رد مع اقتباس
لا يا استاذيالمشاركة الأصلية كتبت بواسطة حمد نجد
فعلا هذي المشلكة ببعض الطلاق يصير الزوجة والاطفال بين ظلم الزوج وتعنت الاهل وكثير من الاسر يقولوا كذا ومعهم بعض الحق لانهم يقولوا ليش نتحمل اطفاله ونربيهم له وهو مرتاح من المسؤولية وهم الاطفال واحنا اللي متولين كل شي لان بعض الازواج هو يبي هالشي عشان يفتك من المسؤولية ووجع الراس بالذات اللئام .
هو يتمادى لانها ضعيفة ومالها ملجأغيره ! هو كيف عرف هالشيء ؟ مفترض هي ماتقوله هالشيء ، لكن بعض الزوجات تعصب وتنسى نفسها وتقول للزوج والله لو اقدر اتركك واستغني عنك واهلي بيقبلوني ما اجلس معك يوم ، ا هالعبارة هذي تخلي الازواج ضعاف النفوس يتمادون في الظلم والاذلال للزوجة لانه يعرف انها بتتحمله لاننها مجبورة عليه مهما سوى وبيوصل مرحلة من الغطرسة يقول لها عاجبك والا روحي بيت اهلك . المفروض الزوجة ما تحسس الزوج بهالشي حتى لو كانت فعلا مجبورة عليه . نصيحة لها ولكل زوجة كلمتين لاتقولها للزوج
لاتقول لو اقدر اتركك تركتك ولو اهلي بيقبلون ماجلست عندك
الكلمة الثانية لا تقول متحملتك عشان اطفالي ..هالكلمتين تخلي الزوج اللئيم يتمادى بظلمه وتنكيده
قلتي لما يكون رايق يتقبل معناها فيه امل يتعدل بس مشكلته بشخصيته متقلبة
نرجع على الاعالة . المصروف الشهري القانون يلزمه فيه اجباري واذا يماطل تشتكيه لكن نصيحة لها ولغيرها اذا لاقدر الله حصل طلاق يجب على الزوجة ان لاتقبل المصروف كاش يجب ان تطلب ايداع مصروف ابناءها في حساب بنكي حتى تضمن حقها لان لو ماطل الزوج نكاية بها وراحت تشتكي بينكر ويقول انا اعطيها وهي ماتقدر تثبت انه ما يعطيها لذلك تطلب ايداعها بحساب بنكي تفتحه بأي بنك لان لو ما اعطاها واشتكت يطلبوا كشف حساب من البنك وتعرف المحكمة انه ما يصرف فيلزم بذلك وبأثر رجعي .. هذي نصيحة عامة لكل المطلقات لان كما تفضلتي اختي الكريمة يماطل كثير من الرجال بهالشي ويتهربون نكاية او بخل لذلك عن طريق البنك اضمن لحقها
في الختام هي يجب ان تجلس مع نفسها وتفكر بعقلها وتوازن الامور وتحسبها من جميع النواحي وتشوف كل قرار وش سلبياته وايجابياته وتختار الاصلح والارحم لها .يعني تقول لو تطلقت بكسب كذا وكذا وبخسر كذا وكذا ولو استمريت بكسب كذا واخسر كذا . وعندها بتعرف تتخذ القرار.
لاتلجأ لطلاق الا اذا تقفلت جميع ابواب الحلول وصارت حياتها نكد لايطاق فانصحها بالطلاق لانها لو استمرت بتفقد صحتها وسعادتها وهذا اللي ما يعوض لذلك تشتري راحة راسها ورزقها على الله والاطفال ترى في النهاية اهلها بيقبلونهم معها بس هم يقولوا كذا عشان ما تفكر بالطلاق .
ارجو لها ولك ولكل اخواتي حياة سعيدة وان يجعل بين كل زوجين مودة ورحمة
هو ما يعرف ان اهلها قالولها كذا
ولو يعرف بيزيد ظلمه لها
اسأل الله ان يثبتها لمواجهة هذا الابتلاء
