نبض الإحساس .. سجّل احساسك في هذه اللحظه

[الشيخه الفلانيه]

من يجرح [ الماء ] / من [ أيَّامه ] حَصَدْ غـثْبَرَه ..
................................. و يموت [ عطشان ] ,’ ما بْلّ .. الزمن فيه خيل !!
/
و لو دوِّر الفيْ ! / ما تنبت عليه [ شجره ] !؟
................................. و ما تــشْبَع من الفُتات / إلا .. عــيون الــبخيل !!
/
مِنْ دُونْ [ الأحْبَـــابَ ] /ما لأُمْ الحَيَاة .. [ ثمَرَه ] ..
................................. حتى الـسماوات ,’ بــعيون الـمفَارِق .. تـمِيْل !!
/
كم .. واحد ٍ طاحت دموعه .. لـــ خاطر .. [ مَرَه ] ..
................................. ما كنْ ربي .. خَلَق له / عن [ خَـلِيْـــ لَه] / خَلِيْل !
/
و الــجرح هذا / من اللي ,’ بالــشتاء بَعْثَرَه ...؟
................................. ما هو بــــ حي ٍ يمر .. الــقلب .. [ عــابر سبيل ! ]
/
هذا يــعرف [ الجمَلْ ] / لا .. ويـعَرِفْ .. مَنْحَرَه ..!!
.................................و يشُوفْ .. موته مَعْ .. [ دموعه . و رُوحَه ] .. تسِيْل ..
/
و الليل .. هـذا .. لــحالي .. ما قويتْ اسْهَرَه .. !
..................................لا شمع ! / لا سراج ! / لا قمرا ! / ولا من فتيل ..!
/
و الحزنْ .. دُخَّان .. يتصاعد .. من الـــمَبْخَرَه .. !
.................................. يَمْضَغْه .. جَـمْـر .. الحنين /.. اللي.. يدوِّر .. [ جِليْل ] ..
/
و الصُبْح.. ! / حتى [ الدرايش ] / ما تبي تَنْشرَه ..!
.................................. [ دِرْفاتَها ] !موصَده .. عن كُلْ [ ضوء ٍ ] ../ قــليل .. !
/
و الـحلم ! / [ شايب ] .. قبل عامينْ .. لي فَسَّرَه ..
..................................و اطرَقْ برأسه ! ,’ / وقـال إنَّـه [ كوابيس .. ليْل ] ..!!
/
عصفور ! يا حَقْل / دوَّر بك .. [ سَنَا / بِلْ ] ذُرَه ..
.................................. ويا حَقْل سَنْبَلت ! / ما خليت لأجلَه .. [ حَ صِ يْ ل ] ..
/
و


من حَبَّك إن طِعت شوري ! / انتبه .. تَخْسَره ..

.................................. ما .. كلْ .. يوم ٍ تحب ْ ..! / و كل ٍ .. يوم ٍ ..
خَلِيْل ..!!

/
و الماء .. و طفلة حنين العُمرْ .. و السُكَّرَه ..!
................................... خلوني.. اعيش .. / و اتنفس .. / و ضميان .. حـــيل ..

/

[الشيخه الفلانيه]

نمشي على الأرض وتغص بخطاوينا .................
......................... ونحاول نسج عن طاري مآسينا..

مع كل جرح نلوك الحزن و نكآبر .................
........................ونخبي جراحنا ونقول يكفينا..




لا يبلو الله قوما" دونما سبب.................

......................... ( أوآآه ) باية سبب يمكن يعنينا؟




في بعض الأحيان نقدر نخفي اللوعه.................

......................... وفي بعض الاحيان لوعتنا تبكينا




ياضعفنا لو كذبنا في ملامحنا.................

......................... الضعف يفضح ملامح كبر عينينا..




لكن (على الله)(على الله)يابعدحيي.................

......................... ( الله كريم ) وربي ما يخلينا..




ادري كثير التعب عناك لكني.................

......................... متأمل خير في سكة خطاوينا ..




متأمل بالوصال وطاري الفرقا.................

......................... مابيه والله يعجل في تلاقينا ..




الله يخليك لي و يطول بعمرك.. .................

......................... لأن قربك قسم بالله يحيينا..




والله وصالك حياة وقربك يشابه...................

......................... سحايب الخير تحيا بك روابينا..




يخضر قلبي غرام وتعشب عروقي.................

......................... من بعد موت و صرام في محانينا ..




أنبّتك ورد وإنت فداخل عيونك...................

......................... نظرة غلا تحتفل فيها موانينا..

[الشيخه الفلانيه]

ضاقـــت الارض فيني والفيافـي وساع
كيف وسط السعه ماني محصّل سعه !

