حمد البريدي
هو الشاعر القطري [حمد بن عبدالله البريدي المري ]
مولده ..قطر
أهتماماته...الرمايه وركوب الخيل
وهو أحد الشباب المميزين على الساحة الشعرية ,
متميّز بَ شاعريته المختلفه ؛ ذات الطابع الممزوج بالتقليديه في الطرح .
شارك في شاعر المليون النسخه الرابعه وامسيات فالامارات والكويت والسعوديه
من ناحية التاثرفي الشعر تأثر بوالده عبدالله ومن ثم تأثر بكل ما هو جميل سواء من كتابه او من نصوص ادبيه
وهو يستكمل دراسته الجامعيه باحدى الدول بالخارج ..
ومن قصائد الشاعر حمد البريدي المكتوبه :-
وصفة علاج
عذاب روحي هبة النود من شرق
وفي خايع ماجاه طرقي وداجه
والليل والنسناس واالبر والبرق
هذي دواء قلبي ووصفة علاجه
ابعد من اجواء المدن واشعر بفرق
حتى مزاج البال يصفى مزاجه
انا بعيد الدار والعاشق الغرق
وانا الفقير اللي معزته تاجه
مقابل الصاحب لو الجوف به حرق
اضحك بوجهه لين يضحك حجاجه
الخوه اللي مالها بالغلا طرق
خوه مجامل والمجامل سماجه
على سنود العز ياصاحبي ارق
وان قاله الله في طويق نتواجه
لامال صيد وصيد الامال بالزرق
رمح يصيب ورمح فيه انعواجه
ولوان ربي حلل بشرعه السرق
سرقت راحه خاطري وابتهاجه
اعيش من يمناي والاحي الورق
واموت قبل اطلب من الناس حاجه
عفت الغلاا
عفت ـالغلا عفت الغرام وروـآجه
ودرب يوديني على باب بيتك
تبيعني بسوق الغياب وحراجه
وانا خسرت العمر حتى شريتك
ضحيت لكن تضحياتي سذاجة
وانا احسب اني في الغرام اهتنيتك
القلب لو يحتاج وانت احتياجه
باقطع يدي واموت ولا رجيتك
حلاك صاير في عيوني سماجة
وغلاك مايشفع دامي لغيتك
شربت من ضيم المعاتب هماجه
رضيت فيك وليتني ماوعيتك
وقلبي مجرح وعندك علاجه ؟
نصيت كل الناس ولا نصيتك
القلب كنت انت السبب في ابتهاجه
واليوم صرت انت السبايب بكيتك
امسيت مابغي من الناس حاجة
واصبحت متحسف على اني جنيتك
حكرت شوقي وسط عنق الزجاجة
واهلكتني ضامي وانا قد سقيتك
بكره ليا هبت عليك العجاجة
ونسوك خلانك لاترجع فديتك
هدمت عرشك وانكسر عز تاجه
وانا قرصت اذنك وياما نهيتك
يذبحني انك شخص على مزاجه
ويذبحني انك يوم تطلب عطيتك
كنت احسب انك للمضيع سراجه
واثرك ليل ليتني ماسريتك
اليا طلبت من غلاك نتواجه
سقت العذر وتروح ماعاد ريتك
كانك تحسبني احبك لحاجة
انسى المحبة واعتبرني نسيتك
من قصائد حمد البريدي الصوتيه :-
قصيدة خطايا الغرام
بعض صور الشاعر حمد البريدي
رد مع اقتباس