصوير.

موهبة الأشغال اليدوية من بعد الكلية جربت الكروشية حبيتها نوعا ما وأحب أقضي وقت فراغي بها
جربت التريكو ما حبيته بالمره
اليوم قلت أجرب التطريز وفتحت فيديو أشوف فكرة عن التطريز صراحة ما حبيته البر البر وما أفكر أسويه.
الخياطة طبعا ما أعرف أسوي فيها شيء أحمد الله مؤخرا عرفت أمسك خيط وابرة وأخيط بهن لما كنت أعدل ملابسي مال العيد.

كمان جربت هواية صناعة الصابون بس ما واجد عجبتني
وكمان تصميم العلب بعد ما عجبني كثير.

هواية الطبخ هذه الهواية دخلت فيها من بعد الكلية كنت حتى ما أعرف أطبخ شيء وتعلمت واجد أشياء وأصبحت أتقنها نص نص أهم شيء عرفت أطبخ هههههههههههه.

بس هذه مجموع الهوايات إلي طرقت بابهن هههههههههههه

إن شاءالله بجرب أشياء ثانية إذا عجبني شيء وحبيت أجربه