ياشينها لامن بكت عين رجال

[نوارة الكون]

ياشينها لامن بكت عين رجال








ياللي شكيت من الحب في كل الاحوال
مافي محبوب شكا من الهوى الا انت..


لاصرت منت بالثقيلات شيال
خل الهوى لاهل الهوى وانت لاهنت..


ياشينها لامن بكت عين رجال
والمشكلة لامن بكت والسبب بنت..


ابكشف المخفي من اقصار واطوال
دام المشاعر في خفوقي تغنت..


والله لغني من الحب موال
وابين اللي صار واطلع برنت..!!


انااكتشفت ان الهوى لعب جهال
وان الهوى يهين نفس تدنت..


والمشكلة كم واحد في الهوى مال
وكم نفس في دنيا المحبين ونت..


وصار الغلا يشرى وينباع بالمال
هذا بعد ماتهت في الحب وامنت..


وناس تمنت للهوى شخص حلال
وانا اشهد انها مالقت ماتمنت..!!


وناس تقول ان الهوى مابه اشكال
ومشاعره من قوم عزمه تبنت..


ياللي تدور في الهوى راحة البال
قبلك امم في الحب ونت وغنت..






ومن عاصر اهل الحب في مر الاجيال
ماينذكر في الحب نفس تهنت..


هذا وانا بضرب مثل ضمن الامثال
وكفي من جروح المحبة تحنت..


العيب ماهو لاتراجعت في الحال
وتصير كنك ضمن الاحباب ماكنت


العيب لامنها بكت عين رجال
والمشكلة لامن بكت والسبب بنت..!!

[روح الحلا1]

رائعة جدا ذائقتك نوارة
ربي يعطيك العافية..

[حبي خالص]

نواره انتقاء عذب
يسلم ذووووقك عزيزتي

" نص يستحق النجوم الخمس "

[الصممت هيبةة]

يسلموعلى طرحك الراقي

يعطيك عافيه ..

[رايق البال]

هلا فيك نواره ..
كالعاده لا جديد عليك هذا التميز والتألق
الف شكر لجهدك واختيارك وتفاعلك الجميل .. كلك ذوووق

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

[الرميثي]

نص جدا رائع
يسلموووو اختي ع الكلمات الراائعه ..
يعطيك العاافيه