المدير العام للشؤون الثقافية والأدبية ورئيس رواق الشعر والخواطر والقصص والشيلات
يسعد مساكم / صباحكم
هلا بالجميع ...
كثير نسمع بأنه لاتوجد جريمه كامله وان لابد من وجود خطأ ما يحدث وتظهر الحقيقه ورغم إيماننا بذلك إلا ان الحياه اثبتت بأن آلاف الجرائم تحدث يوميا ولم يتم التوصل للجناه لأسباب عديده ...
اليوم راح احكي لكم قصه وهالقصه حصلت في دوله عربيه عام 1930 حسبما اتذكر ...
سرد القصه وكتابة السيناريو وتصوير الاحداث والاخراج بقلمي المتواضع ..
الله يسلمكم مره بنت ومعاها 3 رجال شكلوا تنظيم عصابي وعملوا العجب في السرقات الكبيره ..
اتفقوا ان البنت تنتحل شخصية اميره ذات غنى وجمال وشخصبه استقراطيه والرجال الثلاثه اللي معاها واحد سائق والإثنين حراس شخصيين لها ...
وخطتهم بدأت بإستئجار سياره فارهه وبعدين تركب فيها الاميره ومعها الحارسين الشخصيين والسائق ويروحوا لأكبر محل ذهب ومجوهرات ..
ينزل الحراس الشخصين ويدخلوا على صاحب المحل ويقولوا له : سمو الاميره راح تدخل محلك الحين تختار مجوهرات وذهب لها ..
طبعا صاحب المحل يفرح كثير لأن اللي راح تشتري اميره مو انسانه عاديه وطبعا راح يكسب الآلاف من هالشراء ..
يفتح السائق لها باب السياره وتنزل بكل كبرياء وشموخ والحراسين الشخصين محيطين بها والسائق بسرعه يركض للمحل يفتح لها الباب وطبعا كل هذا يحدث امام عين صاحب المحل اللي يزيد انبهاره ههههه ..
وبسرعه يقربوا لها افخم كرسي وتجلس عليه وصاحب المحل يختار اثمن واجمل ماعنده من ذهب ومجوهرات ويجيبهم للأميره عشان تختار اللي تبيه ..
تختار الاميره طبعا الكثير مما غلى وزنه وسهل حمله وتقوم من كرسيها وتكتب لصاحب المحل شيك بالمبلغ لا وتزيد فيه شوي اكراما له هههههه . وبسرعه اللي معاها يفتحون لها الباب وصاحب المحل يودعها لحد باب السياره وهو فرحان من هالمكسب الرهيب اللي فجأه حصل عليه ..
ولما يروح اليوم الثاني يصرف الشيك يطلع انه بدون رصيد وعاد هو وحظه تحمل الصدمه ولا مات هههههه ..
استمرت هالعصابه على هالأسلوب سرقوا محلات كثير وكانوا يغيروا اماكن سكنهم بالفنادق وبعد بأماكن السرقات وكل يوم بمنطقه من البلد ... بدأت الصحافه تكتب والشكاوي تنهال على الشرطه وهي تحاول تحاصر هذا الأمر وتمسكهم لأن الذهب والمجوهرات المسروق بالملايين كان ..
اخيرا اجتمعت العصابه واتفقوا على القيام بأخر واكبر سرقه لأن الوضع خلاص صار خطير ...
تنكّر واحد منهم بلياس الشرطه وراح لأكبر محل مجوهرات ودخل وسلم على صاحب المحل وقال له : معك الضابط فلان .. طبعا سمعت انت عن عصابة الأميره اللي للأسف الشديد نهبت الكثير من المحلات ولم يتم التوصل لها ..
رد صاحب المحل : ايوا سمعت هالسالفه اصلا عامله بلبله في البلد والكل خايف منها ويتكلم ..
رد الضابط صاحبنا : اهااا .. عليك نور ماشاء الله عليك اسميك طلعت ذيب نعم وراح تسهل مهمتي وايد انته ..
صاحب المحل استغرب وسأله : اشلون يعني .. مافهمت قصدك ؟ وضّح لي اكثر ..
هنا عاد صاحبنا رسم الجديه على وجهه واخذه على جنب وهو يهمس له وقال : عندنا معلومات مؤكده ان هالاميره هي وعصابتها راح تجيك بكره الساعه كذا .. وطبعا انت سمعت عن اسلوبها انها تختار اغلى واثمن المجوهرات .. الخ ..
رد صاحب المحل : ايوا سمعت عن هالموضوع ..
