جاري الكتابه ......

في زمن جاري الكتابه

كل احرفنا تشابه

الواتس عنا بالنيابه ..

هو يسلم ..

وهو يكلم

وهو يعزم ..

بالنيابه بالنيابه بالنيابه ..

في زمن جاري الكتابه

جاري ..

جاري اللي هو

جاري لي سنه ماطقيت بابه

وفي زمن جاري الكتابه

كلنا معنا كأبه ..

كان اول ....

يزعل الواحد من رفيقه

ماعزمني فلان .

كان عنده ليلة البارح ذبيحه

يافضيحه ..

ولكن اليوم فلان يزعل .

لإن فلان استلم منه الرساله

ثم قراها ..

كيف .. أفا خطين زرقا

هذي الخطين كم وكم فرقا

سببتها ..

استلمها ما استلمها ..

في زمن جاري الكتابه ..

الوفاء منهو ؟ غدابه ..

إحسد اللي فوق طعس

يتامل في السحابه !

والغنم مقيله

ولا يفكر فالذيابه ..

ولا في مصر الحبيبه

وسط عيدان القصب

بين غيط وبين ترعه

وطفل صغير يقوله

ياصباح الخير .... يابه

في زمن جاري الكتابه

في زمن جاري الكتابه

منهو اللي ينغزا به

يازمن مافاد فيك

طب ولا حتى طبابه ...

من يقول هاذي وسائل للتواصل

والله إن وسطها مليون فاصل

القروب اللي جمعنا

كلنا فيه إنتشابه

كلنا

كلنا جاري الكتابه ......

المهم مثل ماتشوفون ..

أنا



جاري الكتابه !