نبض الإحساس .. سجّل احساسك في هذه اللحظه

[ظلال الزيزفون]

مَآنِيْ غَرِيِبْ أَطّبَآعْ .. بِالعَكّسْ عَآدِيْ
أَحِبْ وُأَكّرَهْ .. وُأَترَفَعْ عَنْ اِلذِلْ !
أَقّدَرْ .. وُأَقَدّرْ .. وُأَحّتِفِظْ بِـ اِلمَبَآدِيْ
وُأَزّرَعْ بِدَآلْ اِلشُوُكْ فِيْ وَآقِعِيْ فُلْ
وُأَهّزِمْ شُكُوُكِيْ .. فِيْ شَجَآعَهْ وُكَآدِيْ
وُأَحَآوُلْ أَلّقَىْ حَلْ .. لِلّيْ بَلآ حَلْ !
يِمّكِنْ أَكُوُنْ أَحّيَآنْ .. شَخّصْ إِنّحِيَآدِيْ
حِيِثْ إِنّيْ أَرّفِضْ ( لِيِشْ،قِلّيْ،مِتَىْ،وُهَلْ )
وُأَدّرِيْ بِـ سُوَآلِفْ .. مِنْ يَبُوُنْ إِنّتِقَآدِيْ
اِلعُوُدْ .. دَآيِمْ لآ مِشَىْ .. يِتّبَعَهْ ظِلْ. ••

[ظلال الزيزفون]

شطرن يطربني وانا حافظه غيب ،
حكمه .. ولا هو مثل حكي المجله !

مهما تسوي للعرب من : مواجيب ،
عذروب واحد / ينسف الطيب كله ! .

[عملاق الشعر]

انتي خُلاصة خلط لولو بياقوت
وانتي حكايات الف ليلة وليلة
وانا افكر دايم شلون بموت
والله جابك وانتي احلى وسيلة

[ظلال الزيزفون]

‏“‎‪أحياناً نتحول إلى أُناسٍ لا نُطاق ..
ولكن .!!
رفقاً بنا فـ بالتأكيد لنا أسباب ..””

[عملاق الشعر]

مستقبلك مفتوح غيب وأيادي
والماضي الماضي قديم ومُحدد
كون اسود افضل ما تكون الرمادي
ألم خطاك .. ولا عذاب التردد

[ظلال الزيزفون]

ا ✉̸♡'̣..
* * * * * * * * * * * * * * * * * * * * * * * * * * * * * *
لغة الأحــترام لم تعد حروفها مفهومة الـبـعـض يفسرها حب والـبـعـض الآخــر، يظنها مصلحة}

[عملاق الشعر]

فالعاصفه اذكر البستان وزهوره
وان ماعطاك الزمن بسماتك اسرقها

وان انشدوا كيف حالك ؟ قول مستوره
لو ان الاوضاع يوميا تشققها

النفس اذا ماهي بشرهه ومغموره
يطقها الشح وتروح انت تلحقها

[ظلال الزيزفون]

‏"الحياه لاتقف عند احد" مقوله صحيحه!
لكن مع كل راحل جزء منا يرحل
ومع كل موت جزء منا يموت
نعم الحياه لاتقف لكنها تنقص

[عملاق الشعر]

قسم بالله لومالـي مـع اهـل الطيبـه مبـدا
لا أنزل نفسي لبقحين خلـق الله و أصارحهـا


لاكني لا انتهي صبح الرشاش و كل غصن اندا
دريت أني كفـو لمقابـل البيـد و بوراحهـا

[ظلال الزيزفون]

كنت هنا ورحلت بصمت