ذكريات تعليم السياقة هههههه

[اموووره]

مساء الانوار

موضوع جميل وطريف


الحمدلله ماطولت وايد لين اخذت الليسن بس كل المواقف الي تصير فالترايات كان تقهر فآخر لحظه اطير الليسن من ايدي

والحمدلله خلصت المعاناه التراي الثالث اخذته وكانت سعاده لاتوصف ..

الحمد لله ارتحتي من المعاناه ..
صح معاناه بس ذكريات حلوه هههههه
يسلمووووو عالمروووور الغلا

[حبي خالص]

اما ف الشارع تراي الاول طبعا رسبت
ف الثاني خلاص ناجحه قالتي الشرطيه دشي باركن ومن الفرحه حطيت رجلي ع البريك وطيحت الدفتر اللي ع رجلها

قالت ضيعتي ع نفسك بكيت م الخاطر

ف الثالث كانت معاي نفس الشرطيه تذكرتني قالت عاد اليوم لا تطيريني
قلتها بكل ثقه لا اليوم ناجحه ان شاء الله وبالفعل نجحت ولله الحمد وافتكيت من الشمس وتعب التعليم

عاد بأول يوم نجحت شلت سيارة أخوي اللاند وحوطت فيها هههههههههه
ومن استلمت الليسن اتصلت لأخوي كان بصلاله خبرته بداوم بسيارتك بس لا تخبر احد قال تم وفعلا قمت الصباح وسرقت السياره والكل ناااايم كان رمضان
وداومت قاموا اهلي من نومهم مرتبشين السياره انسرقت اتصلوا فيني وانا ميته ضحك قلتلهم السياره عندي بإذن صاحبها