التوقيت :7 ص الاحد
(عزه)
----------------------------------------------------------------------------------------------------
كنت قاعده افتش على مكاتب جلب الايدي العامله صح نسيت اخبركم قدمت على وظيفة سكرتيرة بدوام صباحي والحمدلله انقبلت وانا اللحين قاعده على المكتب... المكتب فيه المدير وموظف هندي غيري حق التنظيف ويسوي شاي حق المراجعين ترا هو مكتب محاماه من جذيه ما فيه وايد موظفين ومديري اسمه راشد ...
راشد: عزه لو سمحتي تعالي مكتبي شوي
عزه: حاضر استاذ راشد
رحت وقط علي درزن اوراق اطبعهم ولقضايا مختلفه قمت اطبع بكل نشاط وحيويه حدي مستانسة بالشغل
__________________________________________________ ____________________
المكان:بيت حمدان
التوقيت: 10:30 ص الاحد
(الهنوف)
---------------------------------------------------------------------------------------------------------
بصراحه حدي مستانسه امي تشتغل واخيرا هيونه تروح الروضه تستاهل الدلوعه اليوم موعد طيارة ريان+وليد الله يوصلهم بالسلامه ...صراحه الهديه الي يابلي اياها وايد رووعه شفتوا كيف اخوي هو حتى انه يعرف ذوقي ..... الخبر الشنيع ان الاسبوع الجاي بنبدا امتحانات الله يفكنا ويسهلها ...طبعا اللحين ماكو زيارات بينا انا وروان وورده كل وحده طاسه فبيتها تذاكر وانا اخواني الله يقرفهم خلصوا واللحين في البيت يسون لي ازعاج بس ما عليه بكرة بتوصل البشكارة وافتك
اتصلت بامي اشوف شنو معدله مع الشغل الحمدلله انها طبخت الغدا مع الريوق الصبح ولا اشكرة اخواني تسمم اليوم ههههه ترا انا والمطبخ تنافر بس اعرف اطبخ حلويات وكيك وبسكويت وصح اعرف اقلي بيض وبطاطا((fresh fries <<تنكتي ؟؟ *_*
__________________________________________________ ________________________
(روان)
الصرااحه لايعه جبدي من الكتب يالله عدي هالسنه على خير اللحين انا ضاربة ستك فمسألة فيزياء خليني ادق على ورده يمقن تقدر تفهمني بس للاسف ماكو رصيد فكلمتها بالفايبر
روان: هلاااااااااااااا
ورده: وغلاااااااااااااا
روان: ورده صــ139 رقم 4 (أ) ما عرفت احلها عرفتي تحليها
ورده: ايوا سهلة حبيبتي السالفه ما فيها فكرة
روان: لا فيها
ورده: ما فيها والله
روان: عيل كيف
ورده: صبري سكري انتي وانا برسلج صورة الحل معبيه الخدمه انتي
روان: ايوا ..عيل باي بانتظار الجواب
ثواني وطرشتلي ورده الحل بصراه كان نص ورقه وهي تقول ما فيه فكرة الله يعطيها ذكاء زياده عقب دقت علي وشرحتلي كيف احل المساله السالفه الي انا غلط فيها ان انا نسيت احول من سم لــ م ومن ساعه لـــ ثانيه وفوق هذا متفائله اني باخذ أ+ <<الاولى على الصف حياتو $_$
__________________________________________________ __________________
المكان: لندن ( كوفي شوب الجامعه)
(وليد) 1:30م الثلثاء
-------------------------------------------------------------------------------------------------
بصرااحه الجو يقتل من البرد بس اللندنين ما يزكمون شراتنا اسم الله عليهم انا اليوم داومت لكن ريان مسكين شكل الجو تغير عليه واللحين مريض مزكم وخشمه احمر وكله يعطس وديته للعياده عطونه ابرة عشان الحمى ودوا واحد موب شرات مستشفياتنا تدخل مزكم تطلع مشلول وبصراحه احس زكامه اخف من امس مخ ياحبيبي مخ خلصت الموكا الي طالبها ورجعت السكن مطنش المحاظرة وتميت عند ريانووه اونه صاير حنون ههههه بس انا السنه الجايه بخلص وبيتم وحده هني فبلاد الغربة الله يسهل له قلت له يكفيك دبلوم عالي بس راكب يراسه ياخذ بكالوريوس واذاذ عجبه لوضع بيكمل ماستر مسكين عباله اسحاق نيوتن
