وراح أنزل بارتين لعيونكم





رواية:,,, لأنني أنثى مختلفه لن تستطيعوا فهمي ,,,\للكاتبة شمووع الحب – روايتي الأولى

عندما تعصف بك ريح الخيانه وتشم نسيم الألم وتذوق عسل الحزن عندما تتوقف احلامك ليمضي العالم قدما عندما تبدا نهايه لتنتهي بدايه عندما يرحل البقاء ليبقى الرحيل عندما يبدأ الحزن لتختفي الابتسامه عندما يختفي نزيف الدموع ليبدا بكاء الدماء عندما ما تكون النفس تخلت عن كل شيء حتى روحها هنا سيبدأ نبض قلمي نبض حكايتي نبض روايتي قصه قد تشابه الكثير في الاختلاف .
لم اجد عنوان مناسب للروايه سوى هذا وفضلت عنونة كل جزء على حده

((اكيد مليتوا م العربيه الفصحى هع اربطوا الاحزمه هيا لنبحر مع البارت الاول ))
المهم الرواية 4 عوايل فانصحكم تكتبون اسماء كل عايله على جنب من ورقه صغيرة وتحطونها معاكم عشان لا تتلخبطون
__________________________________________________ ______________
البارت الاول (عايلتي )
المكان: بيت بو حمدان (الله يرحمه)
التوقيت: 6:30 ص الثلثاء
( الهنوف)
__________________________________________________ ________________
لكل الي ما يعرفوني كيفكم اخباركم عساكم طيبين ؟؟! J
اكيد عرفتوا ان اسمي الهنوف ..عمري 16 سنه بس صدقوني الي يشوفني يفكرني عيوز بعدين بتعرفون ليش..
انا اكبر اخواني ال3 ولدين وبنت: هيا (هيونه) 4سنوات بس ما تروح الروضه تقههر دلوعة امايه... أحمد(حمودي) 11 سنوات و محمد(حمودي بعد ههه) 9سنوات ..امي (نور العين) عزه 34سنه وبابا حمدان الله يرحمه ..
مواصفاتنا واشكالنا راح تعرفوها لما تكملون باقي الرواية ..
صح انتوا ما عرفتوا ليش انا ناشة من اللحين ..وهو في غيرها المتعسه اقصد المدرسة يلا باي اخاف اتأخر على الباص ويروح عني ادريبه السايق يسويها ..
__________________________________________________ ___________
المكان:بيت حامد(عمي الأول والوحيد)
التوقيت: 7:00 صباحا
(روان)
اهلين انا روان بنت عم الهنوف وبنت خالتها فهمتوا يعني امها وامي خوات وابوي وابوها اخوان
عمري 17 سنه بس انا صف 11 مع الهنوف لا لا موب راسبه بس راحت علي سنه وانا ثاني اخواني واخر العنقود واخوي الي اكبر مني اسمه ريان وعمره 20 مبتعث يدرس برا في بريطانيا هندسه (ريان) سنه 2 اللحين
والغاليه مامي اسمها(عبير)48 ..وبعدين راح تعرفون ليه نحن 2 بس ؟؟!! وبابي الغالي (حامد)58<<متقاعد من الجيش
ترا نحن والهنوف جيران بيوتنا ملاصقه لبعضها من جيه انا والهنوف مطيحين الميانه ويا بعض زياده عن اللزوم
ترا امي وخالتي وحيدات امهم وابوهم الله يرحمه بعد مامات خالي (عادل ) فحادث سير وهو صغير الله يرحمه من جيه ما عندنا اولاد وبنات خوال
اما بابي فهو وحيد اهله الله يرحمهم من بعد موت عمي وعماتي ال2 (حناين) (حنان) فنفس الحادث الحمدلله كنت شبه صغيرة ولا شهدت الحادث الفضيع والحمدلله ابوي نجا لأنه ما كان معاهم من جيه نحن بس عايلتين
__________________________________________________ _______
المكان:لندن(سكن الجامعة )
التوقيت : 8:30ص >>ترا انا ما اعرف فارق التوقيت هههه
(ريان)
شميت هوا لندن البارد وانا احن لهوا بلادي عمان صج الجو هناك حار بس قرب الاهل غير يالله ما عليه راح اتحمل الغربه لعيون هالدراسه

