مدونتي الشادوهية ,,™ شي غريب ™,,

[shadow_86]

مرحبا الشيخ؟؟


انت عايش؟؟؟ ��������


المهم ،،، شفت اسمي في مدونتك وماهنت علي ما اسلم عليك��������������،،



مشتاق لكم كلكم نفر نفر،، مفتقدنكم ومفتقد وجودي بينكم ومفتقد ايامي العبيطه قبل لا اعقل ،،،، ومفتقد حركات السخافه الي مالها معنا<<<<< ����ما مصدق ان هذاك كان انا



ادري بيحذفوا مشاركتي قبل لا تشوف لكم الي يشوفها يبلغه سلامي له وللجميع اذا حد باقي من ايام الغووووص��

يالله ... ولد الظاهرة ؟!!!.. بشحمه ولحمه؟؟!! اخاف باقي العظم بس منك خخخخ


يالس انتظر فحوصات الوالد .. مسافر حاليا معاه للعلاج في الخارج. .
جاعد جذا ضايج البال ودشيت عرض..

زين اقتبست كلامك ... لي عودة ف القريب البعيد لرد ثاني ..

بس ما حذفوا مشاركتك ؟! اتوقع قدرك موجود للحين بين الجماعة السبلاوية.. ^^

[shadow_86]

صباح الخير ...



رجعنا ولله الحمد .... بطينا 3 اسابيع ...
الحمدلله الوالد حاليا اهون ...

كنا سايرين نعالج شي .. ولكن عالجنا قلبه ..
اتذكر كاتب في المدونة من سنة او اكثر بشوي عن حالة قلبه والله يهديهم سكتوا عن الموضوع لسبب او لاخر..
المهم هناك شافوا حالة قلبه ما تسر .. واضطروا يفتحون له شرايينه .. خصوصا وان كل شرايينه الرئيسية متسكرة الا واحد باقي بقدرة الله وبعد مثبت بدعامة من عملية سابقة ..

بامانة تعب علينا الغالي بعد العملية .. ولكن الحمدلله عدت .. عدت ..!


اتذكر كلامه في الشهور الماضية يوميا يقولي: انا احسني يا ولدي كل يوم انقص عن اليوم الي قبله ..

[shadow_86]

وعن العملية الثانية .. بعدنا بنتريا ستة شهور ع الاقل .. واسأل الله العلي القدير ان يعافي والدي ويشفيه ..


بالنسبة للوالدة عالجناها عن بعض الامور.. لكن لذاك المرض الي فيها ما اعرفوا اسبابه واخر شي حولوها على عيادة وحلفت ما تروح .. لانها من الادوية تعبت علينا هناك والحمدلله .. قالت: هناك بعدني شالة عمري ويبتوني هنا تبون تجتلوني ههههههه

[shadow_86]

بالنسبة لذاك المخلوق شادو / يحمد الله حمدا كثيرا .. ويقول سبحان الله خيرة من رب العالمين ..
لكنه متأثر لين اليوم من السفرة .. جسديا ونفسيا وهناك مخاوف اخرى ..
خخخخ
//



كان جهد نفسي وجسدي بأمانة
خصوصا واني شكليا كنت مصطنع القوة .. مب حقي ولكن لعيونه وعيونها الي الخوف والتعب بادي عليهم ..
عن نفسي ما توقعت اسوي جذا كنت اقول شكلي بدل ما اكون عون بزيدهم .. خخخخ لكن الحمدلله كنت جيد نوعا ما ..

المهم اني دوخت في دورة المياه على اخر الايام .. وتبعتها بطيحة على الدرج من فوق لين تحت خخخخخ .. انرضيت رض .. خخخخ كنت شال الوالدة تعالج زين ما طرحتها وياي لانها حذاي

[shadow_86]

وخلص الشاي علي هناك ..
والله تحملت من دونه هههههههههههه ... واستبدلته بحليب طازج مع ورق شاي ..ولا اسوي ذاك النسكافيه ..عشان اصحصح زين ..
تعلمت وايد امور .. حتى الطبخ

[shadow_86]

مرحبا
شو حالكم ؟ >> طبعا للزوار



مادري علومي كيف .. بس الحمدلله طيب ..

انشغلت بالدوام خصوصا واني غبت شهر ..


.. وخصوصا اني اول ما رديت لقيت اسماء مرفوعة لمكافئة على اشغال كنت انا وياهم ..


بس سبحان الله سقط اسمي سهواً.... سقط وتدربح لاسفل الوادي .. سبحان الله ..


المهم اني رحت اكلم مدرائي .. وبصراحة ردوا علي ردود ما تطيب خاطري .. وياتني الصنفرة العجيبة ..

ودش الموضوع في راسي ..سبحان الله دش المزاج ..


اسبوع ونص وانا ما يالس .. خخخخخخخ .. اخرها وصلني اتصال بإنهم رفعوا اسمي ..


سبحان الله ساكت ساكت .. واخرها يوم انخذ حقي ما سكتت .. ما شاء الله ..

[shadow_86]

الفيس الي يصيح فوق بالغلط

ما قدرت احرر المشاركة .. شي مشكلة في الموقع ..

[shadow_86]

راح حلالي .. ماتن علي صخلة وصخل ..




ما بقى منهن شي ..يالله بقت عنز بس ..

[shadow_86]

الله يعوضني عنهن عوض خير ..

[shadow_86]

ما شاء الله ما واحيت افرح عشان رفعوا اسمي ..

واليوم ياني المدير يقولي سقط اسمي مررررة ثانية بالغلط ...





بنتريا .. واذا لي نصيب بيمشي اسمي على سلم متحرك ..