أنت وانا .. نشبه حضارات الأغريـق

[رايق البال]

يسعد صباحكم / مساكم
هلا بالجميع ...
من جديد نلتقي ومن جديد اتمنى ماراق لي يروق لكم احبتي ...



صدر الحزين يطاوع الضيق .. ويضيق
من كل صوب .. وتصبح العين ديمـه




ينزل مطر .. و يلوح براّق .. وتفيـق
كل الجـروح .. المبطيـات .. القديمــــه



و أنا .. علـى الدنيـا قليـل التوافيـق
ما غيـر أساوقهـا بـراي وعزيمـه



يا فـوح قلبـي مثـل فـوح الاباريـق
عليـك ياللـي لـك عروقـي محيمـه



أقبلت لي والحـب .. حـظ وتوافيـق
و أقفيّت عنـي .. و النتايـج وخيمـه



علقـت نفسـك فـي زوايـا المعاليـق
و حطيت لك بيـن الحنايـا .. وسيمـه



و أصبحت عندي فوق كـل المخاليـق
تخطي ولا لك غيـر قـدر وحشيمـه



و انا وربـي مـا نقضـت المواثيـق
لا زلت أشوفـك راس مـال وغنيمـه



دونك سحاب الدمع ومشـارق الريـق
وعقبك ضياع وجرح قلب وهزيمـه



فأن بعتنـي فالسـوق بيـع الصناديـق
عـز الله انـك بعتـنـي دون قيـــــــــمـه



ليتك تشـوف ابـواب قلبـي مغاليـق
ما هيـب لا والله وعـادة حليمـه



ما همنـي والنـاس جمـع وتفاريـق
ما دمـت منتـب فيـه روحـي يتيمـه



يا صاحبـي تبكـي عليـك الطواريـق
جزل البيوت .. الفـاردات .. العديمـه



أرحل .. وطيبك فوق روس الشواهيق
لا تلتفـت لـي يـا قـوي الشكيـمـه



و أنا علـى خبـرك وريـث المطاليـق
راعي مواجيـب وشجاعـه وشيمـه



مثل الجبل وأقرب مثل عندك .. طويق
شامخ .. لو ان الريح تنحـت صميمـه



يالله عسـى فالـك معـزه وتوفـيـق
ياللي جعلت أهـداف عمـري عظيمـه



عقبك لي الله ثـم شمـس المشاريـق
و الشرقـي وهبّـة هـواه ونسيمـه



والشوق وهموم الجـروح المفاتيـق
والبرد والحـزن وشـوارع رحيمـه



يالغالـي اللـي كنـك بقلبـي اتـويـق
جرحـك كريـم .. وذكرياتـك كريمـه



أنت وانا .. نشبه حضارات الأغريـق
القوم راحـوا .. والحضـاره مقيمـه

اخوكم / رايق البال

[عملاق الشعر]

هلا فيك استاذي


نص في غاااااااية الرووعة وقمة الذوووق
جداا راق لي


سلمت يداك المبدعة وذوقك الراقي

[حبي خالص]

يااااااااااااااا سلام استاذ
نص بمنتهى الذوق
متميز بكل اطروحاتك

" نص يستحق النجوم الخمس "

[اصلع وحاط جل]

روووعه استاذ
مودتي

[الرميثي]

نص جدا رائع
يسلموووو استاذ ع الكلمات الراائعه ..
يعطيك العاافيه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[بقايا طيف]

متصفحك مليئ بالمعاني الرائعه
جميل واكثر من روعة
متميز بجودة طرحك
عظيم الشكر والأمتنان
وجنائن السوسن لطهر قلبك

[رايق البال]

هلا فيك استاذي


نص في غاااااااية الرووعة وقمة الذوووق
جداا راق لي


سلمت يداك المبدعة وذوقك الراقي

عملاق
تسلم والله
الف شكر لمرورك وتعليقك اللي اسعدني .. كل الود لك مني

[رايق البال]

يااااااااااااااا سلام استاذ
نص بمنتهى الذوق
متميز بكل اطروحاتك

" نص يستحق النجوم الخمس "

حبي خالص
تسلمي والله
الف شكر لمرورك وتعليقك اللي اسعدني .. كل الود لك مني

[رايق البال]

روووعه استاذ
مودتي

اصلع
تسلم والله
الف شكر لمرورك وتعليقك اللي اسعدني .. كل الود لك مني