تغيب الشمس وِيغيب العمر وِتـَغَـيِّـب الأصحاب

**ثابت الخطى** · 24-12-2014, 09:35 AM

تغيب الشمس وِيغيب العمر وِتـَغَـيِّـب الأصحاب
................... ولا يبقى بصدري غيـر وجـه اخوانـي وامِّـي

يـَ وقتي كيف اوصِّف لك حنيني لـَ امتليت اغْيَاب
................... دلو هذا الشعر لكن .. حباله مـَ وْصَلَـت جَمِّـي

أنا فيني لحن من آدمـي.. مـا يعزفـه زريـاب
................... لحـن يشبـه متونـي لا تراكـم فوقهـن همِّـي

تعال وشف خفوقي كل ما مـرَّوا عليـه أحبـاب
................... قسم كنِّه طفل يركض وسـط ظلمـات ويسمِّـي

تعال اسأل ضلوعي لاااا ..ضلوعي كلَّها أغـراب
................... تعال اسأل عيوني ليـــه يشرب مِلْحِهِن كمِّـي !

تصدق لو أفصِّل لـك حياتـي بالشعـر ترتـاب
................... أجل وشلون لو تسمـع كـلام ٍ ناشـب ابْفمِّـي

( أخاف امْن الشعر، وأكثر أخاف امْن اعْذبِه لا جاب
................... مرة من عشقها ليَّه ، تبـي تستوطـن ابْدمِّـي ! )

قصيدي يشبه الـْ طفلة على يديها ينام اخضـاب
................... تبي تلعب ولا تقوى مـا غيـر ايدينهـا اتْـوَمِّي

أنا مثـل القصـر لكـن .. لا بوَّابـة ولا بـوَّاب
................... يهزّ الفقد جدراني , واهزِّه ليييييييه يـا عمِّـي ؟

يـَ وقتي لا تعنيني .. أنا مْعنَّـى بـلاش أتعـاب
................... يكفِّـي مـن غرابيلـك فقـدت اخوانـي وْأُمِّـي

من ما راق لى
شكرا لكل روح مرت من هنا