نبض الإحساس .. سجّل احساسك في هذه اللحظه

[رايق البال]

ياليت قلبك على قلبي يليني
من بعدها،ماأريد منك،ولاحاجه
كل المشاعر،تقول لك:يانظر عيني
حُبك في هذا اليوم،زادت أمواجه

[داناااا]

انت هوآيَ اللي عشقته من النآس
اصلا انا من يوم شفتك هويتك

دايم اغنيَ معَ نوال اعذب إحسآس
لقيت روحي بعد ما انا لقيتك

.. 👌

[رايق البال]

يا حظ من صبّح على عيونك السود ،
لا ضايعٍ : يومه - ولا هوب مجفي

[داناااا]

ياللي تبي شوفي وأنا كلـي أبيك
غامض وقلبي معك معلن وضوحه

المستحيل أنساك وأرحل .. وأخليك
هو فيه قلبٍ عاش من غيــر رُوحـه

[رايق البال]

ما احبك لشكل وقوام وزين /
احبك لطبعك وتفكيرك
من يوم حبيتك إلى ذالحين /
وانا ما اشوف بعالمي غيرك

[داناااا]

مسائي أنت حتى وأنت لاهي ،
يا أول هيبه تشدّ انتباهي �� ��

[رايق البال]

عطني قلبي شوي وارده عليك
ودي آشم الهوى .. واستنشقه
من كثر ما هاجسي مشغول فيك
لو يناديني احد قلت : اعشقه

[داناااا]

يا تؤام القلبَ واحساسه وغاياته ،
ياكل شيّء على هالأرض يعنيّ لي��.

[داناااا]

تصبح على خير أستاذي رايق

استمتعت باشعارك قمه ماشاء الله عليك

[رايق البال]

ههههه رووعه دانااا
استمتعت كثير بمجاراتك انتي والوسن ولو اني اعترف ما اقدر عليكن ههههههه انتوا اساتذة النبض بالفعل والله وصدق من قال اعطي الخبز خبازه هههههه ..
الواحد صار يخاف يجاري والله لأنه راح يتوهج ههههههه ..
انا يادوب يبت كم مقطع وتوهجت انتوا شلون قادرين تجيبوا هالرائع ومن وين تجيبوها هههههه
تصبحي على خير انتي والجميع استأذنك وراي سهره هههههه ..
الف شكر لرقي ذائقتك انتي والجميع اللي مخليه النبض بالمنقول ماشاء الله كله اختيارات رائعه وراقيه للغايه ..