لذه طهر والصدق زود نقاها ~||

[عطر الاحساس]

يا هيه جاك القاف مسيت بالخير
ويسعد مساء اللي لفانا قراها

اسوق لك بالقاف حلو التعابير
ابيات شعرٍ تكتسي من بهاها

في مجلسٍ ينخاه كل المناعير
شعار من يبلغ علو مستواها

واسقيك من صافي الدلال المباهير
قهوة محبه والوله .. محتواها

واميزك عن ناس غيرك مشاهير
واعطيك من فيض المحبه صفاها

غلاك صايبني بنشوه وتخدير
واصبحت لريم الجفوله مناها

تشهد على حبك دموعٍ محادير
ويشهد عليه الليل يومه سراها

تدري متى تلفي طيوفك مسايير
واتذكرك والعين يكتض ماها

وتزيد في عقلي هجوسٍ وتفكير
واجر وناتي ويرجع صداها

في تالي السهره وفي حزت اعصير
تزيد اشواقي ويلهب سناها

لا تحسب اني لا مدحت الشواعير
اهتم باسماهم وادور رضاها

في داخلي للقاف حشمه وتقدير
وامدح بيوت الشعر وامدح بناها

وشعارها يوم احسنوا بالتصاوير
خلت مدايحنا تزود حلاها

ماني بمن تتبع لنفّاخت الكير
ولا ذيابه ليل تعوي جراها

لاهل الهوى لذه وانا لذتي غير
لذه طهر والصدق زود نقاها

تفداك روحٍ ما احسبت للمخاسير
وتفداك عينٍ قل شوفك عماها

ويفداك قلب صار مثل العصافير
لاسمع صوتك رف يطوي سماها

ويفداك قاف جاء يسوق المعاذير
ويرجي حروفه تبلغ اخر مداها

هذا هو الواقع .. ولا فيه تغيير
وهذي حروفي يوم حبك زهاها

[تباشيرالأمل]

الله عليك عطر
أبيااات جميلة
سلمت يمناااك

[حبي خالص]

الله الله عليك عطر
يسلم ذووووقك الراقي يا ذووووق

[الشيخه الفلانيه]

،




قصيدههَ جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[رايق البال]

هلا فيك عطر ..
دمتي نبراسا للإنتقاء العذب والراقي دائما
الف شكر لجهدك وذائقتك وتفاعلك الجميل .. كلك ذووق
( نص يستحق النجوم الخمس )

[عملاق الشعر]

عطر الاحساس


نص في قـــــــــــــــــــمـــــــــــــــــة الجمال
وذوووق جداا راقي


سلمت يداكِ المبدعة وذوقك الراقي

[الحمدلله ربي]

بصراحة ابيات قمة في الروعه
اعجبتني جدا جدا

[تہفہآصہيہل !]

جميل ..
اسعدني طرحك ..
يعطيك الف عآفييييه

[عطر الاحساس]

الله عليك عطر
أبيااات جميلة
سلمت يمناااك

كآن لحضورك هنآ جمالا .. واشراقا ..

سُعدت بوجودك الرآقي

تحيتي وتقديري

[عطر الاحساس]

الله الله عليك عطر
يسلم ذووووقك الراقي يا ذووووق

كآن لحضورك هنآ جمالا .. واشراقا ..

سُعدت بوجودك الرآقي

تحيتي وتقديري