شمس قيض المفارق .. وارفه بالشعـاع
وظلّي اللــي تبــعني ، ولّا أنــا أتبــعه ؟

لو أشيل إيدي من الجرح جات السباع
مثـــل نـاس بمصيــبة ناس / متجمّعه !

ألمــح الناس ، هذا شــاري وذاك بـــاع
ما تبيعـــون صدرٍ - ما عليــه أمتعـه ؟!
ودّي أحمّله مـن ضيــق صدري متـــاع
ضيقي يفيض مـن صدري ولا يوسعه !

و حجــم دمع العيــون يزيد يوم الوداع
من يفــارق .. يخيّط لو قدر .. مدمعـه !
أشكر اللي فهم حزني على الاستماع
( وأتمنــى تكــون / أيامكــم ممتـعه ) !

#حمود_بن_وهقه

[الشيخه الفلانيه]

غفـى بالذكريـات يـدور وجـوده
لقى نفسـه جسـد وأطرافـه بـلاده
تعـوّد مايعـد ويـعـود بـوعـوده
تجـوّد بـس ماجـادت بـه جيـاده
رما نفسه علـى سكـة شقـا نـوده
ونام مـن القهـر وذراعـه وسـادة
يجاوبنـي ولكـن مـا أسمـع ردوده
إلى مني سألتـه فيـه أحـد فـاده؟!
رأى فالحلـم والأحــلام مـعـدوده
بأنـه معلـنٍ لأفـراحـه جـهـاده
فرح وإستغفـل أحزانـه بـبـاروده
ولملـم بهجتـه وإستلـهـم عـنـاده
بدا يعـزف تقاسيـم الفـرح عـوده
وينشـد دمعـة الخاشـع بسـجـاده
يقـول إن السمـا زفرةتعـب نـوده
وزخات المطر دمعـة فـرح سـاده
يقول الشمس درهـم ضـاع بنقـوده
يقـول إن القمـر طلـة بهـا غـادة
يعيش بحلـم يتجـاوز بـه حـدوده
ويقتـل دمعـتـه ويقـيـد حــداده
يخاف إن لو قصر في يوم مجهـوده
يعـود لدربـه وتنطـق بـه أوتـاده
خنق طاغـي زمانـه وإبتـدا كـوده
وطق الأرض ظلـم وجـات منقـادة
تفرعـن وإستشـد بقوتـه عــوده
وحلـت لعنتـه فالكـون وزيــاده
أكل قلبه بعد ما ضـاق بـه جـوده
وأخذ يقدح بظهـر أصحابـه زنـاده
لعـن جـد الليالـي وأطلـق أسـوده
على أطفال المشاعـر ظلـم وسيـادة
طغى ويله على ليلـه ومـن سـوده
شرق صبحه كما روق الظبي ، عاده :
يجي بخيوط ضوء الشمـس ممـدوده
أو يشـيـر لتفـائـل دام جــلاده
على ظهر البيـاض يسـل جلمـوده
ويقتل مابقـى مـن فرحـة عبـاده
وساعة حس بـإن الكـون عنقـوده
صحى من حلمه وعينه علـى عـداده
نقص واحد من أصحابه من شهـوده
على ضيقاتـه اللـي هـدت بـلاده
تفاجأ.. إنصـدم.. إنهـارت سـدوده
بناها طاح .. طاح وطاحت أعيـاده
تمـزق دفتـره وإنصكـت عهـوده
و واعـد دمعتـه والليـل كالـعـادة
سجن نفسه بظله .. وإنكسـر عـوده
وراح وحلمـه الملعـون جــلاده !
ـ

[الشيخه الفلانيه]

