نبض الإحساس .. سجّل احساسك في هذه اللحظه

[حبي خالص]

الراء .. لو يُحذف من الورد باقي
الودّ ودّي .. اشهقك بين الانفاس

والعين لو تُحذف من الدمع باقي
دمٍ بعرقي ممتلي حب واحساس”

[حبي خالص]

عمر المشاعر ما تجي بالتطبّع
هذي مع الإنسان تُخلق طبيعة

ولا المشاعر تختفي بالتشبّع
ما هي بسلعة نشتريها وتبيعة

[حبي خالص]

من بغانا حزة اللازم وجدنا
ذي طبايعنا و كل له طبايع

من هقا فينا ب ظن الجود جدنا
و من هقا فينا بغير الجود ضايع

[حبي خالص]

سوالفـه ( حلوه ) ومليانه احساس
ومن كثر ماني منسجم ضاع حسي
"يقول صدقني معك ناسي النااس"
وانا معه نسيت نفسي بـ ( نفسي )

[حبي خالص]

ياللي خذيت القلب مني وما فــيه
ارفق بقلبي ..يابعد كل من لـــه

جيتك وأنا شـوقي يسابق خطاويه
شوق الخليل اللـي فقد شوف خله

[حبي خالص]

إسمك صحيح إنه مكرر مع الناس
سهل ، وبسيط ، وذرب ، وكثير مألوف
بس إن سمعته ينولد فيني إحساس
صعب وعميق وشي ماهو بمعروف

[اوتار الخيال]

لا تنتظر غايب ولا تسأل وشلون
إن طــوّل الغِيبات مـا هو بـ راجع
قلّـب ورق ، قلّـب شعر ، قلّب عيون
لكــن رجـاءً لا تقلّــب مواجــع..!

[الشيخه الفلانيه]

-

خلك غريب وممتلي حلم واسرار
حتى طموحك مختلف فـ اتجاهه
عادي تغيب احيان عن كل الانظار
( البعد عن بعض الاوادم .. نقاهه )

[الشيخه الفلانيه]

-

حزين اللي بـ غيابك
وغيابك ، ما يطمني !
أنا ذاتك ، وأنا احبابك
تغيب شلون ! علمني
شعور الفقد ما جابك ؟
متى .. ناوي تكلمني !

[الشيخه الفلانيه]

-

رغم الزعل لا شفت عينك أسامح
ماهو رضى لكنّك ب عيني تمون..!