عـلامـك كلّ ما أحْـصد خـطاك يـْزيد مــحـْصــولــه

**المحبه للخير** · 22-05-2015, 12:02 AM

ترى بعـْض السكوت أجـْمل من أجـْمل حكـْي بتـْـقوله
تفضـّـل..قول بعـْـيونك كـلامـــن طــــال كـــتـْمـانــه

أبي أسـْمع صدى نبـْض الخفـوق إلــْــيا بـدى يــــولـه
أبي أقــْرى حــكــايات العـشـْـق بـعـْـيـون هــيـْـمـانـه

إذا عـمْــري معـــاك كـْـتاب !! حبـّك أجمل فـْصولـه
أبـطـْوي باقي فـْصول العمر وأنـْـسى بــك أحـْـزانــه

تـعـــــــــــال أسـْـكن فضـا قلبي ولو كان الغـلا دولـه
بـتـلـْـقى عاصـمتـْها مـــن وريده ليـــــــــن شـرْيـانـه

غــرامــك كالمطر يروي ظمى الأحـْساس بهـْطـولـه
ومثــْـلك لـو يــُـقــارن بالقــمـر - بك - يرْتفعْ شــانـه

أنا مـن لـي سواك إنْ زاد شــوقي أرْقــب وْصـــولـه
وحبـّـك يا (حبيبي) صعـْب!!وأصْعب منـْه نسـْـيـانـه

خـــروج الـحــبّ مــن قـلبي أبــد ما يشْـــبه دْخـولـه
كـأنـّه (( فــرْع شوْك )) أمـْـتد بالخـفـّاق وأرْكـــانــه

وجـوده مـؤلــم وْ كــلْ مـا فـقـدْتـك زاد في طــولـــه
وإذا جـيْـت أنـْـزعـه أدْمـى الخـفـوق وهــدّ بـنـْيـانــه

عـلامـك كلّ ما أحْـصد خـطاك يـْزيد مــحـْصــولــه
وقـلــبـك كـلّ مـا زاد الـولـه(بــهْ) زاد عــصـْـيــانـــه

تبــي تمـْـلك مـفـاتـيـح الغـلا لأبـْواب مـــقـْـفــولــــه
بـ ( قـلبي )؟؟أعْـتصم به وأهـْـتف بْـساحات مـيْـدانـه

ولكن!! إسـْـكت وْ خلــّـي .. كـلام الحـبّ لـ تـْـقـولــه
ولآ يـغـْـريــك بــعـْـذوبــة غــنــاه وْرقــّة ألــْحــانــه

كـلام الحــبّ لـو مـرّه قــطـفـْـته يــعـْـلـن ذْبــــولــه
لأنــّه يـشـْـبـه الورد النــدي لــي فــارق أغــْصـانـه

تـرى العــاشـــق يمــوت بــْصـمـْـته وْلآباح بـْميوله
وإلى منـّه حكى دايـم عــيـونه تـســْـبـــق لــْـسـانــه

تعـلــّم منــّي أسـْـرار الغـرام اللي عــلى أصـــولـه
وقــول اليوم بعــْـيونك كلآمـ ـنْ طــال كــتــْمـانــه