صدفتك في خيالي باب من خلفه / "زمن مفتـوح"
فتحته طارت أسـراب الحمـام وغنّـت عيونـي
توشحتك هـواً نسّانـي البـرد وكثيـر جـروح
وعشتك داخل أحلامٍ نمـت فـي أفسـح ركونـي
شربتك ياعيوني في عيونـي والضمـا مجـروح
نقشت إسمك على خـد السمـا وبداخـل جفونـي
لمحـت ألوانهـم بعيونهـم ممـا خذيـت تفـوح
وأنا من قبل أحبك كان يشبه لون...هـم : لونـي
معاكِ صرت أحس إن الهـوا ماتحتويـه شـروح
هـواكِ عالميـن مـن الغـرام وكلّـه : جنونـي
لقيتك ساكنه وسط السمـا بيـن المسـا والـروح
عطيتيني جناح وطرت لين أبعـدت عـن كونـي
وأنا كوني بـكوني طايـشٍ بيـن الألـم والنـوح
وشاعر عاشر أنـواع الدمـوع ونـاس يقرونـي
كذا يعني بقايا من ألـم ماتـت عطـش لـفـروح
وأماني شفتها حيـرة تساقـط : تجفـي غصونـي
وصبحٍ كل ماجيت أدِخلـه فـي مُبتـداي يـروح
وليل يمدّ لي كـاس السهـر وأصحـاب يجفونـي
ونورٍ منطفي ،، وأفكار موؤده ،، وبعض صروح :
تهاوت من على سفـح الشقـا وإهتـزتّ شْجونـي
كذا كنت أرتشف ضيق المدى في سكّتـي وآرووح
إلـآخر سكّة الدرب العمى وآطيييـح مـن هونـي
كذا كانت حياتي قبل لا آخـذ مـن عيونـك روح
كذا كنـت أشبـه الظلمـا كأنّـي عايـش بدونـي
ولكنّي لقيتك وإنحنـى وجـه الألـم مذبـووووح
وفزت وطارت أسراب الحمـام وغنّـت عيونـي
وضمّيتك هـواً نسّانـي البـرد وكثيـر جـروح
وعشتك داخل أحلامٍ نمـت فـي أفسـح ركونـي

[الشيخه الفلانيه]

بقا طاري الغياب إللي مشى بالعمـر تغريبـه
.......................و هو يتهرّب مـن الآه يـوم الآه معمـوره

سكنها ما سكنها غيره الا أوجاع تهذي بـه
.......................معاها دمعتين بوسط ذيك العيـن محشـوره

حكى حزنه لجدران الزمن و أبطى يماري به
....................و لا فاده سوى صمته عرف بإنّه مهو دوره

بداياته بدت منِّي و لا حصَّل سـوى الخيبـه
...................سكنِّي طفل متفائِـل و لكـن يـده مبتـوره

يقول أحضانك الخرسا عمت عيني عن الريبه
....................و أثاري حظنك أشبه بالسراب إللي بنا سُوره

على جدار الأماني كنت أكتب شي ودِّي بـه
...................و أثاريني كتبـت إللـي تمنيِّتـه بطبشـوره

و ذا طاري الغريب إللي لقى بالعمر تغذيبـه
.................معه دمعه و صادقها و أماني شبه مكسـوره

خسرته من سنه أولى إبتدائي لين هالشيبـه
.................و راح و عاد لي رجال يقول الحال مستـوره

على طاري الغريب و طفل متشتت بأساليبـه
................و شايب لا تنهّـد ماتـت الامـآل مقهـوره

كتبت إللي كتبته فيـه لا كذبـه و لا غيبـه
.................و نام بحظن حنجرْتي بقايا أشياء محظـوره

[الشيخه الفلانيه]

بين نار الفـراق وسلسبيـل اللقـى
بين صمت التجافي وأنهمار الغـرام
هو بقى شي منـي يستحـق البقـى
غير ضيم الليالي وأنت عنـي تنـام
ايه أقلب قصيدي والظروف أمحقـى
شفت أخر محطاتـي وذاب الكـلام
والله أني وهمي صايريـن أصدقـى
مرتكز في ضلوعي من ثلاثة عـوام
ما أقاوم حضوره بالفؤاد أرتقـى
قادنـي للضيـاع وجرّنـي للظـلام
ماشي ٍ في طريقي ياحيـاة الشقـى
المسافة طويلـة والمحانـي حطـام
ياعدّيم المشاعر وبل دمعـي سقـى
وجهي اللي من اللوعات أضحى عدام
كيف ترسل حروفك في دعاو النقـى
وأنت تارك حبيبك في حياته يضـام
ليه خيبت ضنه خافـق ٍ بـك هقـى
عاش لأجلك وخلى في يديك الزمـام

[بو الحمد]

مسائكم خير وسعادة بعون الله ....تحية الى كل المتواجدين

نرد التحية بتحية .....

مساءك جمال حضور يا اختاه

[عملاق الشعر]

الأبكم يتمنى ان يُرتل القران
والاصم يتمنى ان يسمع اياته
والاعمى يتمنى ان يرى حروفه
ونحن؟.......


اهلكتنا هواتفنا

[عملاق الشعر]

أبي عشق تحسب له كل نظرات العيون
iiحساب ii
وابي قلبٍ علي قلبي ، وابى دينٍ على ديني
وابي نظرة عطا توفي ولا تخلف بدون
iiأسباب ii
وابي منك قبل لا نتي تصديني .. توديني
وابي دربٍ على العذال صعبٍ ومتعبٍ وغلاب ii
وابي نفس الطريق الصعب يبعدهم ويدنيني