( اصعب سؤال ) اللي جوابه للأسف مثله ( سؤال ) !!

[نوارة الكون]

( اصعب سؤال ) اللي جوابه للأسف مثله ( سؤال ) !!





صباح مســآـآـآـآـآـآء الـــخ ــير



قصيده للشاعر. . . / . . . محمد جارالله السهلي



( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :


البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )


ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :


ان الحيـاه فبـعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)


يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!


شفني قدرت احبس دموعي بس ( دمع القـاف ) سـال
ويا كبرها ساكـت ولكـن داخـل اوراقـي بكيـت !!


عمر الحكي مـا كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..


الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!


اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!


مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..


يرضيك مـا عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!


صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟


تعبـت اعيـش الـدور وافتـح للمعـاذيـر الخـيـال
واتخيل انـي جيـت فـي بالـك وبانـك استحيـت!!


وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )


حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..


قلي شسـوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..


ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!


واذا بـلاك الله وعذبـك اشتياقـك (( بـس تعـال ))
واقرى القصايد فـي غيابـك كل أبوهـا بيـت ... بيـت


بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت

[روح الحلا1]

الله الله عليك
ذائقة راائعة جدا
ربي يعطيك العافية..

[نوارة الكون]

الله الله عليك
ذائقة راائعة جدا
ربي يعطيك العافية..

تسلمين يالغلا وما عليج زود

[عملاق الشعر]

نوارة الكون


نص جداااا رااائع اختي


سلمت يداكِ المبدعة وذوقكِ الراقي

[مجنونك ما يخونك]

[نوارة الكون]

نوارة الكون


نص جداااا رااائع اختي


سلمت يداكِ المبدعة وذوقكِ الراقي

اسعدني مرورك اخي الكريم

[نوارة الكون]

تسلمين يالغلا وربي يعافيج

[حبي خالص]

اختيار جميل نواره
كلك ذوووووق

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

[نوارة الكون]

اختيار جميل نواره
كلك ذوووووق

تسلمين يالغلا واسعدني مرورج