أكثر من يلعب بذيله عقوله المثل الرجال وللاسف ما فيه فرق عنده سواء كانت شغاله أو حتى زوجه أحد أقاربه أو أصدقائه
ومتى ما كان مستور مستحيل يحس انه أخطأ ويتوب لكن من تكشفه زوجته راح يبدأ يحفظ أدوار التمثيليات ويتقن تمثيلها
خاصه إللى زوجته إنسانه ما مقصره بحقه وحق عياله وحتى أهله ويدرى إنه إذا طلعت من حياته راح يخسر خساره ما بعدها تعويض...
كلامى مو معمم عالكل لكن للاسف حتى اللى بنظر الناس رجال ومافيه مثله وملتزم تنصدم بأفعاله من خلف أعين الناس
وكانه راح يعيش لأبد الآبدين ونسي انه من تراب وراح يرجع للتراب وبعدها يبدأ الحساب على مثقال الذره ومن هالذره زوجته اللى مسؤل عن ظلمه لها وخيانتها يوم القيامه أو ربه يعجل له بالدنيا وأفعاله ترد بأهله سواء بزوجته أو بناته أو حتى أخواته

عاد لو انقلبت الموازين وصارت لخيانه من زوجته هنا راح توضح صورته كشريف مكه والله ما تهدأ باله إلا لمن يطلقها ويرميها بالشارع وبعد يمسك عيالها ويحرم عليها حتى شوفتهم....والمرأه تصبر وتتغاظى عن زلاته وأخطائه وخياناته عشان خاطر لعيال وعشان كلمتين غسلبهن مخها ودمعتين أتقنهن بتمثيليته
نسأل الله أن يبعدنا ويبعد أزواجنا عن الحرام