هنا قال له صاحبنا : اهاا .. الحين عاد بقولك شو تسوي .. لما تجيك هالاميره خلي نفسك ماعندك خبر بأي شي واعطيها اللي تبيه .. احنا متابعين للموقف تطمن ولعلمك هي وعصابتها ساكنه فندق كذا .. والحين بروح عنك بس ارجوك خليك ملتزم بالخطه لاتخرب علينا خطتنا واحنا من نمسكها تعال لي المركز الفلاني عشان تستلم مجوهراتك وذهبك وراح نعطيك جائزه نتيجة تعاونك هذا مع رجال الأمن وراح تشتهر والصحافه تكتب عن بطولتك ههههههه ..
فرح صاحب المحل وتطمن ان اخيرا راح يمسكون هالعصابه وكمان راح يشتهر ..
في اليوم الموعود جت العصابه بس هالمره صاحبنا الضابط ماكان عندهم .. اختارت الاميره زي العاده اللي تبيه وبعدها قالت لصاحب المحل : انا مقيمه في فندق كذا ياريت تجيني هناك بعد ساعه ومعاك مجموعه اخرى عشان اختار بشكل افضل لأني شوي مستعجله حاليا وعاد لما تجي بعطيك المبلغ اللي تبيه وفوقه مبلغ هديه مني .. صاحب المحل قال لها : حاضر سمو الاميره ولايهمك راح اكون عندك بالموعد اللي ذكرتيه ..
طلعت الاميره وصاحب المحل يودعها بكل احترام وهو متطمن خاصة وان سكنها طلع نفس اللي قال عليه صاحبنا الضابط ..
وصل صاحب المحل فنفس الموعد للفندق وشاف الضابط يتمشى بالحديقه وابتسم كل منهما للثاني هههههه ...
طلع للأميره جناحها واعطاها المجموعه الجديده من اللي جابهم .. اختارت الاميره كل اللي جابهم وقالت له : الحين بكتب لك شيك بالمبلغ وفوقه مبلغ بسيط هديه لك مني .. ولحد ما اجهز لك الشيك اشرب هالعصير وارتاح ..شرب صاحبنا العصير وراح ف سابع نومه ههههه .. شوي إلا والضابط صاحبنا داخل الفندق ويقول لمدير الفندق : بسرعه قول لي الاميره ساكنه بأي جناح ؟ رد مدير الفندق : خير شو حاصل ؟
رد الضابط : بعدين بتعرف نايمين فالعسل انتوا ماعندكم خبر بشي مو كأنكم بالبلد عايشين ..!!
طلع بسرعه هالضابط للجناح وفجأه نزل ومعاه الاميره ومعها السائق وحارسها الشخصي مقيدين وهو يكفخهم ويقول لهم قدام كل المتواجدين ومن ضمنهم مدير الفندق : ع بالكم راح تظلوا دوم تنصبون ع الناس هاااه ؟ ماعليكم انا بوريكم شغلكم .. اعدام فيكم ماراح يكفيني ... وفجأه التفت لمدير الفندق وقال له : جهز فواتيرك وتعال لي المركز الفلاني بعد 3 ساعات لأن تعرف راح اكون مشغول بالتحقيق معاهم وتجهيز الأدله ...
تطمّن مدير الفندق وقام هو وكل المتواجدين بالفندق يشجعوه ويقولوا له : اسميك ذيب نعم .. صلبهم .. الخ .. ( والله اللي يسمع هالكلام راح يفتكر الرايق معهم ذيك الساعه هههههه ) ..
طلع الضابط وقدامه العصابه وركبوا السياره وتحركوا ...
وهم بالطريق فك قيودهم وغيروا ملابسهم وعلى طول للمطار لأن باقي على اقلاع الطائره يادوب ساعه لأن التذاكر خلاص كانت جاهزه والحجز من يومين كانوا مرتبينه هههههه .. خلصوا اجراءات السفر بسرعه واقلعت الطائره ..
بعد اقلاع الطائره بساعه صحى صاحب محل المجوهرات من نومه والتفت حوله ولما ماشاف احد قام يصرخ ونزل بسرعه وهو يصرخ : وينهم ؟ راحت مجوهراتي سرقتهم الاميره واللي معاها .. الخ تلّقاه مدير الفندق وابتسم له يهدّيه وقال له : خلاص تطمن مسكوها العصابه وبعد شوي بروح المركز عند الضابط فلان استلم فلوسي بس شوي اخلص حساب الفواتير وبنفس الوقت اعطيه مجال للتحقيق لأنه قال لي تعال بعد 3 ساعات ..
فرح صاحب محل المجوهرات وتطمن وقال له : اعرفه هالضابط والله انه نشمي ونفس الشي قال لي اجيه المركز عشان استلم مجوهراتي ..
رد مدير الفندق : خلاص عيل بنروح مع بعض ..
شوي وتحركوا وراحوا للمركز اللي قال لهم عليه صاحبنا الضابط ..