قطع علي حبل افكاري دخول (وليد ) صاحبي علي الغرفه
وليد 22 سنه رفيجي من ايام الدراسه .. وهما 3 جار لنا بالحي بعد بيت خالتي عزة ونحن ربع وايد وكلنا مع بعض حتى اخته (ورده) 17 سنه ويا اختي رزان فالصف وكله شغالين خبال في الصف الله يستر

طلعنا للكانتين نتريق وعقب نسير المحاضرة
(وليد)
هلا عرفتوني صح بقى اخبركم عن الوالده الله يحفظها 44سنه (بس مريضه بالكانسر الله يحفظكم) اسمها (غاليه ) والوالد ناصر الله يحفظه 54سنه وماسك شركه فعمان وعلى فكره شركتنا وايد مشهورة ونحن مستوانا المعيشي اكثر من ريان بس عمره هالشي ما كان سبب مشاكل او تكبر ما عدا الوالده الله يهديها بس بعد الخبيث طخت وصارت اوكيه..
حدي جوعان بسير اتريق باااااااااااااااي
بما ان الوالدة تزوجت متآخر ما لحق تيب غيري انا و ورووده
__________________________________________________ ________________________
مخرج:
نمشي على كف القدر ولا ندري بالمكتوب


نهايه البارات الأول ادري قصير بس حبيت تعرفون الشخصيات ترقبوا البارت الثاني ....

