::: ღ.¸¸.,,ياشين طبعٍ فيكـ ,,, يازين الاطباع.¸¸.ღ :::

[حبي خالص]

يا شيـن طبـعٍ فيـك .. يا زيــن الأطبـاع
لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع
مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع
ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع
والبخل .. في سِلْم المحبيـن .. ممـقـوت

الحكي .. قوت السمع / وأسامعي جياع
ومسامـعي ماتت من الجـوع .. للـقـوت

وحكي الغزل في صدرك أشكال وأنواع
لكن صمتك .. حوّل الصـدر .. تـابـوت

تصـد .. ما كـنّـك من الصـد .. مـرتـاع
وإن قلت : يا القاطـع .. تلفّـت مبـهـوت

أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت

وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت

اسمع أشعاري في الهوى وارخ الأسماع
ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت..

[مجنونك ما يخونك]

[سعود الشبلي]

قصيده مميزة يعطيك العافيه ..

[الرميثي]

نص جدا رائع
يسلموووو استاذه ع الكلمات الراائعه ..
يعطيك العاافيه

[رايق البال]

هلا فيك حبي خالص ...
نص واختيار جدا راقي ورائع كما هي عادتك
الف شكر لجهدك واختيارك الجميل .. كلك ذوووق
( نص يستحق النجوم الخمس)

[حبي خالص]

شكرا للمرور مجنونك

[حبي خالص]

قصيده مميزة يعطيك العافيه ..

الله يعافيك أخي
شكرا لك

[حبي خالص]

نص جدا رائع
يسلموووو استاذه ع الكلمات الراائعه ..
يعطيك العاافيه

الله يعافيك أخي
شكرا لك

[حبي خالص]

هلا فيك حبي خالص ...
نص واختيار جدا راقي ورائع كما هي عادتك
الف شكر لجهدك واختيارك الجميل .. كلك ذوووق
( نص يستحق النجوم الخمس)

تسلم استاذ وما عليك زود
شكرا لمرورك العطر

[عملاق الشعر]

حبي خالص


نص جميل جدااا


سلمت يداك المبدعة وذوقك الراقي