فصيدة الاخلاق من جديد

[حمد نجد]

الناس تفرق بالطبايع والاخلاق

مفسمةكالرزق بين الخلايق

احداخلاقة كالعسل فيه ترياق

تزيل همك وانت بلحيل ضايق

وحد اخلاقه تحرق الخافق احراق

تزيد همك وانت من قبل ضايق

الابتسامة مالها طعم ينذاق

لكن طعمها بالشرايين سايق

والكلمة الشينة لها طعم حراق

تشب في وسط الظمير الحرايق

والكلمة الزينة ترى تبل الارياق

وتفتح نفوس مبهمات غلايق

ومادام نطقك مصدره نفس الاسواق

مفروض تاخذ منه ماكان لايق

وفعل الجميل يوسع الصدر لاضاق

ويفتح لك ابواب السعادة طرايق

الطيب ماهوشي يكتب بالاوراق

الطيب بذل وتضحيات وحقايق

وقل للذي عايش على زيف ونفاق

اللي لزلات الاجاويد تايق

لاجاه محتاج عليه الفضاء ضاق

يذله ويحط الف عايق

ترى الجزاء لالتفت الساق بالساق

في موقف منته لرمضاه طايق

[قائد الغزلان]

***مسااء ورد اريج***

***حمد ياا هلاا فيك يا أخا العرب***

***الله الله صح لسانك يا شاعرنا المبدع***

***قصيدة جداا راائعة وخاصة انهاا تتحدث عن سلوك من سلوكيات ابن ادم***

***الف تشكرات لك يااا شاعرنااا***

***وااصل وباارك الله فيك***

***ودمت سالمااا***

[حمد نجد]

أشكرك قايد لغزلان على تفضلك بالمرور واضافتك القيمة

[الشيخه الفلانيه]

كلمات راقت لي .. يعطيك العافية

[حمد نجد]

أشكر مرورك يالشيخة أعجابك اسعدني

[فاطمة حميد]

حمد نجد ......الله الله عليك ياخوي صح لسانك جداً جداً جداً أعجبتني قصيدتك أبياتك قمة في الجمال والروعة والرقي والإرشاد ربي يحفظك ياسمين....

[حمد نجد]

فاطمة حميد .... صح بدنك ، الأروع وألاجمل هي كلمات الاعجاب بالقصيدة من مثلك .أسعدني رأيك بالقصيدة ، أشكرك على تفضلك بالمرور .. ربي يحفظك ويسعدك

[رايق البال]

هلا فيك حمد ..
لا جديد عليك هذا التميز والإبداع الله عليك الله
الف شكر لك وصح لسانك لاهنت .. كل الود لك مني

[حمد نجد]

الاستاذ رايق البال .. تميزها في مرور علم مثلك .. صح بدنك أشكر تقضلك بالتعليق .. لاهان راسك