نبض الإحساس .. سجّل احساسك في هذه اللحظه

**العميل9** · 22-04-2015, 11:17 AM

**العميل9** · 22-04-2015, 11:22 AM

خذ من الصمت مايكفي لـ سجن الكلام
ولاتسولف على حزنك ودمعك بخيل!!

اول الحب لهفه وانتظار وغرام
وآخر الحب غصّه وإنكسار ورحيل

**العميل9** · 22-04-2015, 11:24 AM

الغلا بعضه تنفس وبعضه اختناق
والتنفس شرق وأنا تغرّبت وحدي

يا إله الكون رب السموات الطباق
يالوحيد اللي بيدّيك ضعفي وجهدي

يالله انقذني من النار واللحد الضياق
واغفر ذنوبي وفرّشني الورد الندي

واقسم لفمي من أرزاق جناتك مذاق
كاني حزت الرضا منك أببشر بسعدي

جزت عن دنياً بها اعداي كانوا لي رفاق
وتبت عن حلمٍ حدوده مساحة مرقدي

و متّ من فعل الجمايل براعين النفاق
وعن حد نفسي لها لو ما نيب محدي

العمر محسوب والجرح لا من فاق فاق
ما تغمّض به دكاتر وقرية مهتدي

أبشع أشياء الحياة الظليمة والفراق
والغباء والمعصية والبنا عم الردي

وأنت ياللي صغت حلم التواصل بالسباق
قلت لي هيّا وأنا جيت بالحلم اعدي

اعدي وانا مسوي خطأ فالإنطلاق
مبتدي من قبل لا سباق حلمك يبتدي

انفجر صدري وعدوي معك ما عاد لاق
وجيت مستسلم ولأنوار حلمك مقتدي

لين حلمك حطني بين قوسين احتراق
تحترق منا يدي وتحترق منا يدي

والله إن اكبر عيوب الرجل الإنزلاق
خصّ لا من صار دربك وحيش وسرمدي

أتعثر بس ما اسمع حكي شذاب ساق
كلمتي هي كلمتي ووعدي هو وعدي

**حبي خالص** · 22-04-2015, 11:29 AM

من يقول انك عن عيوني بعيد
وانت سارق شوف عيني كل ابيه

كل ما ناظرت لي وجهٍ جديد
يرتسم وجهك على كل الوجيه

**حبي خالص** · 22-04-2015, 11:29 AM

تقفي مع العالم .. و روحي تباريك
يا من بقربك فرحتي وارتياحي

نذرا على رقبتي نذر ما اخليك
من خلى روحه صدق .. ماهو بصاحي

**حبي خالص** · 22-04-2015, 11:30 AM

تغار لا اشوف العرب يا ملاذي
ابشر بعزك تمّ .. وافتح كفوفك
اخذ عيوني معك هاذي وهاذي
ماني بحاجتها سوى يوم اشوفك

**حبي خالص** · 22-04-2015, 11:33 AM

تعال اسولف لك من الراس للراس
انا ما عاد اقدر اجامل سكاتي
،
واقف على حد العطش واحرث الياس ،
كني ابزرع في جفافي .. مماتي
،
ليتك عطر وتهب مع كل نسناس ،
واشرّع ضلوعي على اربع جهاتي ،
للحين وعروقي من الوجد يباس ،
للحين وانت اكثر دعا في صلاتي ،
للحين افكر فيك من بد هالناس ،
للحين وانت اغلى واعز امنياتي ،
للحين اقول بكل ما املك من احساس ،
الحلو في مستقبلي ذكرياتي !