ريان: اتسووووووووو<<يعطس عبارة..الحبدلله
وليد: الله يرحمك
ريان: ويرحبك
وليد: ههههههه ياخي حلو كلامك وانفك بسكر
ريان: جااب ويا ويهك
وليد: ايه انت ما تغديت خلا نتغدى برى
ريان :بوستاحيل اتغدا برا اوا اطلع حشى بو بلاد السنه الباضيه با جان برد جذيه اتسسسوووووو
وليد: تمام بجيبلك اكل من المطعم الهندي زين حقك الفلفل
ريان:تسوي خير بو داصر
وليد: اشيمه اسكت هههههههه
ريان: بس تبرض بعايرك جذيه
وليد: حراام ليه تفاول علي
ريان: اذلف بس يلا بناك
وطلعت لان احس ان ما عنده بارض لانه بريض اقصد مريض
__________________________________________________ _________________________
(ورده)
-----------------------------------------------------------------------------------------------------
كنت داقه اسلم على وليد وقالي ان ريان مريض يعلني افداك ياريان ان شالله فيني ولا فيك احترت اخبر روانوه وهنوفه بس بعدين قلت لا ما اخبرهم لان اكيد بيدقون عليه وبيسمع صوت هنوفه ما ادري ليش احسهم يحبون بعض ....حسيت ان تفكيري اناني بس قنعت نفسي ان هالشي بيلهيهم عن المذاكرة >>لا بالله شطورة
كملت الغدا وعقب ناديت البشكارة تجي تاخذه وتدخن الغرفه من ريحه الهوت وينجز والفلفل وطلعت للصاله اتابع مسلسلي المفضل الي يطلع الساعة2 ,,,,,اندمجت وبدون لا حس غفت عيني على الكنبه ورحت فعالم الاحلام الي دايما يكون ريانووه فيه الخل والخليل
__________________________________________________ _______________________
المكان: احد شوارع مسقط
التوقيت30م الثلثاء
(عزه)
-----------------------------------------------------------------------------------------------------------
كنت راده البيت او فطريقي للبيت بصرااحه حدي مستانسه لان استاذ راشد عطاني جزء من راتبي مقدم فغيرت مسار السيارة ومريت على محل هدايا وشوكولاته خذيت علبة تشوكليت حق العيال وعقب مريت السوق خذيتلي تشبس ومصاصات وعصاير وفواكه حق الفواله ورديت البيت
واول ما وصلت جت الشغاله وقلت لها تخش كل شي فالادراج مالت المطبخ لان العيال اذا شافوها ما بياكلون شي غيره عقب دخلت البيت
حمودي+ هيونه كانو في الصاله واول ما شافوني
حمودي+ هيونه:ماامااا
وقحموا علي يحضننوني الصراحه ولهت عليهم اول مرة ابعد عنهم جذيه عقب نزل احمد وسلم علي وباس لي راسي
وسمعت صوت ركض من الطابق الفوقاني ثواني الا هنوفه نازله سلمت علي وعقب قالت
هنوفه:ياهلاماميكيفكانالدوامعساحلوكمراتبجوشوجبتيلنا معاج<<كانت تتكلم بسرعه لدرجه اني ما فهمت شي
عزه: لحظظه هدي السرعه وكلميني بهداواه
حمودي واحمد وهيونه:صج كلام امي ما فهمنا منج شي
هنوفه: ي ه ل ا
عزة: هنووووووووووووووووف
هنوفه: ياهلا الغاليه كيف كان الدوام عساه حلو وكم بيكون راتبج وشو جبتيلنا معاج ... (وبصوت عالي) فهمتوووووووووو
عزة: امحق لسان عليج ... جبت لكم اغراض فالمطبخ قولو حق دوسرا البشكارة تعطيكم تمام(تكلم الاطفال)
هنوفه: وااااو وانا اكيد اشتريتلي بي بي
عزة: الا يبتلج ريل ياخذج
هنوفه:موستاااااااااااااحيل زواج ماني ب متزوجه
عزه: يمه منج ناويه تعنسين عندي
هنوفه:لا ياماما ما كو زواج لي عقب الجامعه
عزه: عبالي طيحتي قلبي
هنوفه: ليش لهدرجه انا مثقله عليج امايه
عزه: لا والله الغاليه بس ما با جمالك يضيع في العنوسه
هنوفه: احم احم
