المذيعة والشاعره نهى نبيل
الإسم : نهى نبيل محمد
الجنسية : كويتية
مواليد 11-11-1983
المؤهل الدراسي :
خريجة هندسة و بترول جامعة الكويت
الهوايات :
تقديم البرامج , كتابة الشعر و ألعاب القوى
أهم البرامج التي قدمتها :
نجم الخليج (دبي) , رايكم شباب و أنغام و أسرار (الراي) , تلفزيون الأطفالو كافيه المنوعات (الكويت) , صيدلية العشاق و قصيدة التحدي (فواصل)
أهمالأمسيات التي قدمتها :
مهرجان هلا فبراير, مهرجان الدوحة الثقافي , مهرجان صلالة , مهرجان صيف ويانا بالكويت
من قصائدها :
السكسوكه ،،
هذاك المـار قدَامـي ولـه نظـرات قتالـه
له سكسوكتن حلوه بأقصى الوجه مرتسمـة
حرمني النوم في ليلي.حرمني النوم عقبالـه
يحس الشوق في صدره ذبحه وزاد في همه
أحب أمه أحب عمه أحب جده وأحـب خالـه
أموت بنظره عيونه واعشق كل حروف اسمه
أحب جِده وأحب هزله,أذوب وحالتـي حالـه
وإذا يطروه قدامي أحـس بداخلـي صدمـه
ذبحني بكثر ماشتاقه.ذبحني بكثـرة أشغالـه
شغلني جنن قليبي,فصلني من على الخدمـة
ياليت أقدر أصير بيـوم شيٍـن دايـم قبالـة
وراه بكل مكان يروح شيٍـن غالـي يهمـه
ياليتي ساعـةٍ بيـده أو ارقامـن بجوَالـه
يطقطقني على كيفه ولا أحفظ سـوى رقمـه
أنا ادري انه يعاني وأدري صعبـه أحوالـه
قلبي مايطاوعنـي يبـي دايـم اهـو يمَـه
أنـا مايهمنـي ربعـه وعذالـي وعـذالـه
أحبه بكل جنون الحب والإحسـاس والذمـة
صحيح انه يكذِبنـي و ظنونـه علـى بالـه
لكني بعلمـه كيـف هـو دمِـي وأنادمَـه
يقـول إنـي أنـا أنسى!فـال الله ولا فالـه
لو بانسى أنا نفسي ما أنسـى أبـد رسمـه
ياقلبي شوفلي حلنٍ بحبـنٍ صارلـي عالـه
ياإمَا تجيبه لعنـدي.وإلا اطلبـه مـن أمـه
أعتذر لك ،،،،،
جيت أعتذر لك والندم يعتصرني
جيتك وقلبي جاك ويسابق خطاي
أما بعد ماجاك مني تعذرني
ولا بروح وبآخذ الجرح وياي
زلة لسان ودام حظي غدرني
خلك كبير وطفي النار بحشاي
لأنك بعد ماأقفيت شيءٍ غمرني
جلست أسآل خافقي شالذي جاي
والخوف إني أخسرك وتخسرني
خلاني أوصل عند بابك بممشاي
وش هـي حياتي لو غرامك هجرني
وإنت الهوى للروح ولعروقي الماي
لأني خطيت كثير قلبي أمرني
إني أتبعك وأجيك ياغاية مناي
وتصدق على لقياك محدٍ جبرني
لأني بدونك إنت ماأعيش دنياي
أحبه ،،،،،
صوتيه + الكلمات
و يقولوا إن الزين بس للصبايا!!
حكي الجياكر صدق ماخوذ خيره
عندي حبيب ٍ فيه كل المزايا
فوق الشهامة أشهد إنه "دميرة" !
له نظره تسوِي سواة و سوايا
و رزة عقال ٍ ما هي لحد غيره
و غمازتين هناك صوب الشفايا
و نظرات عين ٍ يالخلايق خطيرة
ودي أشوفه كل لحظة معايا
عيني بصيرة بس يدِي قصيرة
صرت ألمحه في عين كل الزوايا
و أموت لا جا ذكره بأي سيرة
أترك عشانه كل عمري ورايا
و أبني له بوسط الحشا ألف ديره
سبحان من خلى االحسن فيه آية
قلبي هواه و مدري وشو مصيره
من يوم شفته .. الوصل صار غاية
و رسمت في لحظة أماني كثيرة
و أظنني تناسيت كل البلايا
و عيوبه صارت في عيوني صغيرة
(كحيان) و (منتَف) قليل العطايا
بس أشعر بظله بأني أميرة !!
يرمي سهام العشق أحسن رماية
و (ينيشن) قليبي و ينثر عبيره
كذاب ٍ و يحلف ماله سوايا..
و لا جا يناديني يقولي "سميرة"!
لكن أحبه يا بلاه و بلايا
و أبقى أتحمل سلبيات ٍ كثيرة
لأني وهبته الروح و أجمل هدايا
حب ٍ على إخلاص ٍ مع شوي غيرة
و صرت أعذره و أهيم به في عمايا
و أقول يرجع لي و يعقل مسيره
جنن قلوب الناس و أحلى الصبايا
و طيرلي قليبي , ***** خيره !!!
رد مع اقتباس