نبض الإحساس .. سجّل احساسك في هذه اللحظه

[شيبة الباطنه]

فخر الرجل تلقاه في علم واخلاق
وتلك الوظيفه اللي معه تخدم الناس
واللي تكبر يقطع الرجل وأعناق
مانيش فاهم من هوى ساس والساس
خلك رحب لقبلت شمس لشراق
وخل التكبر واسكب الماي بالكاس

[بيبرس العماني]

صح لسانك

وكما قال الشاعر :
العلم يبني بيوتا لا عماد لها

تحياتي

[غـــزلااان]

حِكـــــم جميــــــــــــلة أخـــي الشيبـــــــــــــة

مســـاؤك سعــــــــــــــادة

[صدى صوت]

يا ايها الشاعر الهمام ..
بيتان فقط .. اهذا كل ما نستحقه منك ايها المبدع ؟؟

[بيبرس العماني]

ياصباح آلخير وهبـات آلنسيـم'
ويآصباح آلنـور ونقول السلآم،

آلسعادھ رزق وآلمعطي كريم'
آسعد آلله قلب من رد السلآم،،!

#صباح_الورد🌹

[تباشيرالأمل]

طآب صباحكم بكل خير
صباحك سعادة وراحة بال شاعرالرواق

[بيبرس العماني]

يــا غــرام الــود و جيوشـه
يذبح العاشق شقى طيشه

يجذب الخفـاق و عـــروشه
و المولــع ضيمــه إيعيشــه

و الوزاء إن طرش طروشه
ع الفكر تغزي مطــاريشـه

فيه روض الحب مـربوشـه
غرنجي و إرهــابي بجيشــه

بيــة عيونــه مـع رمـوشـه
تحرمك من لـذت العيشــه

الجــوارح فيــه مــدهوشـه
ذابحنــي مــن كثـر طيشـه

م

[بيبرس العماني]

احيان اهني صاحب المال بالمال
واحيان اهني صاحب الفقر فقره

واحيان اكشخ والبس شماغ وعقال
واحيان اسير ولا على الراس غتره

الناس فيها هم يا طيب الفال
خذ لك من ايامك وانا خوك عبره

ترى أختلاف الحال حالن بعد حال
يعطيك فالدنيا مع الناس خبره

كم عاش فالدنيـا فقيـر من المال
ما فاد غير ونعـم حتـى بقبـره

وكم ولد لاش عاش في بارد ضلال
ما فاد شي ومات زولـه وذكـره

والوقت نفسه مـا تغيـر ولا زال
يوم وسنه والشهر هو نفس شهره

بس البلاء بنفوسنا صابها هبال
نركض بهالدنيا على غير دبره

بعنا الصبر من شان تحقيق الامال
واثر الامل مربوط في طول صبره

ومجملات الهرج قلنا وذا قـال
في رجل ما يسوى لتعظيم قدره

ما كل منهو يلبس البشت رجال
يبرك ويشتال الثقيلـه بظهـره

فيا هيه ياللي غرك الوقت تختـال
(كلن يعيش بحسب رايه وفكـره)

كتبتها من طيب مدري من هبـال
وقفلتها يوم القلـم جـف حبـره


م

[بن الريان @]

يا صاحبي لبيك لو الهجر طال

ما تدري اللي غاب يكبر بقدره

وأنا الغياب والصمت أسجع بموال

علي وعلها العين ترتاح بعبره

عزيز يا الغالي لو حتى ما تسال

داخل فوادي لك مسكن ونظره

والحب لي من زاد يتليه لهبال

وحاشاك وحاشى اللي تعلى بقدره

[بيبرس العماني]

الكون موحش والزمن فاقد إحساس..

والهم ينســج مــن خيالـــــــي قصيده..

أكتب همومــــــي بالقلم فوق قرطاس..

وأرسم معاناة الجـــــــــروح الجديده..

القلب وش خلاه مخنـــــــوق الأنفاس..

بين الضلـوع العوج ينـــــــزف وريده..

الا الفــراق وغـــــربة النــــاس للناس..

وبعض السوالــــــف والعلوم المكيده..

ياقلــب لاتحــــــــزن ولا يغلبك ياس..

إرتاح و إستبشــــــــر بلحظه سعيده..

أقولها ياقـــــلب لا بـــــــــاس لا باس ..

لاتقهرك ســـــــود الليالـــــي العنيده ..

اللي ذكر طيبي على العيـــن والراس..

واللي تجاهلني تجاهلـــــــت سيــــــده..

ماهمني من باعنـــــــي دون مقيـــاس..

عزيت نفســـي والأمانـــــــــي بعيده ..

أنا كذا طبعــــي مع كــل الأجنــــاس..

القلب عزيتـــــه و شديــــت قيـــــــده..

حوله من الأضــــــــلاع حطيت حراس..

تحميه من غدر الليالـــــــــي الشديده..

اللي يذوق الغدر صافــــي من الكاس..

لابــــد يتعلم و علمــــــه يفيـــــــــده ..

ضويت لي في ســــود الأيام نبراس..

يهدي حياتي للــــــدروب الرشيده..

محشوم فكري عن تفاكيــــر الأدناس..

نفسي عن الهفوات دايـــم زهيـــــــده..

واللي يحاول يسرق اللولو والألمـــــــاس..

ماطالته عينه ولاطالــــــته إيـــــــــده ..

يبطي ويشهر للبشر ذل الأفـــــــــلاس..

لابدد أمواله بيفلـــــــس رصيـــــــــده ..

ماكل صيد يجيبه الحــــر قرنــــــــاس ..

يموت بالرمضا ولاهـــــو يصيــــــــده..

واللي يحاول يكسر الراس بالفـــــــــاس..

مثل الذي بيده يكســــر حديـــــــــده..

كتبتها جمله أنا بيـــــن الأقـــــــــواس..

(لاتقرب النيران جسمك تبيـــــــــده)..

أعوذ بالرحمن من كـــل خنـــــــــاس ..

من الوساوس والحياة البليـــــــــده ..

ياوجد حالي كل ماهب نسنـــــــــاس ..

سافرت بافكاري لدنيــــا بعيـــــــــده ..

أتذكر اللي غاب من خيرة النـــــــاس..

اللي وصوفه في خيالي فريـــــــــــده..

محشوم وافي طيب العرق والســــاس..

بين البشــر مافيه شخص نديــــده ..

نسله من الأحرار والعرق دســـــــاس..

غيب عن عيوني بساعــــه نكيـــــــــده ..

الله يكسي جسمه الغض بلبـــــــــاس..

من سندس الفردوس حله جديـــــــده..

بصبر على فرقاه والقلب حســـــــــاس..

حياتنا ماجت علــــــى ما نريـــــــــده ..