لو يستحي حزني البارح على دمه |

[عطر الاحساس]

لو يقدر الورد يسرق قلب من شمّه ..
م تقدر الشمس تسرق بارد ظلالي ~
اخترت درب الظما عن صافي الجمّه ..
والفت صبري عليه وَ طال ترحالي ~
ماكل من يسري بيسري على همّه ..
يا ما سريت الظلام وخاطري سالي ~
والبارحه النفس مخنوقه ومنغمّه ..
و سرّاني الحزن للي مر في بالي ~
اشوف صورته بالجوال واضمّه ..
وَ اودعه وَ امسح اللي له بجوالي ~
سمّ الجفا مرجله ولا ردا سمّه ..
انا عزمت وجزمت وشفته اشوا لي ~
اليا متى وَ المشاعر فيه مهتمّه ..
سويت كل شي لكن ويش سوّا لي !
ما عاد اعرف اتكلم مع بني عمّه ~
لا سولفوا كن صورة وجهه قبالي ..
اصدّ والناس حول الناس ملتمّه ~
وَ اتشطّر بعيد عنهم واجلس لحالي ..
كنّي يتيم فقد من ليلتين امّه ~
ولا كريم استحى من جيبه الخالي ..
اغص في عبرتي واضيّع اليمّه ~
و اسج رجلي من الضيقه على فالي ..
ما للخيانه عذر في ذمتي ذمّه ~
العذر ما ينقبل في خيانة الغالي ..
من اول اشوف السّامي على القمّه ~
و الجاي من عمري و مستقبل آمالي ..
و الحين ما عاد يفرق مدحه و ذمّه ~
مثل ابتسامة رضى في وجيه عذالي ..
يهمّني الحب ب الحب ما همّه ~
ياليت ماني كذا وخصالي اخصالي ..
ابعدت شرهة دموعي عن طرف كمّه ~
وعلقتها في طرف جفني من هبالي ..
اواسي الجرح و اداريه والمّه ~
و اقول ل الدمع لاتبكي على حالي ..
لو يستحي حزني البارح على دمّه ~
ما كان جابه على غفله على بالي ..

[حبي خالص]

الله عليك عطر
ابداااااع متواصل
دمتي برقي ذووووقك عزيزتي

" نص يستحق النجوم الخمس "

[عملاق الشعر]

عطر الاحساس

كعادتك راقية في الاختيار
نص جميييل جدااا


سلمت يداك المبدعة وذوقك الراقي

[روح الحلا1]

رائعة جدا ذائقتك عطر
تسلمين وربي يعطيك العافية

[نوارة الكون]

الله الله متميزه بالانتقاء غاليتي ربي يعطيج العافيه

[الرميثي]

نص جدا رائع
يسلموووو اختي ع الكلمات الراائعه ..
يعطيك العاافيه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[بقايا طيف]

يسلم يمناك اخية على هذا الاختيارالرائع
واصلي دوما إلى الإمام وننتظر جديدك
يعطيك العافية

[رايق البال]

هلا فيك عطر ..
كالعاده لا جديد عليك هذا التألق الرائع الله عليك الله
الف شكر لجهدك واختيارك وتفاعلك الجميل .. كلك ذوووق