_ نهآيا ت !*

[الشيخه الفلانيه]

،
نهايات، 1


-

ما سألتك ..
قلت لي رايح ..
وخليتك تروح ..
جاي بعد الإيش ..
جيت ليش ..
لا تقول الحب جابك ..
قول كل اللي تبيه إلا المحبّة
أنت ما خليت في قلبي مكان
خلّ عنك كان
مابقى لا لك ..
ولا لغيرك مكان ..
جاي بعد الأيش ..
جيت ليش ..
أنت عادي
ما احبك
ما أكرهك
أنخذلت ?
مومهم عندي أبد
أنجرحت ?
والله عادي مو مهم
فيه أشياء بحياتي منك أهم
غيرتني دنيتي بعدك كثير
صرت ما أحب الكلام
صارت البسمة على شفاهي عجب
صار صمتي في عيون الناس عادة
لين شمّعت أمنياتي بأغنياتي وأستلذيت الغياب
الغياب اللي أحبّه
الغياب اللي من الداخل بروحي
ما معي غيري أحد
أكتب لنفسي وتقرى
وأتجاهل كل من حولي من الأرواح واقرى
لأني أصدق من يحس بما قرى
ولأن أحبابي قليل ولأن أصحابي قليل ولأنّي المثقل بروحي
في جروحي
فإنتمائي
في وفائي
وأنّي أجمل من كثير
لا تحسب إنك مسوّي في حضورك خير
ويش جابك
كنت مرتاح بغيابك
جاي تحسبني من الفرحه بطير
ما بقى بي ريش
جاي بعد الأيش ..

نهايات، 2



-

مو غريبة ..
كان لي قبلك حبيبة ..
مثلك إنتي ..
تعرف تمدّ الوجع بكفوف راحة ..
لا يهمّك ..
قلبي متعوّد جراحه ..
صدقيني صرت ما أستغرب ولا أسأل ..
من حبايب ,
من قرايب ,
من عدو من أي صاحب ..
ما تخاف من البلل روح الغريق ..
كان عندك جرح هاتي ..
وإرجعي مثلك مثل غيرك غريبة ..

السنابل ماتبي تذبل بكف الريح رحمة ..
لا أينعت راحت تنادي للمناجل ..
أحصدي حبّات روحي وأطحنيها وأخبزيها ,
خلّي الأرواح تقتات الكلام ..
باكر يطيح المطر وأسقي عروقي وأرجع أنبت من جديد
وأتهيّأ للحصاد ..
سمّح الله درب كل اللي حصد منّي غلاه وراح مبعد ..
بالسلامة والطريق اللي وصل فيك بيردّك ..
بالسلامة ..

لايهمّك
كان لي قبلك حبيبة ..
علّمتني ,
كل حاجة ..
لين ما عادت ولا حاجة غريبة ..

نهايات، 3

هذا أنا يا أسماء
تعيشني جروحي
هارب من الأشياء
متوحّد بروحي
أتعمّد الأقصاء
وأستفرد بـ بوحي

هذا أنا ..
أحيان يخذلني الحكي
أحيان يأخذني الحكي
أحيان أحسّ أني طفل وأشاغبك
وألاعبك ..
وأزعل على اتفه سبب

وأحيان أحسّ انّي كبرت بـ هالعمر
وأنّي كذا ملّيتني
وأنّ السنين اللي تمر
ماخلّت بعمري عمر

وأشتاق لـ الأوّل وأحن
وأحسّني مثل السفن
تبحر بعيد مسافرة
وتغيب ضحكتها على كل المواني العابرة
ومكابرة ومكابرة
تخاف لا هبّ الحنين شراعها
تشتاق لأحضان الوطن


لا تعبثين بشاعر أضحى خالي إحساسه من الأحساس
خليه مثل الناس
ينام خالي هم
يصحى ولا يهتم
خليه يا أسماء
هارب من الأشياء
هارب من جروحه
هارب إلى روحه

والسلام
يرفرف بصدره حمام
والسلام يرفرف بصدره حمام

للعذب : نواف التركي

[داناااا]

دائما اختيارك جمييل الشيخه

يعطيج العافيه

[زهرة الأحلام]

.
.



الشيخة ..
كلماآت جميلةة / ذوقٌ راآقي
اسعدك الرحمن ~

[رايق البال]

هلا فيك الشيخه ..
منين بس تيبين هالقصايد البلاوي ههههههه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[حبي خالص]

الله على الذوق ورعة الانتقاء
هكذا انتي متألقه ومبدعه بالاختيار عزيزتي
دمتي برقي

[الشيخه الفلانيه]

دائما اختيارك جمييل الشيخه

يعطيج العافيه

نورتي عزيزتي ♥♥'

[الشيخه الفلانيه]

.
.



الشيخة ..
كلماآت جميلةة / ذوقٌ راآقي
اسعدك الرحمن ~

ألف شكر ؛ نورتي ♥♥'

[الشيخه الفلانيه]

هلا فيك الشيخه ..
منين بس تيبين هالقصايد البلاوي ههههههه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

هههههه '
امم اكتب اسم الشاعر اللي اتابعه و يطلعن قصايده و أتنقى منهن ههه !
ألف شكر اخي '

[تباشيرالأمل]

السلام عليكم
نص رائع
شكرا لك الشيخة..

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,