ودي شمــــ الحب ـــووع J





البارت الثاني
الجزء 1 (روتينـ)
المكانـ:بيت حمدانـ
التوقيتـ: 2:45 ((وقتـ الغدا بعد رجوعـ العيالـ منـ المدرسهـ)) الاربعاء
__________________________________________________ ____________________
انفج الباب بدفاشه وانا اسمع تأفف وتذمر وحر وحر ومتى اخلص الدراسه فعرفت انها حبيبتي الهنوف وكاهي وصلت الصاله
الهنوف:السلام عليج امايه
باستلي راسي كالعاده وفرت جنطتها بكل دفاشة عالكنب وانا ابتسم من تصرفاتها الي كلش غير عن اخوانها
شوي الا وهيونه جاية ت عشان تحظنها وتدورها بقوه مسكينه ليما يدور راسها بس تضحك والله بنتي طلعت بقرة هههه
وبعد لحظات وصل حمودي العود وحمودي ال2 ...كلها نص ساعه ونحن متجمعين ع طاولة الاكل
أحمد: يما
ام أحمد:هلا يما شبغيت؟؟
أحمد: يما أريد آي باد شرات ربعي
محمد:وانا بعد مامي
أم أحمد: ان شاء الله حبايبي تآمرون أمر
الهنوف: هيش اقصد شنو نعم نعم نعم ما سمعت انتو ايه يالنتفه تبون آي باد انطممون طمكم الله لا اخليكم تقولون أي ظهري
أم أحمد: عيب ي حياتي موب هالدفاشة نتكلم وبعدين توهم ياهل ولازم تعاملينهم بقد عقلهم
الهنوف : يما شوفي اي باد ماكو عنبوك حمني شايفنا يالسين على كنز علي بابا راس مالنا كله معاش الوالد الله يرحمه انتظر 6 سنوات اخلص واشتريلك الي احلى منه.. لو جان عندنا فلوس جان يبنا خدامه تساعد امايه
أحمد ولدي اعرفه دووم يسمع كلام الهنوف ويقدرها من جيه سكت وطرت فبالي فكرة اني اشتغل وحمود ولدي ادخله الحضانه والله انها فكرة ممتازه
هيونه:ماما ماما وس فيس ثارلي ثاعه اكلمس <<صاري ساعه اكلمج
ام أحمد:يابعد قلبي اسفه ما سمعتج خير شتبين حبيبتي
هيونه:ابا ماي عثيت بالاكل<<غصيت
أحمد:ههههههههههههههههههههههههههههههههه يما الشيمه عطيني قاموس اترجم كلام بنتج
الهنوف:ههههههههههه عيب حمني <<وطالعته بنظرتها المعتاده الي تخوف بيها كل ياهل تشوف
أحمد:يمه خلاص والله انطم
وقام حمني يغسل ايديه وانسحب للغرفه وبعدها انسحب بهدوووء لغرفته ونادى محمد عشان يقوم معاه
وقمت انا وهنوفه نرتب المواعين وننظف المكان
__________________________________________________ _________________
المكان:بيت حامد
اليوم : الاربعا التوقيت:4 م
(روان)
__________________________________________________ ___________________
اوف تنهدت بضيج وملل وانا يالسه مكاني فغرفتي اطالع اوراق الامتحانات الي ما يبت فيهم عدل م لقيت تفريج لهاالضيجه غير روحة بيت عمي وبالفعل لفيت شيلتي طلعت كنت لابسه مخور احمر وبيج يعني ماكو لزمه للعباية ههه ومن متى انا البس عباية لا رحت بيت عمي ترا كلهم صغار وشبه محارم ههههه...,,,,,,,دقيت الجرس وفتحتلي هيونه
هيونه:لوااااااااااااان
روان:هيووووووووووووووووووووونه ,,,ولويت عليها ,,هيونه وين هنوفه؟؟
الا اسمع صوت ناعم بس يناديني بدفاشه
الهنوف :انا كاهني هنيييييييييييييييييييييييييييييه وش جايبج مسرع ما اشتقتيلي صح ..؟؟
روان:لا اشتقت لهيونه وجيت اسلم على خالتي
الهنوف :مااااااااااااااااااالت عليييييييييييييييج
روان :وعليج
الا تدخل خالتي الصاله
روان :السلام عليج خالوه
أم احمد: وعليج السلام ..خير شصاير بلاكن جيه كل وحده صوتها اعلى من الثانيه عيب حبيباتي صوت المراة عوره وحلات البنت برقتها
دخلت الهنوف فهاللحظه وسلمت علي بكل دفاشة ولا كنه امها تتكلم عن الرقه هههههه هالبنت رغم جمالها رقتها ميؤوس منها الله يهديها
رحنا لغرفتها وبدت السوالف والخبال واهم شي ان بكرة الخميس...
__________________________________________________ ____________________
المكان:غرفة هنوفه
التوقيت: 4:30 الاربعاء
(الهنوف)
__________________________________________________ ____________
بصراحه كنت حدي مستانسه وانا اشوف ملامح روانوه الي تشبه ريان كثير عيونها العسليه وخشمها الصغير وشفايفها الورديه الممتلئة ولا شعرها البني الغامج بس ريان عيونه سود وشعره اسود وهو اطول منها وهي وايد نحيفه يعني ضعيفة وعظامها موب عريضه بصرااحه ريان احلى منها اه يا ولد عمي الله يحفظك
روان:هييييييييييييه وين رحتي
هنوفه:ابد هني مكاني
روان:اوقي سمعي بخبرج عن وردوه الخبله وشيطانتها
كانت روان تتكلم وانا افكر بريان مسكين كيفه في الغرب

لحظه stop هههه لااااااااااااا يكووووون ع باااالكم احبه لاااااااااااااااااااااااااااااا بس نحن وايد ويا بعض وانا احبه مثل اخواني واعتبره موب اعتبره هو اخوي الكبير وسندي بعد وفاة المرحوم وعلى فكرة نحن ربع وايد وايد وايد وهمومنا عند بعض


