كنت مدمن شئ اسمه تفكير وعندي ثقه برأيي بشكل عجيب ولانيوتن يارجل ..المشكله اني كنت دايم على خطأ ومن جنبها هههه
فكنت صعب اني اقتنع واتقبل معلومه حتى لوكانت من شخص اكبر مني ..كل شئ لازم افكر فيه واجربه
اذكر اني لما كنت اتأخر عن البيت مع ولدخالتي ..لاجينا نرجع لبيوتنا كنت اقوله لاقالي ابوي ليش تأخرت اقوله كذا واذا قال كذا اقول كذا
لكن لو قال كذا وش اقوله ؟؟ واجلس اقوله فكر معي هههههه والرجال انلحس اخر شئ قال شوف انا ماعرف افكر فكر انت لحالك انا بروح لهم ولاسئلوني وقتها تجيني الافكار
وكان هو يدبر نفسه وتجيه الافكار وقت النقاش الحاد مع الاب والام ..وانا ياضعيف اللي فكرت لاجيت عند ابوي بلعت لساني وتلخبطت واكلها على راسي =( ههههه
وكان ابوي دايم متخوف من اصحاب اخواني الكبار..فكان يحذره خالي ويقوله الصاحب ساحب ..واخذو يكملون سالفتهم
لكن كلمة الصاحب ساحب لصقة بعقلي ..وبس افكر فيها واقول بنفسي ليش هو يسحبني ليش مو انا اللي اسحبه ؟
وصار كل همي اني ما انسحب من اصحابي ولا اتأثر منهم ..بالعكس كنت افكر اني انا اللي اسحبهم
وكان لي صاحبين نروح ونجي مع بعض وعلمتهم شرب الدخان والتفحيط هذا كله بالمرحلة المتوسطه =)
لكن ماستمريت بالتدخين شهر ونصحني مدرس لازلت اتذكر نصيحته..كان يقولنا بالحصه لحد يشوف ابوه او دكتور يدخن ويسوي مثله
لانهم دخنو وهم كبار ومايضرهم الدخان لكن انتم صغار وجسمكم ماكتمل نموه فلو دخنت الحين يصيبك مرض السرطان
اذا صار عمركم 23 بعدها لوتدخن مايضرك واصلا انت وقتها راح تكره الدخان لانه يعفن بك..
الله يجزاه خير كان يعرف طريقة تفكيرنا وكان ذكي بكلامه لانك لوكبرت بتكتشف انه كذب عليك لكن يازينها من كذبه..
انا اول ماسمعت كلامه صدقته وقلت اترك الدخان وادخن لاصار عمري25 ..وسبحان الله الحين عمري25 وشئ جميل اتذكر هالموقف
المهم اني انا تركت الدخان بعد النصيحه واللي دشرتهم معي ماتركوه ولازالو يدخنون الى يومنا هذا =( ولازلت انصحهم يتركون الدخان
والتفحيط يعني مايعتبر اني علمتهم بمعنى علمتهم لكن كنت افحط بهم واخليهم يفحطون ههههه لكن الحمدلله ماقد صدمت لي احد او جبت العيد هههه واستمر معي التفيحط الى الثانوي بعدين تركته الحمدلله ههههه
بس لاتاخذون عني فكرة اني انسان شرير ..علمتهم على الشطرنج عشان يصيرون اذكياء وصبورين ههههه لكن ماعندك احد ماتعلموها هم بس يحبون الشر والصياعه ههههه
وعلمتهم بعد البالوت وطبعا اكييد تعلموها واخذو الدرجة كامله بعد هههه
طبعا كنت انا المفكر حقهم ودايم احاول اطورهم لكن مع هذا كانو اكثر واحد يسحبون عليه انا. الله يسامحهم بس.. انا اصلا كنت اعلمهم عشان الاجر بس مابي منهم شئ>اي اجر تكفى هههه

خلاص تعبت وانا اسولف نكمل السيره الذاتيه بوقت لاحق.