على كيفك!

[ضحية غرامك]

على كيفك وانته حر حبيبي قلبي متعود
هذاك أول وقلبي كان يبكي فرقة أحبابه

إذا بتروح ياالله روح بس لا تقعد إتمهد
ترى ما في أحد يسوى تهل دموعي بسبابه

أنا للحين ما تغيرت ولنك صرت خصمي وند
ولني عايش بضيقه وضعي إنته ادرابه

ولكن قلت أنا لازم أحط لطيبتي شوي حد
عشان الطيبة ما تنفع إذنك عايش بغابه

تعبت أضحك وجامل ناس يجازوني بعدها بصد
صدق من قال عيش وشوف طباع الناس تتشابه

أنا ما أقصدك والله نصيحة وعتبرها ود
ترى مب كل أسد يضحك إذنك شفت أنيابه

أبد لا تحسب الدنيا بتنثر فوق دربك شهد
ولا تضن إنك الواحد عشانك فاتح بابه

معاويه قال قبل سنين إذا شدوا أبد لا تشد
ترى مب كل واحد يوم يعصب يمسك أعصابه

أنا غلطان يوم إني أشوف الدنيا كلها ورد
أنا أغرتني الوردة شكلها حيل جذابه

نسيت الشوك في الوردة كثير وصعب ما ينعد
جرحني الشوك وأنا قصدي أبهدي الورد لصحابه

أنا تعودت ع الصدمة وقلبي صار متعود
وحتى لي قرت كفي طلعت وحده كذابه

انا قررت ما أبكي على الفرقا وخيانة عهد
مدام الذيب صار خايف يكش عن عينه ذبابه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[صدى صوت]

جمييييله .. نص رائع

[رايق البال]

هلا فيك اسيره ...
الله عليك الله نص واختيار جدا رائع
الف شكر لجهدك واختيارك الجميل .. كلك ذوووق

[حبي خالص]

جميل اختيارك اسيره
يسلم ذووووووقك

[نوارة الكون]

يسلمووو ع الطرح الاكثر من رائع

[اهلي ملاذي]

نص جدآآ جميل ومميز
شكرآا لكك #

[ضحية غرامك]

مروركم الاجمل...


بارك الله فيكم