دخلوا المركز وهم فرحانين وشافوا احد الضباط جالس بالإستعلامات .. سلموا
عليه وقالوا : لو سمحت نبي الضابط فلان ..
الضابط استغرب من هالإسم وقال لهم : هالإسم مامر علي وماعندنا ضابط بهذا الإسم ..!!
مدير الفندق وصاحب محل المجوهرات ردوا بنفس اللحظه : اشلون ماعندكم هالضابط البطل واحنا من شوي شايفينه ومسك الاميره وبهذلها هي والعصابه وقال لنا نجيه هنا عشان ناخذ حقنا وهي تترحل للسجن بعد التحقيق ..!
الضابط أكد لهم بـأن هالإسم مو موجود معهم وقال لهم : اصلا احنا خلاص على وشك نمسكهم وحتى صورهم معانا .. لحظات بس بوريكم صورهم ..اول ماشافوا الصور إلا وصاحبنا الضابط كان من ضمنهم هههههه ..
هنا عاد بصراحه ما اذكر شو اللي حصل لهم من الصدمه ماتوا ولا جتهم نوبه ولا شو بالضبط هههههه ..!!!
انتهى ... بقلمي
اخوكم / رايق البال
ملاحظه : نشرت هنا لي في 7 / 7 / 2013
التعديل الأخير تم بواسطة قائد الغزلان ; 30-01-2015 الساعة 10:59 PM
نحن ..
لانرتب أماكن الاشخاص في قلوبنا ..أفعالهم ..
هي من تتولى ذلك..!
***مسااااء ورد اريج****
***ياا هلاا والله بالعمده***
***هههههه....ياا عيني عليهم محترفين في عالم السرقة***
***تسلسل راائع في الكتابة كالمعتاد***
***راائع رايق..وااصل وباارك الله فيك***
***تستحق وساام الكاتب المميز***
***بااارك الله فيك***
***ودمت في حفظ الله ورعايته***
ههههههههههههههههه
شكلك كنت الراوي سلمت يمناك استاذي طره وقلم متميز كل العاده
- اللهم اغفر لى و لوالدى,
و لأصحاب الحقوق على,
و لمن لهم فضل على ,
و للمؤمنين و للمؤمنات والمسلمين و المسلمات
عدد خلقك و رضا نفسك و زنة عرشك و مداد كلماتك.
قصة جميلة
يغطيك الف عافيه
قصة جميلة
سلمت الانامل
تحياتي لك
يا سلام عليك مبدع دائما
والله أعجبني دهاء العصابه تكتيك مضبوط
كل الشكر لك إستاذي على جمال طرحك
قلم مبدع دائما وأبدا ..
تحياتي لك ،،
هَمَيَ ذبَحَنَيَ وًّأنَتَ مَاَ تَرَحَمَ اَلَحَاَلَ
أقَوًّلَكَ مَهَمَوًّمَ تَقَوًّلَ اَلَلَهَ يَعَيَنَك ،،
هلا فيك استاذي
هههههههههههههههههههههه قصة جداا رائعة ياخي شوف كيف الناس خبرة وذكاء
واحنا ايامنا نسرق حلاوة ويكشفونا هههههههههههههه
سرد جدا جدا رائع واستمتعت بقراءة القصة
سلمت يداك المبدعة وذوقك الراقي
إلهي لاتُعذبني فإني
مقرٌ بالذي قد كان مني
ومالي حيلةٌ إلا رجائي
وعفوك إن عفوتَ وحُسن ظني
وكم من زلةٍ لي في الخطايا
وأنت علي ذو فضلٍ ومنِ
إذا فكرتُ في ندمي عليها
عضضتُ أناملي وقرعتُ سني
يظن الناسُ بي خيراً وإني
لشرُ الناسِ إن لم تعفُ عني
أجنُ بزهرةِ الدُنيا جنوناً
وأقطعُ طولَ عُمري بالتمني
المدير العام للشؤون الثقافية والأدبية ورئيس رواق الشعر والخواطر والقصص والشيلات
غزلانالمشاركة الأصلية كتبت بواسطة قائد الغزلان
هههههه تسلمي والله
الف شكر لمرورك وتعليقك اللي اسعدني .. كل الود لك مني
نحن ..
لانرتب أماكن الاشخاص في قلوبنا ..أفعالهم ..
هي من تتولى ذلك..!
قصة رائعة يعطيك العافيه
أريَد أن يبَقى ألجمَيع غربَاء
كيَ لا نشَعر بخيبَتهَم فَالقَرب أحَيانَآ موجَع ,,
،
هههههههههههههه*
قصههَ جميله ;
كُل آلششكرْ عَ آلطرح بنتظار جديدگ !
يعطيكِ آلله آلععآفيهً!
-
( وٰ إني قويه بـَ ؛ رب السمآء ).
ضوابط المشاركة
رد مع اقتباس