انا يابحر ماجيتك فاضى ولمشاهدك شفقان ...
اناجيتك ابنسى الياس وبعض الهم يباريني
على بالك انا جالس اسامر موجك الغضبان ...
اسولف له عن اوجاعي وعناي وغربه سنيني
علامك يابحر غاضب علامك تصرخ بكتمان ..
انا جيتك ابشكيلك وابي منك تواسيني
انا مثلك بحر لكن وسط نفسي انا غرقان ...
تعبت ابحر مع نفسي واسالها انا ويني
انا محتار في وصفي ومع نفسي انا حيران ..
انا لاقادر افهمها وهي تجهل مضاميني
انا مليت من حزني وتعبت ابحث عن السلوان ..
ولاضنيت به شي عن احزاني يسليني
احس ان الحزن عالم بحورة وصحوة ووديان..
تخيل يابحر حجمه اذا حجمه سكن فيني
تصور لو شقا الدنيا تجمع في كيان انسان ...
تصدق مابقى بالكون اسى مابات في عيني
ترى كل الحزن لو غاب وراح لاخر الاوطان ..
يغيب ويرتحل لحظات ويرجع يستقر فيني
انا اخر فصول الحزن وانا لدروبه العنوان ...
وانا اخر عزوفاته واصواته تغنيني
انا والليل والغربه تعانقنا مثل الاخوان ...
ليلي كل اهاتي وللغربه عناويني
تعبت اسقى ثرى احلامي وازرع بالوهم بستان ...
تعبت ولانبت زرعي وتعبت وجفت بساتيني
جحدني حظي العاثر رماني بسكه الحرمان ...
جحدني ولامرة على الفرحه يرسيني
الايابحر جاوبني وش اخر هذي الاحزان ..
وش اخر رحله اوجاعي وعناي وغربه سنيني!!
