قول عادي .. بالي الليله طويل

[حبي خالص]

قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ

وعادي جداً .. إنِّي الليله ( عليل )
..الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟ يـ الأصيل ..؟؟
إنت ضايق .. ؟!
في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!



مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

[روح الحلا1]

رائع حدا انتقائك حبي
تسلمين وربي يعطيك العافية..

[حبي خالص]

رائع حدا انتقائك حبي
تسلمين وربي يعطيك العافية..

الله يعافيك روح
شاكره لك مرورك وتفاعلك الجميل

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[حبي خالص]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

شكرا للمرور الشيخه

[رايق البال]

هلا فيك حبي خالص ..
الله عليك الله نص لاجديد عليك هذا التميز والابداع
الف شكر لجهدك واختيارك الجميل .. كلك ذووق
( نص يستحق النجوم الخمس)

[حبي خالص]

هلا فيك حبي خالص ..
الله عليك الله نص لاجديد عليك هذا التميز والابداع
الف شكر لجهدك واختيارك الجميل .. كلك ذووق
( نص يستحق النجوم الخمس)

تسلم استاذ من ذوقك
شكرا لك