روان:هنوووووووووووووووووووووووووووووووووووف
هنوفه:هاااا
روان :والله ما صارت صارلي ساعه اهذر وانت ولا معاي
هنوفه:روان اتصل بكم اخوي والله ولهت عليه وعلى طلعاتنا مع بعض
روان ما فاهمه الموضوع غلط تعرف ان نحن بس اخوان
روان:حبيبي بعد عمري اخوي ايه اتصل امس س 9 الليل ويسلم عليكم وايد
هنوفه :شرايج ندش النت انابدش الفيس بوك وانت دخلي المسن عشان لا حصلناه صدناه تمام
روان:كبيييييييرة يا هنوفه مخج مخ مترتب
هنوفه:اعوذ بالله من عينج
بس للأسف ما كان متواجد فانسحبت روان لبيتهم وكملت مذاكرة وانا اسب ف العلمي الله يصبرني بس واخلص هالأرف وافتك واتزوج اخ وع شنو اتزوج قرصت نفسي اذكرها بشعاري "سنجل لايدي"ههههههه واشتغل الخبال
__________________________________________________ ________________
المكان: لندن
التوقيت30مساء بتوقيت لندن الاربعاء
(ريان)
__________________________________________________ __________
بعد ما نام بو ناصر (وليد) حسيت بملل والنوم جفاني فقررت اتعبث ف تلفوني تذكرت اختي هنوفه ما دقيت عليهاصارلي اسبوعين قررت ادق عليها لان التوقيت عندهم يعدها الساعه 10 وموب من عوايدها راقده بتكون
فدقيت ثواني الا اجزاء من الثانيه وجاني الرد
الهنوف بكل حنيه دفشه : الووووووووووووووووو السلام عليكم كيفك الغالي وكيف الغربه افا موب كاني اختك بس تدق ع روان
ريان: هههه اسف فديتج بس ليه هالدفاشه الي فيج حاولي تثقلين شوي
الهنوف:افا اللحين هذي دفاشه وانا احاول اطلع ارق ما عندي
ريان: ههههههه والله خبله وبتظلين خبله طول حياتج
الهنوف:ما عليه مقبوله منك اخوي لو كنت يمي لوريتك بوكس جون سينا تذكر متى اخر مررة ذقته
ريان : ههههه حرام عليج والله يعور صج حشى موب بنيه كل هاي دفاشه فيج
الهنوف:الدفاشة ملح الحياة....ما علينا اخبار الدراسة وكيف شاد حيلك ولا صايع انت وليدوه ادريبك تخق لا شفت بنات عاد بريطانيات يا رب سترك
ريان:عيب عليج والله من الجامعه للسكن بس باكر بنطلع نحوس شوي
الهنوف:اها حلو مامي تسلم عليك وااااااااااااااااااااايد
ريان: يا بعد جبدي خالوتي سلمي عليها وايد وع خوانج حمودي تربيع ههههه وهيونه
الهنوف: يبلغ ...فداعة الله الغالي
كنت بسكر بس سمعت الهنوف تصارخ وتقول لحظااااااااااااااااااااااه
ريان:خير شفيج ؟؟
الهنوف: ممكن تدخل الفيس نتكلم هناك بلييييز
ريان: لا
الهنوف :حراام ليه
ريان :لاني داخل المسن
الهنوف حلو باي
سكرت فويهي ثواني واشوف رساله ف المسن

((بنت المرحوم))
كيفك خيو؟؟
((British Ryan ))
الحمدلله ما شاء الله بسرعه دخلتي
((بنت المرحوم))
لعيونك هههههه بصراحه ريان ابيك فموضوع ضروري
((British Ryan ))
خير وش صاير تكلمي بسرعه
((بنت المرحوم))
لا ابد بس
((British Ryan ))
بس شو
((بنت المرحوم))
روان
((British Ryan ))
شبلاه اختي وش فيها تحجي
((بنت المرحوم))
لا ابد بس احسها هالايام متغيره وويها مشحب ما ادري شفيها
((British Ryan ))
احلفي بس ..
انزين ليش؟؟
((بنت المرحوم))
ترا هاذا الي مو قادره اعرفه
((British Ryan ))
اكيد لانها مشتاقتلي احم احم
((بنت المرحوم))
ريان انا اكذب عليك روان ما فيها الا العافيه
((British Ryan ))
ادريبج تجذبين لان لو كان فيها شي كنتي ما بتسكرين الفون غير مخبرتني الاخضر واليابس
((بنت المرحوم))
رياااااااااااااااان ..*_*
((British Ryan ))
امزح فديتك ترا الوقت عندنا متأخر بسير ارقد ويالله روحي انتي بعد رقدي
((بنت المرحوم))
اوقي مستر ريان هابي دريم
((British Ryan ))
4 u 2


