اليوم كان عندي مشوار وأنا طالعة لفت انتباهي رجل تقريبا في الثلاثينيات
تخيلوا كان يدور من (حاويات القمامة ) الله يعزكم وأناكنت واقفه جنب المخبز واشوف عليه استغربت الموقف وشفته يدور من مكان لمكان كسر خاطري صراحة
بعد شوي نزل شاب من سيارته ودخله المقهى وشكله اشترى له عشاء خفيف طلع الشاب الثلاثيني عنده جنون الله يكون في عونه والله كسر خاطري وأنا أشوف هالموقف كأني أتابع فلم ... سبحان الله ... العقل نعمة دايما نقولها صحيح لكن ما نفكر في معناها .. وقفت فترة أشوف عليه وأشوف ع شباب صاحين والله دمعت عيني وقلت في نفسي لو كان صاحي ما وصل به الحال يدور من زبالة لزبالة أعزكم الله .... الحمد لله على نعمة العقل... وفي نفس الوقت عجبني كثير تصرف الشاب الثاني كسب فيه أجر وثواب