كل ما قلت بمشي قلت لك بانهزام ، لحظة ممكن أعلمك بعذر … يقنعك !

[عطر الاحساس]

جيت واللي بـ أقوله كنت كابتْه عام ،
..................................خلّني أعترف لك …. وأرجع أودّعك !


ليلة مْفارقك .. مشرّعة لـ : الظلام ،
..................................ما ردعْك الغرام .. ولا بكاي اردعك !

كل ما قلت بمشي قلت لك بانهزام ،
................................لحظة ممكن أعلّمك بعذر … يقنعك ؟

وكل ما شفت بعيونك مواري الهيام ،
................................أرتجف …. وأتأمّل خير … وأشجّعك !

كنت .. زحمة تعابير وشعور وحطام ،
.................................لا تعذّرت أكابر .. وإن مشيت أتبعك !

أتمنّى بـ هاللحظة … ( حمامة سلام )
..................................تاخذك رحلة لـ ( ماضيك ) وترجّعك !

كل ذكرى جميلة ترتمي في الخصام ،
..................................تقطع مْعاتبك …. وتهل من مدمعك !

في عدم اهتمامي نوع من الاهتمام ،
..................................وأنا أودعْك قلبي …. كان يستودعك !

ما مسحت الدموع إلا عشان الكلام ،
.................................كنت أبسمعْك دام إنّي مَ راح أمنعك !

كنت بـ تروح وأدري .. ما يفيد الملام ،
................................... ( قلت أحاول أطوّل بالسوالف معك )





للشاعر محمد المغيرفي

[نـــــــقــــــــاء]

كنت .. زحمة تعابير وشعور وحطام ،
.................................لا تعذّرت أكابر .. وإن مشيت أتبعك !

رائع عطر
تسلمي للإنتقاءعزيزتي

[حبي خالص]

مبدعه عطر بالانتقاء
يعطيك ربي العافيه
دمتي برقي ذائقتك

[رايق البال]

هلا فيك عطر ..
نص واختيار جدا رائع كما تعودنا منك
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[حبك وطن]

ابيات جميله جدا
تسلم يمينك الغلا ~•○