نبض الإحساس .. سجّل احساسك في هذه اللحظه

[ظلال الزيزفون]

ﺳﻘﻰ ﺍﻟﻠﻪ ﻳﻮﻡ ﺃﻧﺎ ﻃﻔﻠﺔ ﺃﻧﺎﻡ ﻭﻻ‌ ﺃﺣﺪ ﻗﺪﻱ
ﻭﻻ‌ ﺃﺣﺎﻛﻲ ﻫﻤﻮﻡ ﺍﻟﻴﻮﻡ ﻭﻻ‌ ﺃﻧﻄﺮ ﺃﻣﻞ ﺑﻜﺮﻩ
ﺗﻼ‌ﻋﺐ ﻳﺪﻱ ﺍﻟﺪﻣﻴﻪ ﻭﻋﻨﺪﻱ ﻫﺎﻟﺰﻣﻦ ﻭﺭﺩﻱ
ﻫﻤﻮﻣﻲ ﻟﻌﺒﺘﻲ ﺿﺎﻋﺖ ﻭﻋﻨﺪﻱ ﻫﻢ ﻭﺵ ﻛﺒﺮﻩ
ﻛﺒﺮﺕ ﻭﺯﺍﺩﺕ ﻫﻤﻮﻣﻲ ﻭﺃﺣﺲ ﺃﻥ ﺍﻟﺰﻣﻦ ﺿﺪﻱ
ﻛﺒﺮﺕ ﻭﻧﻈﺮﺓ ﺍﻟﻄﻔﻠﺔ ﺗﻌﻴﺶ ﺑﺪﺍﺧﻠﻲ ﻓﻄﺮﺓ
ﻛﺒﺮﺕ ﻭﻋﺸﺖ ﻫﺎﻟﺪﻧﻴﺎ ﻛﺒﺮﺕ ﻭﻻ‌ﻫﻮ ﺑﻴﺪﻱ
ﻛﺒﺮﺕ ﺑﺸﻜﻠﻲ ﻭﺭﺳﻤﻲ ﻭﻗﻠﺒﻲ ﺑﺎﻗﻲ ﺑﺼﻐﺮﻩ

[الشيخه الفلانيه]

( يا ذيب بالي ) مخاليبك فـ صدري هنا
................... وأسمع قنيبك ورا جبال الورق يا عريب

الصوت ما وصْلهم .. و النور ما وصْلنا
................ مدري نسونا رضا .. مدري نسونا نصيب

أنا .. أنا رحت .. لكن جيت ماني بأنا
............ جيت أختصربي مسافات التواجد و أغيييييييييييب

أنا سكنت الكلام اللي يكابر بنا
................. والحزن طفل ٍ ربا فيني و عيّا يشيب !

أكتب تجاعيد حزنه فـ القصايد غُنا
................. وأسمع خُطى ركضه بقاع الحنايا نحيب

أحيان ن ن ن ن ن

أحيان ( تسقط جهاتي من جهاتي ) عَنَاْ
....................... وأنا أتماسك قبل لا أطيح و أقول : " عيب "

ما خْلِقْت للخوف و التغريب ماهو لنا
....................... لو غيّبونا .. غيابات الظلام الرهيب

وحيد أنا بين جدراني .. كتبت السنا
................ ولا ودّي أطلع لليل ٍ فيه أسافر غريب



مِناحي النفيعيْ

[الشيخه الفلانيه]

حلم السنين اللي له سنين يبكيك
.............................مَلِّك مسيله.. واسْرف بجَرْح خَـدّه
ناحت بك أصوات المقادير ترثيك
.............................(حلم).. وتلاشى/..وأتعب القلب بَعْده
لَوِّح لِذكرى تبتسم لك باياديك
.............................يوم الجِرَاح بْسِبَّة ايديك "رغــده"
يوم الجِرَاح اللي تِعَرْفِك تناديك
.............................لَوّح لِذكْـرى من الألم [مُسْتَــمَدّه]

[الشيخه الفلانيه]

ليلة اللي جاك فيها القلب "حافـي"
........................ ليلة اللي دثـّر أشواقه وشاحـك

ليلة اللي لْنزف جرحك جا تـَلافي
........................ من عطوب الهجر جا (ينقذ) صباحك

مرتدي حبّك وَلهَْ / لِه ستر ظافي !
........................ ليلة اللي .. زلزلت عمقه جراحـك!

وش يدوّر غير أسباب التجافي ؟!
........................ وشهو كونه.. يوم كان الكون ضاحك ؟

من يقول انه سلى ..مايوم خـافِ ؟
........................ و انّه بلحظة نسى وإلا استراحك ؟!

قلبي اللي بالهوى لك نبض [ دافي ]
........................ من يقول بيوم بالهجر استباحـك ؟!

في غيابك .. يَلْعَق السّمّ الزعافِ
........................ في غيابك تشربـه حاجة ( لقاحـك )

كل من قالك ضحك كاذب وهافي ..
........................ ماضحك ياكود مرات يْتَضَاحك

صب لك حبّه قراح أبيض و صافي
........................ ما ترجّى من عطاك إلا قراحك

يدمح العثرة كسبته نبض وافي
........................ تعتقد لو بالكذب يطلق سراحك..!

طول عمره محتفظ بك "سرّ خافي"
........................ ما يبوحك لين نزف الجرح باحك

كانك بتنسى خلاص انسى..عوافي
........................ بعلن الثوْره .. و بـدْحر اجتياحـك

وان تبيني أقْفي عنْك إن جيت لافي
........................ وآتجاهل طعنتك/ ..صوّب رماحك !

اذخر اسمي للغياب و عيش غافي
........................ ما بهاالدنيا مهمّ إلا ارتياحـك ..

[الشيخه الفلانيه]

حبيبي والأماني البيض
و عين الوصل سهرانه ..
بليلٍ ظلمته حلكا ..
يبعثرني
شتات احترت به
كانه ..حنيني دوم في بعدك..!
يحاول يخفي ألوانه
حبيبي بكلّ عتمة ليل ،
دموع الوجد تشكي لك ..
حبيبي لا تناظرها ..
حبيبي غمّض وسافر ..
ولكنّي أبي تعرف ..
كلام الحبّ يشتاقك
لهااللحظة
يبيك تكون
عنوانه ..!

ندى الجبر