وطلعت شرده لغرفتها اما انا رحت اغير ملابسي واتغدا الصرااحه كنت يوعااانه حدي
__________________________________________________ _____________________
المكان:لندن
التوقيت30م الاربعاء
(ريان)
-----------------------------------------------------------------------------
واخيرا داومت والهم ان يوم الجمعه عندي امتحان هالماده موب مختارينها معاي قسم بالله طفش وحدي خليجي وسط الخواقات هههههه شكلي بجيب اقل درجه في الصف الله يستر انتبهت لتلفوني الي قاعد يرن كانت روان ,,رديت عليها
ريان: هلااااااا بالغاليه
روان: جب جب عيل انا تمرض وتخش علي وادق وما ترد حرقت قلوبنا عليك حسبي الله عليك من ولد
ريان بعد ما استوعب السالفه): ههههههه وليش انغز قلبكم معاي كاهني اللحين اوقي وكل شي تمتوم
روان: ما عليه هالمرة سماح تصدق الاحد اخر يوم امتحانات وناااااااااااااسه
ريان: بالمبارك
روان: وتصدق خالتي عزة اشتغلت ويابوا بشكارة
ريان: الللله اللله شهالاخبار الحلوة الي عندج وبعد
روان: وتصدق ان الدفشه هنوفه يالسه جنبي وتسلم عليك وايييييييييييييييييد
ريان: سلمي عليها ولا اقول عطيني اكلمها
روان : تبي تكلمها دق من فونك رصيد انتحر
ريان: تمام
ثواني ودقيت على روان
ريان: عطيني هنوفه اكلمها
روان: طالعو الي ما يستحي بدل لا تكلم امي ولا بوي .. وبعدين هنوفه مو هني فبيتهم والله
ريان: اصلا I talked to them this morning بس انتي يا غافلين لكم الله...
روان: مالت
ريان: سي يو بااااااااااااااي
سكرت منها وبعدين انتبهت ان هذا كان اختبار منها ااااااااخ اكيد اللحين انفضحت مشاعري جدامها ,,,,,اوووووووف طنشت الموضوع ودقيت على هنوفه بصراحه سمعت صوت ناعم ولاول مرة اقصد 2 مرة^_*
هنوفه:hi my cousin , hw r u
ريان: fin, wht abt u
هنوفه:الحمدلله بخير
ريان: هنوفه ليش صوتج نااااااااااااعم جذيه اول مرة وين دفاشتج
هنوفه: اسكت الله لا يفشلك ...انا اللحين ف السيتي سنتر احوس ويا رفيجيتي
ريان: شوووووووو.... روحكم وشقايل خالتي خلتج تطلعين
هنوفه: امززح الغالي انا وامي اللحين ف الصالون من جيه ما ابا تطلع دفاشتي اخاف يشككون فيني رغم هالجمال
ريان: خفي علينا.... غريبه شو المناسبه موب من عوايدج تروحين الصالون
هنوفه:امايه يايه تسوي بدكير فكرت ,,,,و اقص شعري احسه وايد طويل
ريان:شو ليش بتقصين شعرج<<عفكرة لما كنا بغرفة روان شفت شعرها الي يهبل واصل لنص ظهرها
هنوفه: ليش انت شفته؟؟؟
ريان: لا ابد ,,, بس انا اقول حلات المراة بشعرها
هنوفه:هذاك انت قلتها المراة
ريان: غربل الله بليسج وانتي شو
هنوفه: انا بنوته
ريان: اها عبالي
هنوفه: وعع تفكيرك ديسكستينغ
ريان:هههههههه ,,,عطيني اكلم خالوتي
هنوفه:مامي توها مسترخيه تسوي مساج
ريان: تمام سلمي عليها وايد
هنوفه: يبلغ ,,,فداعة الله
ريان: الله يحفظج
سكرت منها وانا امسك قلبي خيبه الساعه 5:30 ما حسيت بنفسي وهذا الخبل نايم
صحيت وليدوووه وقمنا نصلي العصر
__________________________________________________ _____________________
المكان:بيت ناصر
التوقيت:12 م الجمعه
(ورده)
---------------------------------------------------------------------------------------------------
نزلت من غرفتي على صراخ امايه شفت الوالد كاشخ بععدين استوعبت شسالفه اليوم الجمعه ورايح يصلي وامايه بتروح معاه اما انا بيلس في البيت مع البشكارة لاني باكر امتحان اما اهلي بيسيرون يتغدون برا مراهقين عبارة
ام وليد: ليه ماتردين صارلي ساعه اكلمج
