بعض الغلا بالصدر ماله إجابة

[مجنونك ما يخونك]

,

يالجادل اللي يدعي القلب ويجيه
............. يالفاتن اللي هالشعور التجى به

ان كنت حاضر مال خلق الله وجيه
............. وفي غيبتك كل الوجيه اتشابه

ياسيد آلامي احبك بلا ليه
............. بعض الغلا بالصدر ماله اجابه

ليت الغلا في خاطري كتب وامحيه
............. مير الغلا فاس ( ن ) والاضلاع غابه

يحطب ضلوعي و آتهاوى واهاديه
............. وامشي معه في دربه اللي مشابه

جاك الغلا عنده كلامن بـ يحيكه
............. واخذه على قد الوله في عتابه

وش فايدة شعري اذا منت قاريه
............. وشـ له اعذب هـ الورق بالكتابه

صبح الرياض الـ ممتلي بالمشاريه
............. وليل الخبر اللي هدوووؤه كآآآآبه

يفرض علي امارس الدمع و ابكيه
............. وفي موطني يفرض علي الغرابه

شفني ( كبير ) وضاع من عين واليه
............. وشفني ( وحيد ) وصرت ناس ( ن) غلابه

شفني كفن لـ الروح والوقت هاريه
............. تشرين في وجهي و فـ الصدر آبه

ومن كثر مـ اخلق لك على بالي وجيه
............. صارت وجيه الناس عندي تشابه

يالغايب اللي يشلع القلب طاريه
............. يالحاضر اللي كل شي اختفى به

قلي بربك هالوله وين اوديه
............. لا صرت بدموع الغلا منت آبه

ياناس ياعالم مخاليق ياهيه
............. يا هـ العواذل من بعيت وقرابه

لوامتي دراي ترا يوم اناديه
............. لا الصوت ياصله ولا الشوف جابه

لا هو هنا لا هو هنيا ولا هنيه
............. مير الحنين احيان يمطر سحابه


مدام لا يقرا ولا الصوت يوحيه
............. قولو له آخر بيت يبغى اجابه

وش فايدة شعري اذا منت قاريه
............. وش فايدة دمعي اذا ما درى به

بكتب لها : ان رضت ولا بغت تعتب .............
............. هي : ملهمة نبض فاخر كتاباتي

وكانه عجبها الشعر لـ آخر رمق بكتب .............
............. و اما عجبها فـ هذي آخر ابياتي

[حبي خالص]

اختيار جميل مجنونك
كلك ذوووووووق

همسه/ أتمنى أن يظل تفاعلك مع اطروحات أخوانك الأعضاء مستمر
دمتي بخير

[سحابة ممطرة]

راااااااااااااائع اختيارك مجنونك
كل الشكر لك ..

[رايق البال]

هلا فيك مجنونك ..
نص واختيار جدا رائع وراقي كما تعودنا منك
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,