بصراحه ما ادري شقول هاللبنت احبهاااااااااا وايد واحسها احيانا اكثر من اخت احس الي بينا اكثر من اخوه بس هي لا احسها تعتبرني اخوها وبسس يعني معقووله ما تميل لولد عمها شككتني فجمالي
استغفر الله
سكرت الليت ونمت وانا ناسي ان بكرة دوام ومحاظرتي 8 وسهران مع هالكتكوته
__________________________________________________ _________
المكان:بيت بو وليد
التوقيت: 10:30 ص الخميس
(ورده)
__________________________________________________ _________
كنت قاعده أتامل صور الحفله الي سويناها ف بيت روان (حفله مبيت) وكانت عيني بس على هنوفه هالبنت الطيبه المسكينه الي شلون عايشه بلا ابو وفوق هذا دايم احس بالغيرة منها لانها احلى مني عيونها الخضرة العسليه ما ادري شو هو لونه بالضبط ولا شعرها الاسود النااااااااااااااااعم وخدودها الممتلية وشفايفا الحلو الورديه وخشمها وبياضها ثلجي والله لولا دفاشتها لكانت ملاك وجسمها الي كنه جسم عارضات الازياء بالرغم من انها نحيفة بس عظامها موب ضعيفه وبجذيه تبان امتن من روان واكيد بتكون من نصيب ريان مع انها دايما تقول نحن بس اخوان لكن غالبا ما تنتهي الصاداقه بحب فزواج

سمعت صوت البشكارة تناديني نزلت اتريق انا واهلي
بعد ما خشيت الصور بصراحه حرب نفسيه عنييفه بس ان شاءلله ريان من نصيبي
اووووووووووووووووف <<تنهدت بقوة اطرد هالافكارمن راسي وقمت اهزه 5 مرات وعقبها ونزلت
ورده: صباااااااااااااااااحكم ورد يا احلا مام اند داد ف الكون
بو وليد +ام وليد:صباح النور تعالي الغالية
حبيت راس امي وابوي وقعدت اتريق وانا اتأمل ملامح الوالده الي ابتدت ترجع طبيعيه بعد العلاج وبيسافرون عقب الامتحانات المانيا يكملون العلاج وانا بشل قشي بيت عمي اوووف ما اريد اروح من مسقط لهناك صعبه تنتقل من العاصمه لريف
بو وليد: وررداااااااااااااااه
ورده:ها يبه
بو وليد: شفيج اكلمج وانتي موب معاي .. اقول ان انا وامج بنسافر المانيا للعلاج
ورده: ادري وانتو قايلين شي يديد>>مشكلتي لساني طويل والايام بتثبت لكم>>
بو وليد: بس نحن بناخذج معانا
ورده : واللللللللللللله
ام وليد:ايه صج <<وغمزتلي مامي
وقمت ابوس مامي لان هي فكرتها انا كلمتها عشان تقنع الوالد لان روحه عند اعمامي وعععععععع ما ابي اروح
__________________________________________________ ________________
المكان: بيت حمدان
التوقيت : م4:30 الخميس
(الهنوف)
------------------------------------------------------------------------------------------
انصدمت من كلام ماما المفاجئ معقووله قررت تشتغل كولولولولولولولولولييييييييييييش واخيرا بنجيب بشكارة وبفتك من شغل البيت وبهتم بنفسي وبجمالي اهم شي بيزيد الراتب بيزيد المصروف يعني السالفه فيها شوبينج انا اسمعها وقلبي داخل يرقص جانجام ستايل من كثر الفرحه
هيا:ماما يعني ما انتي الي بتطبخين الغدا بناكل من يد بشاكر وع ما باكل غير من يدج
عزه: حياتي من قال لج اني بيب بشكارة
لحظظظه stop شنو ما فيه بشاكر دشيت عرض بدفاشه على امايه
الهنوف: وشهووووو نو نو نو بنجيب بشكارة ماااااااااااااااااااااااااااااامي لاازم نيب بشكارة
عزه: وليش البيت موب من كبره 3 غرف وميلس وصاله
الهنوف:ماما السنه الياية انا اخر سنه ماني بفاضيه حق شغل البيت وراي كيمياء وفيزياء واحياء ورياضيات وارف اعبدهم بعد ربي
عزه: وانا قلت لج ساعدني انا اقدر اسوي شغلي روحي
الهنوف: والله ما تهونين امايه تكسرين ظهرج اوقي شرايج شغاله بارت تايم
عزه:بفكر
الهنوف:يمااااااااه
عزه :تمام
شوي الا واطلق صرخة التجمع ثواني وانضم لنا حمودي تربيع ههه
الهنوف: احمد روح يبلي ماي دافي + علبة البدكير
احمد: حاضر انسه منشن
الهنوف:محمد مقص وسشوار بسرررررررررررررعه + حمام زيت
محمد: اوقي
الهنوف:بسررررررررررررررعه يالبااااااااااارد
الا يركض
الهنوف: هيونه روحي صبي لماما عصير بس لا ينكب
هيونه:ما اعلف
الهنوف: شنو عيب عليج يلا روحي
هيونه:اوتيه
عزه:حرام عليج
الهنوف: من فضلك ماي مام اغلقي فمك وعينيك واسترخي
دقيت على روان تجي تساعدني وجهزنا امي شرات العروس كل هذا عشان الوظيفه وما ادراك مالفلوس ههههههههههههههه
__________________________________________________ ________
المكان:احد اسواق لندن
التوقيت:4 :30 م الجمعه
(ريان)
---------------------------------------------------------------------------------
بما ان اجازة الكرسماس قربت فنحن بنرجع بلادنا قررنا انا و ابو الشباب نشتري هدايا حق الاهل دخلنا محل غريب بس حلو وليد جته مكالمه وطلع يتكلم برا وبقيت انا انتقي هدايا بصراحه عيني شاحت على هديه حلوه وتناسب هنوفه خذيت منها 2 وحده لهنوفه ووحده لروانوه كانت عبارة عن ميداليه جون سينا + ميداليه بصورة كرستيانو<<هذي لهنوف لانها مدريديه
اما روان فخذيت لها ميداليه شانيل +ميداليه على شكل ليبس ستيك ضحكت للفرق بينهم بس ما عليه يقول المثل الناس في ما يعشقون مذاهبا
دق تلفوني وشفته رقم غريب بس رقم عمان رديت
ريان: الو السلام عليكم
****: وعليكم السلام <<بصراحه الصوت نعومي وايد
ريان: منو معاي؟؟
****: احبك ريان
ريان: شو بلاج ي بنت الناس
****: طوووط طووط طووط
قطع الخط تمنيت اعرف منو الي متصله بس طنشت هذي مو اول بنت تغازلني احم احم
رجع وليد بعد مكالمته الطويله اشك انه يكلم احم احم المهم ردينا السكن بعد ما تعشينا فمطعم س 10 بعدين رقدنا لانا كنا تعبانين من الخاطر من كثر ما مشينا على ريولنا
__________________________________________________ _______