ورده:الله واكبر يمه اليوم الجمعه لا تشلخين توج ناديتيني ما مرت ربع ساعه
ام وليد: حسبي الله عليج من بنيه ما لسان عليج.... المهم انا وابوج بنروح نتغدا برا خلي البشكارة تسوي لج الغدا الي تبينه ولا اطلبي من برا على راحتج
ورده: ياسلام (وتخصرت)..عبالكم للحين شباب رومنسيه عجايز
ام وليد: انطمي ...استغفر الله بينتقض وضؤي بسبتج ياام لسانين
ورده: وبعد تشتميني خلاص انتقض ويييييييييييييو ... بعد هالكلمه شردت فوق ولا كان السلاح الارضي الجوي(النعال) بيضرب ويهي وبيشوه جمالي اوونه من جمالي عاد استغفر الله الحمدلله ما ناقصني شي قمت اوايق من الدريشه
بو وليد: عسا ما شر شفيج الغاليه قلب ويهج
ام وليد: ابد والله من بنتك الي ترفع الضغط وتجيب السكر
بو وليد: اكيد لانهها مملوحه وعسل
ام وليد :اسكت الله وكيلك اي مملوحه اي عسل ملسونه لا بالله
عقب الوالد فتح باب ال jaguar حق امايه وراحو,,,, وظليت انا وميري وحظي المصخم و كنت حدي ملانه فقررت اروح بيت روان بس تراجعت وطسيت غرفتي اووووووووووووووووووووف ملل وفالاخير طلبت بيتزا 2 واحد لي واحد لها هي والسايق الي هو زوجها ...وخطرت فبالي خطه جهنميه بما ان اهلي مابيرجعون الا عقب المغرب ^_^ وما ادراكم ما بلاوي ورده هاهاهاهاها<<الضحكه الشريرة هع
__________________________________________________ ________________________
المكان: بيت حامد
التوقيت: 2:30 م الجمعه
(روان)
-------------------------------------------------------------------------------------------------------
بصرااااحه طفشت من الكتب خلاااص احس نفسي استفرغ معلومات لازم اغير جو مع انه بكرة امتحان بس امتحان انجلش انشاءلله سهل دقيت على هنوفه تجي عندي ندردرش شوي ونشوف فيلم قصير يعني ساعتين ساعه ونص بس موب في السينما ف بيتنا هنوفه ما اعترضت لانها حدها طفشانه عقب دقيت على ورده بس فونها كان مشغول طرشت لها مسج بس اعتذرت
ولحظات كاهي الهنوف وصلت
هنوفه: حياااااااااتو والله حاسه فيني انا حدي طفشانه
روان: اكيد يا توأم روحي
هنوفه:ههههه جب جب ....لا يكثر وين البوب كورن عشان الفيلم
روان:خبرت ميري تحطه ف المايكرويف وتجيبه مع عصير برتقال فريش
هنوفه: زين سويتي ’’’’ يلا شغلي الفيلم
وابتدا الفيلم وكنا منسجمين نتابع الفيلم وبعدها بنص ساعه دق الفون
روان: هلااااااا ورووده كيفج؟؟
ورده: الحمدللله تمام ها بعده الفيلم ولا خلص
روان: لا بعده بس البوب كورن خلص ههههه
هنوفه: تعااااااااااااااااالي وردااااااااااااه
ورده: والله سوري مشغوله اللحين
هنوفه سحبت مني الفون
هنوفه: مشغوله تفكرين فحبيبي القلب
ورده: استحي يا بنت اقول يلا باي
سكرت ورده وردينا نكمل الربع ساعه الباقيه من الفيلم عقب هنوفه سلمت على امي وراحت بيتهم
__________________________________________________ _________________________
المكان: لندن
الوقت:11 ص السبت
(رياان)
------------------------------------------------------------------------------------------------
قمت من النوم ورحت لمكتبة الجامعه اسوي البروجكت مالي واجهز البرزنتيشن فجأه طرت عبالي روانوه يا حليلها باكر اخر امتحان عسى الله يوفقهم اميييين
بصراحه كان مالي بارض ابد بس اضطريت اجبر نفسي ع هالشي عشان افتك
وانهكمت فشغلي اما وليد كان نايم لانه باختصار السبوع الياي فاضي > قهر
بعد نص ساعه دقيت عالاهل اسلم عليهم
ام ريان: هلا بالغالي هلا بالشيخ شلونك يمه عساك بخير
ريان: الحمدلله يمه انا بخير انتو كيفكم اخباركم
