كان صدرك ارض وجروحك رعيه"

**"حبك وطن"** · 25-05-2015, 10:02 AM

[ مدخـــل ]
لا ، لا تطير .. الجو ما عاد للطير
خلك وسط صدري عزيز و مكرّم ..

مو كل غيمة بـ السما فيضها ( خير ) !
تحليقك فبعض الأماكن .. محرّم !!

تضحكِي من فرْح ولا من بِليه ||
وأن بكيَتي فرْح ولا من حزن ْ ’
علمِيني دمعتًك طاحت عليّهْ ||
ولا طاحت ع الِسنين الي مضَن ,
ذكرياتك ما تجِيب الا الاذيّهْ ||
الحزن يا بنت ما يعِيد الزَمن /
لو يعُود الي فقَدته بين يدِيّه ||
كان شلت ابوي مَن وسط الكفن "
ماحد ٍ كسبان بس انتِي الضحيّه ||
الجُروح اغلال و الذكَرى سجنْ /
لا تخلِيَن انكساراتك قويّه ||
صار حتى في ابتِساماتكْ شجن .. /
ولا تزوري الآه و جروحك وفيّه ْ||
دام للآهات بضلوعِي سكن "
قلت لك هذي ضلوعي لك هديّه ||
كم صدر ما شاف لانفاسه وطن /
اسكنيني ، بالضياع : احنا سويّه ||
وزمليني كان باقي لك حضن ][
شي عادي لو فقدتي لك هويّه ||
البحر أحيان ما يلقى سفن /
لا تعري الجرح و ضلوعك نديْه ||
النسيم يهز للذكرى غصن $
كان صدرك أرض و جروحك رعيّه ||
وصار قلبك حاكم وصدري وطن "

][ مخــرج ][
انا احبك غصب .. ماهو بالطيب
غصبٍ عليك .. انْ *كان مابه لباقه !

أحمق ، غبي ، الحب يا ناس .. موعيب !
اصلا اذا بتحب .. حب بحماااقه !!

**رايق البال** · 25-05-2015, 10:07 AM

هلا فيك تفاصيل ..
نص واختيار كالعاده ولا اجمل واروع وجدا راق لي المخرج هههههه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)