إلى كل مُصاب أصيب بالسحر او بالمس او بالعين او بالقلق او بالإكتئاب
إلى من لم يوفق في هذه الحياة إلى من أراد السعادة في دنياه
إلى من أصابه الملل والسأم في حياته
إلى من تكالبت عليه الهموم والأحزان
إلى من توالت عليه المصائب إلى من فقد غالياً
إلى كل مريض يبحث عن الدواء سواء وجده أم لم يجده
إلى من حرم الذرية ( العقم)
إلى كل امرأة لا يستمر حملها
إلى من أراد السعادة والخير
إلى من أراد البركة في جميع شؤونه إليك هذا العلاج ❤️
عن أبي أمامة قال : قال رسول الله صلى الله عليه وسلم :
( اقرؤا سورة البقرة فان أخذها بركة وتركها حسرة ولا تستطيعها البطلة )
البطله : هم السحرهَ
^ مشكلتنا نستهينَ بأشياء تسوى الدنيا ومافيهاَ .،
اللهم اعنا ع ذكرك وشكرك وحسن عبادتكَ ❤️❤️،
. .
يأتي بها الله إن الله لطيفٌ خبير 💟.
.،
ياخي فينيه طبع يوم اطلب من المطعمَ ماطلبَ شي واحد
لازم أنوع في الاكل وما آكله كله
وراعي مطعم الخايس يبنده ف ويهيهَ ، الله ينطبكَ بفلوسيَ انزين
والله ارد ادقله ، وابند في ويههَ هههههههههههه -.-
عندي كرامٓه انا ، تمسح كرامتيه فالقاع ليش !
بفلوسيَ وذلني يعني
ايف ياه عشان الاكل كل شي يهون -.-
. .
يأتي بها الله إن الله لطيفٌ خبير 💟.
،.
اختيه حامل لاه
المهم ، تقول شو اسمي بنتي
تبا تسميها شمآ تقول هع
جان اقولها انا سميها عشبهْ والله حلو بنزقرهاَ عشششوبَ
أحب اسم عشبهْ انزين ، شسوي ههههههههه
قالت : سمي بنتج عشبهْ ، تعبانه انا فيها ٩ شهور واخر شي اسميها حشيش!
انزين حلو الاسم ، بلاها هاي هههههههههه
احيد وحده هنيه اسمها عشبهَ -.-
يليت لو اسمي عشوب
..
. .
يأتي بها الله إن الله لطيفٌ خبير 💟.
.،
بلاها العامه جيه سوالفها
زواج وحب ومادريَ شوَ
كم مره دخلت موضوع ابا ارد ماعرفت شو اكتب هههههههه
احسهن اكبر عن مخي
بعض الردود فيهن مصاخهَ عيب الواحد يتلفظ ب هالالفاظَ
ترى ابد ما يعتبرْ انك جريئ بالعكس انته وقح بمعنى الكلمهَ
يعني اذا انته بدون أخلاق ماله داعي تتلفظ بالفاظكَ هنيه حتى لو كان نقاش
فيه ناس صغار وفيه ناس مب متعودهَ على هالشي وفي ناس تستحي تقراهَ !
ياخي مانعرف وين نسير ، في كل مكان ضياع
استغفرالله بس '
. .
يأتي بها الله إن الله لطيفٌ خبير 💟.
-
إلـَهي ؛ أيدركني ضيم وانت ذخيرتيِ
وأظلمُ في الدنيا وانت نصيري '❤️❤️
. .
يأتي بها الله إن الله لطيفٌ خبير 💟.
.،
عميه ياني ، اونه قومي سيري ويايـه
وين اسير ؟
قالي : هناكهْ اونه
قلتله : شو هناكهْ واضحك ، شو هناكهَ بعد هاي !
قال بتسيرين ولا شو ، قلتله لا : مافينيهَ البس العباه وانشَ ومادريَ شو ، سالفه
قلتله بشرط : تعزمنيهْ ياخي هع
قال : والله بعزمجَ عنبوه ما تمشين بلا شي انتي !
عقب قلتله لا خلاص مافينيهَ والله ، ماليه بارض هع
خلاف شلَ خويلد وميروهْ
ووصيتهمَ بالعشا السنع عاد بنترياهمْ لين ايونْ
..
. .
يأتي بها الله إن الله لطيفٌ خبير 💟.
ينآير مواليد كبار الشخصياتَ ❤️❤️'
-------
عقب كمن يومَ ، يوم ميلاديَ ياخي
20/1/2015 ❤️❤️'
استغفرالله ، بيكون عندي امتحان ف هاليوم
لازم مغثه لازم !
يمكن حد اييبليهَ هديه ولاشي ،
ع طاري الهدايا زعلانه من ربيعتيه اللي دوم تعطيني ويـه وتييبليَ هدايا ههههههه
بسير اراضيهاَ
بعد ربيعتيه هاي من سنينَ مايستويَ بينا عيش وملح
مع اني انا ماهتــمَ وايد ف هالسوالفَ بس يلا حلو نحصل هدايا وجيه ههههههه
،
مخي تجمد من البرد
وانا عندي دراسه وش اسوي؟
ياخي خلاص صرنا في محمل الجد
لزوم ندرس ونتوكلَ ع الله وندعي ❤️❤️'
# منقع لاه خخخخ
توه فرش
. .
يأتي بها الله إن الله لطيفٌ خبير 💟.
'
من باعنآ صعبه نصافحَ يدينهَ
درب المجامل ما أظنهَ نفعنآ
. .
يأتي بها الله إن الله لطيفٌ خبير 💟.
'
بتعيششَ من فرقآي خايب ومعثُور
وبتردگ الايآمَ شفقٍ على رضآي
أقفيت تبغينيْ ، من الصد مكسُور !
لگن علي مرفوق تبگيَ من الجآي '
. .
يأتي بها الله إن الله لطيفٌ خبير 💟.
ليت الحزن فيهم ولاهوبَ فينيَ
الى متى ،؟ وانا حزين بسببهمَ !
> حبيته ياخي ❤️❤️'
..
واليوم سرت اسوي حق ضروسيَ تنظيفَ وانا طالعهَ حصلت ولد يصيح صغير اضن عمره سنتين او ثلاثَ
وكله مخاخيطَ ويصيح من خاطره ، رحمته ياخي
وماشاء الله عليه حليو وعليه كشه ، شكله مضيع أمه وتم يشوفنيهَ وهو يصيح ، عاد كسر خاطريهَ
مارمت اودرهَ وهو جيه
سكت شوي ، عقب جان اتخبرهَ عن اسمه ، طلع اسمه حمد ❤️'
واسأله عن أمه ، ماقبضتَ شي
عقب جان ايي واحد صوبي ، اقول ف خاطريـه الله يأخذه ليش ياي صُوبنا
طلع اخو الولدَ هههههههه ولا ابوه ، بعد يوم شافه هو ربع عنده.
الحمدلله ، وانا روحت ولا كانيَ مسويه شي
وعندي امتحانات وراسيه يعورنيهَ
باي تعبت
ماتشوفونيَ نفسيه وماليهَ بارض هههههه
. .
يأتي بها الله إن الله لطيفٌ خبير 💟.
ضوابط المشاركة
رد مع اقتباس