المكان: لندن
التوقيت:6 :30 ص السبت ((اجازه عندهم))
(ريان)
---------------------------------------------------------------------------------------
قمت على صوت مزعج لرنين الفون الي نسيت احطه سايلنت ناظرت الساعه وانا اتذمر من الي متصل فيني فهالوقت رديت بدون ما أناظر لاسم المتصل
ريان(وصوته مليان نووووم): الوووو
****:حبيبي صباح الخير والورد
ريان(بعد ما صحصح لما ميز الصوت):صباح النور من معاي
**** (وبدلع): اوهو يا ريان يا حبيبي مو لازم تعرف انا مين المهم انا اسمع صوتك واطمن عليك يا بعدهم كلهم
ريان (وبصوت معصب):يا بنت الناس ترا مايجوز الي قاعده تسوينه استغفر الله انسي رقمي وفجي عني ارجووج
****:موستاااااااحيل امووت ولا اني ما اسمع صوتك
ريان :قسم متفيجه انا موب فايق لج
****:ريان الووو
ريان: طوووووووط
بصراحه هالبنت عظم ما ادري من وين اطلعتي يا حافظ قمت وصليت ورديت انام بعد ما شاب راسي وانا افكر منو هذي البنت وشو تبى مني بالضبط؟؟؟
__________________________________________________ ______________________
مخرج:
يالي سكنت القلب والروح قول وش تبي
تبي عقلي تبي روحي ولا اهديك قلبي