لولاه حتى طاري الشعر مابيه..

[عطر الاحساس]

قالو حبيبك يسمع الشعر قلت ايه
يقراه بعيوني قبل تسمعونه

لولاه حتى طاري الشعر مابيه
مير أكتبه من شان خاطر عيونه

هو روح شعري ومنياته وماضيه
جذع الشجر وش كان لولا غصونه

اكتب لغيره والقصايد تجي فيه
كن القصايد حالفه ماتخونه

هذاك لاامنه زعل قمت اهاديه
حتى وهو مخطي تعذرت دونه

يمكن لوانه يلمس الجرح بيديه
يستغرب ان اللي لمسها طعونه

ابطى وهو غايب وزلت حراويه
وانا من العام اتحرى مزونه

هو مادرى اني في غيابه محاتيه
ليته نشد عن حالى اللي يجونه

واقلبي اللي توه افلت عراويه
كيف انسرق .. وظلوع قلبي حصونه

عجزت ارده كن ماني براعيه
يوم انتثر شوقه وهاضة شجونه

يبسن عروقه لكن اللي يعزيه
أن اكثر العالم تردد لحونه

خافو من الله لا تجيبون طاريه
لاصرت انا موجود لا تذكرونه

لو كل غالي جابه الله لغاليه
ماشفت لك مخلوق تبكي عيونه
للشاعر متعب التركي

[الشيخه الفلانيه]

نص جميل. ؛
راق لي طرحگ !
يعطيك العافيه '

[حبي خالص]

ابداع متواصل عطر
لا خلا ولا عدم

[عملاق الشعر]

عطر الاحساس


نص رااائع


سلمت يداك المبدعة وذوقك الراقي

[رايق البال]

هلا فيك عطر ..
نص واختيار ولا اجمل كما تعودنا منك
الف شكر لجهدك واختيارك وتفاعلك الرائع .. كلك ذوووق