♣°•°•||عـرض النســــا ||•°•°♣

**أريج الرياحين** · 20-01-2015, 10:44 AM

♣°•°•||عـرض النســــا ||•°•°♣

تَـرَى مـا يحمـل لسَـانِـه عـلى كَتـفِـه أبـدْ رَجَّــال
مصيبـه كانـك تشـوف البطـولـه بشـيـن إفعـالـك

مصيبه أنِّـك علـى سُـود الفعايـل بالغَبَـاء تِخْتـال
تِظنّ إِنِّك مَلكت الغيـمْ ... و حَـدِّكْ واطِـي اِنْعَالـك

وِش انتهْ قول لِي بَس ايشْ حقِير و تَافِه و مِحْتال
بليـد و مُعـدم و وَجْـهِـك يـلـوِّنْ غـامِـق اِظْـلالـك

سكـتّ وقلـت أعَدِّيهـا واعَـرْف إنِّـي وسيعـة بَــال
حليمـة لا مَلانـي الغيـظْ .. واتْرَفَّـع عــن امْثَـالـك

وشوفِـكْ حيـلْ تِتْمَـادَى و يتْمَـادَى مَـعَـاك انْــذال
و أنـا مـا هَمِّنِـي و الله .. لا قَوْلِـك و لا انْـذَالـك

أنـا يـا هيـه مـانِـي الـلِّـي تِهـمّـه هـرجـةَ الـدجَّـال
و رجلٍ مـا سِلِـم عِـرض النسَـا مِنِّـه تَـرى هالِـك

يجي لِك يوم.. تشوف الله و لا شيِّـن قبَالِـه حَـال
و تعـرضْ قائمـةْ فِعلـكْ و تُــوزَنْ جُمـلـة اعمـالـك

دعـيـتَ الله و أنــا ابّيـتـه و كـانـت قِبْلـتِـه بقْـبَـال
إذا جاتِكْ " صحيفة سُوء " تذكَّر واحضِر ابّالـك

دعيتِه يرفـع همُومـي علـى الأحْـزَان و الغِرْبَـال
و ياخـذ صدمـةٍ فينـي .. و يرْسِيهـا علـى جَالـك

تشـوف اقْـرَب قِريبَـه لـك تدمِّـر أجْـمَـل الآمَــال
تشـوف إنَّ اليديـن اللـي عَطَيـت .. بيـومْ تِغْتـالـك

تحس إنَّ القَهَر حَارِق.. يجي لك كـلّ يـوم بحَـال
و تَقْدَعْ من يدينِـه مُـر.. و تشْـرَب نَفْـس فِنْجَالـك

عشان اتْعَرف لو طَالـتْ علـى الظَّالِـم كِثيـر ليَـال
بـأنَّ الله مـا يِـهْـمِـل و لــو يِـمْـهِـلْ بـإهْـمَـالـك