ام ريان: الحمدلله كلنا بخير والله لك وحشه حبيبي
ريان: ما عليه يمه هانت كلها 3سنوات زيادة وارد لكم مع شهاده عوده .. قولي امييين
ام ريان (من قلب):امييييييييييييين يا وليدي ,,,,تماما ما بخسرك وما اوصيك اذا احتجت فلوس ولا شي ترا نحن موجودين لا تشتغل هناك شراتهم خلك فدراستك احسنلك
ريان: تامرييييين امر الغاليه فحفظ الله
سكرت من الوالده وكملت الشغل ....الله يصبرني ليما اخلص
__________________________________________________ __________________________
المكان: مدرسة *****الثانويه
الوقت30(بعد الامتحان)م
(روان)
----------------------------------------------------------------------------------------------------------------
طلعنا من الامتحان حدنا مستانسين لانه كان سهل ورده ردت مع السايق اليوم بسرعه لما خلصت ونحن قعدنا ننتظر باصنا بس الصراحه هالورده قويه الناس عندها امتحان انجلش وهي طالعه امس تتسوق ههههه صج خبله زين ما فضحتها البشكارة قدام امها ولا كانت راحت فيها
هنوفه: تعرفي سؤال الـــreading الاول كان الجواب a صح ؟؟؟
روان: لا والله انا حطيتها c
هنوفه: لا بس انا متاكده
روان: ما مشكله حصل خير بعوض الفصل الجاي
وبنص كلامنا قطع علينا شلة3 بنات معروفات بانحطاطهم الاخلاقي وانهم راعيات شباب قربو لعندنا او بالاخص لهنوف
****1: شرايك فيها<<مسكت ويه هنوفه بس هنوفه وخرت يدها عن ويها بسرعه
****3: لا... بصرااحه حلوه بس ماتنفع خسارة
****1: ليش ؟؟
****2: ويه ياحافظ ما تدرين انها بووية
هنوفه: شنوووووووو يا قليلة الحيا انا موب بووويه
****1: الا بويه ونص وكل بنات المدرسة يقولون جيه
هنوفه: لا انتي غلطانه انا بنت وبكامل انوثتي الا اذا كنتي انتي غير الله اعلم
****1:احترمي نفسج وهزبي الفاظج
هنوفه: انا لحمدلله اهلي مسنعيني ,,,, بس انتي ياحفظ اللهم لا شماته رقمج وصورج عند كل شباب مسقط انتي واللوث الي معاج
بس ****2 عطت هنوفه سطار(كف)
وهنوفه ردت لها الكف وبدات الخناقه والهواشة وصوتهم صار يعلى اكثر واكثر
واتجمعت المعلمات وفالاخير رحنا نحن ال5 لمكتب الاخصائية
الاخصائية: هنوف انتي يطلع منج جذي
هنوفه: استاذة قسم بالله هي الي بدات وشككت بانوثتي
الاخصائية : انتو انتظروني برا <<كانت تكلم ال3 بنات
هنوفه: والله ابله ما سويت لها شي اهي الي بدت وطقتني كف بعد وانا الا الكف ما اسكت عليه<<عفكره كان خد هنوفه للحين احمر
الاخصائية : ولو حبيبتي المفروض تجين عندي وانا اتفاهم وياها
هنوفه: بس انتو ما راح تسون لها شي انا ادري .,,, احسن شي اخذ خقي بنفسي
الاخصائية: بس التصرف الي سويتيه غلط وكان ممكن انتوا ال2 تنطردون وما تمتحنون بكرة يعني عشان خناقه مستعده تخسرين درحاتج
هنوفه: لا ,,,,موستحيل عشانها اضيع مستفبلي
الاخصائية : برافو عليج هذا هو الكلام الصحيح
هنوفه: اقدر اروح
الاخصائية: تفضلي بس وعد ما يتكرر
هنوفه: ان شاء لله
طلعت انا وهنوفه ورحنا غرفة الصحه نحط لها ثلج وعقب رحنا الباص وشفنا هالشله الفاسده تروح مع شباب استغفر الله وين اهلهم هاذولي ليه ما يسالون عنهم
هنوفه: طالعي طالعي قسم بالله لولا الفضيحه والحشيمه ولا كنت وريتكم يالـ××××× استغفر ليش اسب واخذ ذنوب استغفر الله
__________________________________________________ ___________________________
30م الثلثاء
30م الاربعاء
بعد ما استوعب السالفه): ههههههه وليش انغز قلبكم معاي كاهني اللحين اوقي وكل شي تمتوم
30(بعد الامتحان)م
رد مع اقتباس