ليتني طير إلا من ضاق رفرف به جناحه‏

[نوارة الكون]

ليتني طير إلا من ضاق رفرف به جناحه‏




للشاعر / محمد ابن فطيس المري ..

ليتني طير إلى من ضاق رفرف به جناحه

لا تضايق حرّك الجنحان لحدود السحابه

يرتفع حتى يبدل ضيقة الصدر انشراحه

يعتلي النسناس ويعانق به النوّ وضبابه

لو يروح بعيد ما أحد يسأله سبة مراحه

ما هو بمثلي يفجّر ضيقته دمع وكتابه

لا نوى ما هو يحسّب فرق بعد ولا مساحه

ولا يحاتي لا لفى بأرض بعيد ولا قرابه

ما يفكّر غير في لمة جناحه وانفتاحه

لا بغى ينزل بنهر وان بغى ينزل بغابه

لأجل قلب لا طرى له صاحبه داعب جراحه

عانده وجه الزمان وزاد وقته من مصابه

صاحبي والحظ الأقشر قلّد أيامي وشاحه

يسقي أيامي دموع ويطعم الظلمى كآبه

في رجاء لقياك دارت غربتي في كل ساحه

وعين قلبي في غيابك صدّقت كذب السّرابه

لا أرتسم بعدك هجير ترتسم لقياك واحه

ولا أرتسم حبك قريب تصبح اللقيا مهابه

لا جنت فرقاك فرح ولا أثمرت جمعاك راحه

بين حرّ القرب وأحزان الفراق أوجه تشابه

من مساء هاجس لقاك اللي يماطل في صباحه

لين هاجوس الفراق اللي تمادى في عذابه

ليت قلبي طير لا من ضاق رفرف به جناحه

لا تضايق حرّك الشريان لحدود السحابه

[حبي خالص]

انتقاء عذب لابن فطيس
يعطيك ربي العافيه نواره

" نص يستحق النجوم الخمس "

[مجنونك ما يخونك]

[نسر البوادي]

الله الله ابيات غايه في الجمال والروعه وانتقاء اروع يا اختااااه تسلمين ياذوووق

[روح الحلا1]

كلك ذوق نوارة
انتقاء رائع،،
ربي يعطيك العافية.

[جُمانه]

جميلَة جداً
يعطيكِ آلعَآفيَّة نَوآرهه

[نورمان]

قصيده بمنتهى الجمال
لديك حسن الانتقاء اختي سلمت اناملك

[رايق البال]

هلا فيك نواره ..
نص واختيار كالعاده ولا اجمل الله عليك الله
الف شكر لجهدك واختيارك وتفاعلك الجميل .. كلك ذوووق

[زهرة الأحلام]

.
.



نوارة ..
كلماآت جميلةة / ذوقٌ راآقي
أسعدكـ الرحمن ~

[نوارة الكون]

انتقاء عذب لابن فطيس
يعطيك ربي العافيه نواره

" نص يستحق النجوم الخمس "

تسلمين وربي يعافيج