شبابنا في الدول الاوربيه

[عبدالعزيز الفلاسي]

السلام عليكم ورحمة الله وبركاته


موضوعي يخص الشباب اللي يسافرون لاوروبا خصوصا سوا سياحه او بعثه ...

واخص بالذكر اللي ينسى من وين طالع وبمجرد يوصل الببلاد اللي مسافر لها يتخلى عن دينه

كيف يتخلى؟؟

اول نقطه وبداية الخلل من يوصل مطلقا ما يفكر عن مواقيت الصلاه وهل شي مساجد قريبه منه خلاص وصل هناك ونسي
ثاني شي يدور اماكن ويدخلهن ع باله هو برستيج ما يعرف انه ف البلاد نفسها يسموهن اماكن " عيال الشوارع " ولهن اسماء ارخص بعد
ثالث شي يمشي واذا غلط عليه واحد ع طول تكفيح وبعضهم يخلون كل شي ويتعلمون السب بالانجليزي ويطيح عليه سب

انت مسافر تقول اذا رجعت برجع لديني طيب شو يضمن لك ترجع ؟
ثاني شي المفترض تبين لهم انك انت مسلم وتبقى ثابت ما يغريك شي
ثالت شي انت لازم تبين وتظهر صورة المسلم بصوره تليق فيه ما تنسى روحك وتستوي اوقح من غير المسلم

والمشكله في بعض الدول في مساجد للمسلمين وتشوف الناس تصلي وشبابنا لاهيين حتى الواحد يستحي يكون منهم ويقول هذلي من بلادي وانا وياهم نفس الدين

واذكر مره كنت في مطار في دولة اوربيه وكان جدامي شباب من الخليج ماله داعي ذكر دوله
ويكلمهم موظف ف المطار انه في مسيد ويدليهم ويعلمهم انه وقت صلاه عقب ما خلص استراحوا
لا صلاه ولا شي


كتبت هالموضوع على وعسى انه احد يسوي هالامور او غافل عن نقطه معينه ويتذكر
واسال الله الهدايه لي ولكم ...

[حبي خالص]

السلام عليكم

يا أخوي الشباب اللي ذكرتها
غرضهم الاساسي من السفر هو اللهو والضياع للأسف
إذاً هم قبل سفرهم عارفين الغايه من السفر وما فكروا ربما يأتي ملك الموت وهم على معصيه
كيف تبغاهم يصلوا ويعبدوا ربهم وهم بالاساس الغرض من سفرتهم
الحرام والمعصيه ما نقول غير الله يهدينا ويهديهم

[البلوشي خالد]

اخي العزيز

خلي كل واحد يصلي في البلد الذي ينتمي اليها اول شي

وباقي الكلام ملحقين عليه عبارة

معظم الشباب لا يفكر الان في دينه وعلمه

كل واحد فينا يفكر كيف يوصل حال المال والشهوات وغيرها

اخي مهما عملت اصبحنا في زمان (حرية شخصة) اول كلمة تسمعها اذا قلت شي

وعاد خارج البلد الله يستر عليهم عبارة يمكن انته ماذكرت شي بعدك الا ما وجب

تسلم اخي العزيز

[نور العيون 2013]

كلامك صحيح فعلا موجود هاي الشي..
نسأل الله لهدايه لنا وللجميع...

جزاك الله كل خير

[احساس روح]

كلام صحيح
الف شكر لك

[بنت الغالي ومابالي]

نسال الله لهم الهدايه

[تباشيرالأمل]

السلام عليكم

جزاك الله خيرا على غيرتك لدينك وشباب المسلمين

نصحيه لعلها تسمع وينتفع بها الشباب


وكما ذكرت الشاب لايمثل نفسة في الخارج

بل يمثل دينه ووطنه..فهم ينظرون للأسلام من خلال شبابه

رغم وجود ماذكرت من نماذج نسأل الله لهم الهداية

الا ان هناك ايضا شباب نفتخربهم مثلوا دينهم وبلادهم خيرتمثيل


اكرر شكرا لطرحك القيم

موضوع يستحق التقييم بالنجوم5 ويضاف للمكتبة

[يَاسَمِين]

الله يهديهم ..

[رايق البال]

هلا فيك عبدالعزيز ..
موضوع جدا رائع ويلامس الواقع وشخصيا التقيت بالعديد من الشباب الخليجي والعربي والعماني في عدة دول وفعلا ماذكرته صحيح بل قد يكون جزءا صغيرا من حجم هذه المشكله حيث ان البعض طبق مقولة ( سكت دهرا ثم نطق كفرا ) !! ..
العديد ينسى عاداته وتقاليده ودينه وتشريعاته واخلاقياته عند سفره علما بأن الغرب ينظر لهم نظرة احتقار لكون معظمهم يدركون ان هؤلاء بعيدين كل البعد البعد عن الاسلام وهنا اتذكر مقولة لأحد المفكرين بعد اسلامه حيث قال ( الحمد لله اني عرفت الاسلام قبل معرفتي بالمسلمين ) وهو يقصد طبعا انه لو عرف المسلمين قبل معرفته للإسلام ماكان اسلم اصلا نظرا لماشاهده من من اعمال مخزيه من البعض للأسف ..
نسأل الله الهداية لنا وللجميع
الف شكر لطرحك الهادف وتفاعلك الجميل .. كل الود لك مني

[أحبك يا عبري]

الله يعينهم بس
الولد ربما نقول اهون عن البنت
في بنات تختار لبعثات في الدول الاربيه وبدون محرم .....
...
اشكرك موضوعك جميل بارك الله فيك