ارحل خلاص ارجوك تكفى عشاني
مابي اشوفك من عيوني اليا طحت
غالي واحبك وافقدك في ثواني
لكن تغير طبعك ان جيت جرحت
يمكن ملل او تعشق انسان ثاني
والا بقربي ضاق صدرك ولا ارتحت
الله معك يا اغلى بشر احتواني
بضغط على قلبي وابصبر اذا رحت
يبقى مكانك في الضلوع المحاني
ذ**** منحوته على خافقي نحت
لو اني انسى كل واحد نساني
ماكان ليلي يعرف الصوت لا نحت
اصعب شعور تموت حلو الاماني
بيدين من يعرف غرامك وله بحت
روح وتاكد رغم ما منك جاني
ابذكرك بالخير لامسيت واصبحت
ما انسى زمانك لكن اذكر زماني
اذا خذاك ال*** يمي وسرحت
حفظت قلبك يوم قلبك مكاني
ابيه فوق بكل حاجه ماهو تحت
صحيح احبك لكن ارحل عشاني
شينه اشوفك من عيوني اليا طحت
