.. لو هو صحيح العين إهي مْراية الروح كانك عرفت اللي بها من حَدَقها لا تْشوفني يوم ابتسم..شوف الجروح وشف مْاصعب البسمة على اللي إختلقها أضحك في وجه الناس وف داخلي تنوح روحٍ مثِل صفْر الدلال و عَبقها تبرك على جمر الغضى لكن إتفوح هيلٍ يقنّد راس كل من نِشَقها ----- هذا أنا قدّامك وْ كلّي طْموح أطرق دروب العز وأفتح غَلَقْها ولو للمذلّه ألف بابٍ ومفتوح مو عيب أرِد خْطاي..عيب أخترِقها للدنيا وجهٍ عابس ووجه مملوح واللي خلق هذي الأوادم فَرَقها حِكمه ومثْل الشمس ما تبغي وْضوح شتّان ما بين الضحى لي شِفَقْها