ماهو بكفو !

[منكسهہ خشوم!]

ماهو بكفوْ الوقت حبك يمحّيه
ياللّي تخاف صروف الأيام تمحاه !
إرتاح .. مادام المواصل يقوّيه
إنت إنت .. وأنا أنا .. وقلبي هو إيّاه !
حتى ولو بتغيب ذكراك .. تكفيه
ياواحدٍ تكفي عن الناس ذكراه !
حبّك على رمْلة خفوقي مواطيه
ورياح عذلي عنْك ما تمسح خطاه !
والّلي يِعَذل القلب عن درب غاليه
الله بما يبلا المواليف يبلاه !
أخفيه يابا الفيت والحال يبديه
أدناة واحد ينظر الحال يقراه !
مِخفيه فيه ومعتنٍ به وحاميه
من كلّ عينٍ ودّها تنزل حماه !
قلبٍ يحبّك والهوى الذرْب ماليه
كانك مكذّبني .. بعينك تحلاّه !
شرطٍ تشوفك فيه .. منت بحواليه
ويمكن تشوف ديار وآماكن إرعاه !
وبتشوف به تمثال والوقت هاريه
وبتشوف زرعٍ ميّت وواقفٍ ماه !
وبتشوف جرحٍ فيه سكين راعيه
راح ونسى السكين والجرح ينخاه !!
وبتشوف حصنٍ عجّ الأقدار سافيه
وبتشوف باقي بيت راعيه خلاّه !!
لا تنزعج هذا خفوقي وباقيه
ولا تضايق من تصدّع زواياه !
قد زلزله فرقى .. وهزّت عراويه
والله ستر .. والحظ عانه وعافاه !
وكانه صلح لك .. وأعجبك زيد تبنيه
إبنه وجهّز للمقابيل مبناه !
أبغيك بسّ من المفارق تداريه
وإزهل من يداري شعورك ويدراه !
وحلّل وحرّم فيه .. ياأبرك بلاويه
وحلّه وراع رضاي ورضاك ورضاه !!
جعلك بعد بعض الوجيه ... أمحق وجيه
ناسٍ مراتعها الرفيق بتقفّاه !
أنواع .. وأخطر نوع .. ماني بناسيه
نوعٍ على تفريق الأثنين مسعاه !
تلقاه دوم وكلّ يوم تلاقيه
وإلى بغيته صدق ما عاد تلقاه !
ولاّ أنت ردّك كلّ ما أدعيك .. لبّيه
أنا أشهد إن منتوب في عيني أشباه !
منتب مع العالم ولا تقول لي .. ليه ؟
أنت آدرى منّي ووش جوابي وفحواه !!
كذيه .. ومن الله .. يازين واليه
وأغلى طروش القلب ودواه من داه !!!
الحلم ياتيني بزولك وأراعيه
وفي كلّ حلم آقوم قبل آتحفّاه !!
أعشق سميّك في البزارين وأدعيه
وأقبل خطاه إلى خطى وآتلقّاه !!
وإسمك يروّعني إلى مرّ طاريه
وآحبّ ملقوفٍ يسولف وطرّاه !!
وآمرّ بيتك من بعيدٍ ولا آجيه
وآنا لو إنّه في يدي .. ما آتعدّاه !!
حتى ( تواير ) ( موتري ) تلتفت فيه
تبغي تلفّ ويستحي العقل والجاه !!
وصلْك يخيط الصدر والبعد يفريه
ويابري حالي كان صدّيت برياه !!
ويلي على .. ( أدري حبّنا ويش تاليه ؟ )
وويلي على ( أدري وش ورى الغيب ؟ ) ويلاه !
عشان أشوف إذا محبتك .. ترفيه
والله لا أقفّي عنْك .. أستغفر الله

[حبي خالص]

انتقاء جميل أختي
كلك ذووووووق

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

[عملاق الشعر]

Vip


نص جدااا راائع



سلمت يداكِ المبدعة وذوقك الراقي

[زهرة الأحلام]

.
.



Vip ..
كلماآت جميلة / ذوقٌ راآقي
اسعدكـِ الرحمن ~

[نسر البوادي]

أحرف سطورك شلت قلمي ..
وكلماتك شغلت تفكيري..
لم أجد حروف تناسب هذه الاحاسيس الرائعة
وليس لي ما أضيفه على تلك الترانيم الجميلة
سوى أنك أبدعت بكل ما تحمله الكلمة من معنى..

سلمت يمناك
فلا تحرمنا عذب كلامك الرائع

[منكسهہ خشوم!]

انتقاء جميل أختي
كلك ذووووووق

مرورك الاجمل الغلا
منوره

[منكسهہ خشوم!]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

كل الشكر لمرورك العطر
منورهه

[منكسهہ خشوم!]

Vip


نص جدااا راائع



سلمت يداكِ المبدعة وذوقك الراقي

كل الشكر لمرورك عملاق
منور

[منكسهہ خشوم!]

.
.



Vip ..
كلماآت جميلة / ذوقٌ راآقي
اسعدكـِ الرحمن ~

كل الشكر لمرورك زهرهه
منورهه