نبض الإحساس .. سجّل احساسك في هذه اللحظه

[ثابت الخطى]

أنت تبكي !! ليه تبكي وش بـلاك ؟
............................. مِــشِّ دمـعـك جعلـهـم مـــا يـرجـعـون

أنـــــت حـــــي ولا دَمَـــــرْك إلَّا حــيـــاك
............................. والـلــي قـفَّــوا كـلـهـم مــــا يـسـتـحـون

يـاخـذون ولا بـهـم مــن قــال : هــاك
............................. كـيـف تبـكـي وانــت خـابـرهـم عـفــون

منت هالك لـ ابعدوا عنك .. الهلاك
............................. لـ انتخيت العون وانـت اوَّل تعـون

نـاظــر الــْـ قـــــدام وانسـفـهــــم وراك
............................. بـــاكـــر الأيــــــام تـجــبــرهــم يـــجــــون

لا تـبـيِّـن ضـيقـتـك .. إرق اِبْـسـمــاك
............................. والله إنَّــــك غــيــر تـمـلاهــم طــعـــون

مـن يطيـح الـدمـع مــن عيـنـك تــراك
............................. راح تـقـضـي بـاقــي الـعـمـر امْـغـبـون

أنت ذيب ... وهَـالأماكن من خُطاك
............................. تِرْتـجِـف .. والـلـي علـيـهـا يـرجـفـون

المـدى لــك عـيـد مـيـلاد ... وعُــواك
............................. لـــك شـمــوع .. الله يـاقــاك الـعـيـون

يـــا كـثــر مـــا تـــزرع ابْـغـيـرك دفـــاك
............................. ويـا كـثـر مـَ الغـيـر منَّك..يحـصـدون

وش تـبــي بـالـطـيـب..؟ الله اِيــهــداك
............................. طيبتـك مـع بعـض خـلـق الله جـنـون

الـلــي تعـطـيـهـم ولا ايـبـيِّــن عــطــاك
............................. جـعـلـهـم لا روَّحـــــوا مـــــا يـرجــعــون

[داناااا]

لاتلمح لـه : ۆهو : مايححس ‼̲
لاتميل لـ شخص ب احساسـه بخيل

التفت : لـ اللي يحبونگك ۆبس
ۆاترگك اللي جازلـه درب الرحيـل

[ثابت الخطى]

ياشجرة الحب ماانصتّ لهديل الحمام
.............. يوم اتركتني على الشباك صبٍ نحيل
شقيت وجه الغياب وجيت مثل الغمام
.............. كلي شجن واغنيات ودندنات وهديل
نجمٍ بكبد السما نوره يشق الظلام
............. لاغاب مدة يمرّ الارض عابر سبيل
يشتاق للحب الاول والسهر والهيام
.......... والطفلة اللي تركها تحت ظل النخيل
من دون تشعر تسج ومالحقها ملام
.......... تهدي ضفاير شعرها للنسيم العليل
ياخذ جمال القصائد من ثغرها الكلام
.......... ويذوب لون العتاب بصمتها السلسبيل
ترمي تعبها ورى الحلم الرقيق وتنام
.......... وتنام معها الحياة وينبت الليل ليل
ماكانت الا الحنين وكنت انا والسلام
............ شيءٍ يدور بخيالي يشبه المستحيل

[ثابت الخطى]

أحبابي ؛ أحبابي اللي ما بقى منهم
إلا عجاج السنين وعين مسفوحة
؛
مرّ القدر بي على شارع مساكنهم
نوافذ من خشب وابواب مفتوحة
؛
الله لهم يا زمن وش كنت داينهم
كنهم جنوا بك خطايا غير مدموحة
؛
ما توجعك وقفتي كنّي اعاينهم
ارفع يدي للتحية واكتم النوحة
؛
اخاف لو امهل النوحة تحزّنهم
وأخطي عليّ في خطيّة غير مسموحة
؛
كنّي أنا الغايب اللي مانشد عنهم
وكنهم ؛ هم الحاضر اللي فاقد روحه
؛
يا نسمة الليل غنّي لي وادندنهم
حزين ؛ حلمه يغنّي نوتة جروحه

[داناااا]

مو كل وينك .. / تنتظر جية جسد
ساعات "وينك تنتظر "جية شعور

[ثابت الخطى]

ياحادي الجرح ماهو منك من ناسي
وإلا إنت سيفٍ يجره منهو يجره
،،،،،،،،،
ياما تناسيت.. لكن ماني بناسي
أضحك.. وأنا داخلي ميت من الحره
،،،،،،،،،

ماتدري الناس عن حزني وحراسي
يوم آتساما وأنا أترك خلفي الجره

،،،،،،،،،
يوم آترجاك ماحنيت ياقاسي
وغرس السكاكين في ظهر الجمل ضره
،،،،،،،،،
والحين.. وصل السنام الجرح.. وأنفاسي
ماعاد ترجع على صدري من الحره

[ثابت الخطى]

طلّ الـ شتا من شُرفة الـ وقت وأمسيت ,
أجمع حطب : ذكرى , حنين , ومواجع !

حتّى ليا هبّت جروحي : تدفّيييييت ,
وأشعلت حزني دون أيّة تراجع !

[سحابة ذكريات]

مبروك عرسك يوم جالك نصيبك...
مبروك للي يسعد بشوف لقياك...
شفت القدر ما حقق اني اجيبك...
ولا حقق اني التقي يوم وياك...
افرح على شوفك ولا ابغى مغيبك....
وأمسي على طيفك وأصبح لطرياك.....
أبوك وامك اجبروني أسيبك....
وخلوني أرحل من حياتك ودنياك....
وين انت ياللي خاطري مهتينيبك....
وزهرة شبابي ما زهتني بلياك....
القلب يا قلبي تراه قريبك...
سير عليه وشوف تالي بقاياك....
به صورتك دايم ودمعة حبيبك....
القلب يوقف يوم يفقد محياك...
لكن قدر ربي وحكمه يصيبك....
تغيب واذكر غيبتك مع هداياك....

[ثابت الخطى]

مَـ بين أحلامي ورغبة أبيك وأمنيات الـ طيش،
وصلت ب لهفتي عندك ولا دقيت لك بابك !
أخاف إن لامست يدّي خشبة يصيح لي ب شويش:
رحل ماعاد يفتحني ترى كله .. من أسبابك !
وأجمّع مابقى مني «ضياعي ، دمعتي مع ليش»؟!
وأقول اللي أخذ وصلك مصيره يتلف أعصابك ،
تعال :
تعال الحق قبل طيرك ينتّف مابقى من ريش ،
تعال : انشر دفا صوتك سكينة واعتق غيابك !
تعال: ابذرني بِ يدينك وصال , وضحكة , وتطنيش ،
كِسَت ْوجهي تجاعيد الـ حزن وأسرفت بـ عتابك ..
يحاصرني بَرِدْ بُعْدك وأحسّ بـ داخلي تشويش ..
ضياع , وفلسفة ضيقة , وصمْتٍ ملّ يغتابك !
تصدّق
تصدق صاح لي بيتك: أردد إيش والا إيش؟!
غبار الـ فقْد يخنقني مُصيبة هَجْر أحبابك ،

[اهلي ملاذي]

أقسى شعور يمرني وأنا معك،
لاصرت تضحك وأنت في صدرك بكا،
سولف علي همك وكني مااسمعك،
وأنا أوعدك ماقول للناس اشتكى..

!