خلوه يجرحني ويرتاح خلوه

**حبي خالص** · 09-03-2015, 09:01 AM

خَلّوه .. يجرحني و يِرتـاح .. خَلّـوه
يِبُوح.. باشْيَاء ٍ .. قديمَـهْ..كتمْهـا

لا مَاعَلى .. طَعْنات يَدّيـه .. مَشْـروه
أسْتاهل الطّعْنَهْ .. واجِي..و اغْتنمْها

قُولوا لهْ انّي قلْت يانـاس ..عانُـوه
ذا .. قَلْبَهْ الغالي.. وروحِـي حَكمْهـا

هُو منْ كسَبْني يـوم غيـرَهْ تَحَـدّوه
لو كنْت ( ديرَهْ ) كان قلْبَهْ.. ( عَلمْها )

مَاغرّني غيـرَهْ ولا الْغيـر .. غَـرّوه
لكنْ مباني الحـبْ .. حَظّـي هَدَمْهـا

في حفْرَة الضّيقَهْ .. اذا طاح.. شلّـوه
هُو منْ حَيَاتِي .. بالسّعـادَهْ رسَمْهـا

طلْتَهْ ولا غيري من النّاس .. طَالـوه
لَهْ هيبة ٍ .. عنّ جدْ.. انـا أحْترمْهـا
بَقول يَاقــــلْـب ٍ نفَـعْ نَـاس .. بَاعـوه
زمنْ نفَعْ نَاس ٍ .. و نَاس ٍ ..ظَلمْهـا

بَرْحَل عنْ ديَارَهْ .. وفالقَلب .. انْسـوه
متْدَفّـي بنَـار ٍ..فُراقَـهْ فَـــــحمْـهـا

مَجْبُور أجَافِي .. بَسّ وصـوه .. وصـوه
يَذكرْ لِيالـي .. حبّنـا ..ويْحشمْهـا

مَاجَاه مِنّي.. أيْ غَلْطَـهْ .. ومَكْـرُوه
راح بشموخَهْ.. والمَحَبّه ..حَسمْهـا

خَلّوه يَنْسانـي .. ويِرْتـاح .. خَلّـوه
مَادامَها .. فَرْقا .. ورَبّـي..قسَمْهـا

**نسر البوادي** · 09-03-2015, 09:48 AM

حبي خالص تسلمين ياذووق ابيات فاقت الروعه والابدااع يعطيك الف عافيه

**بدر الدجى** · 09-03-2015, 10:05 AM

نص رااااااااااااااائع

كل الشكر لرقي ذائقتج حبي

**مجنونك ما يخونك** · 09-03-2015, 10:15 AM

**الشيخه الفلانيه** · 09-03-2015, 10:25 AM

،

هُو منْ كسَبْني يـوم غيـرَهْ تَحَـدّوه
لو كنْت ( ديرَهْ ) كان قلْبَهْ.. ( عَلمْها )

مَاغرّني غيـرَهْ ولا الْغيـر .. غَـرّوه
لكنْ مباني الحـبْ .. حَظّـي هَدَمْهـا

/

قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً

!