لقاك الاخيـر ...

**الصممت هيبةة** · 29-06-2015, 12:43 AM

قال اعذب الشّعر قلت اصدق من اصدق شقاي

لـو مـا نِقلـه الفضـاء ولا جذبـه الاثيـر

اتعبني اسقيـه فكـر ولا اجنـي الا ضمـاي

واليا انشدونـي يعـوّد سـرّ والصّـدر بيـر

احتاج له في بعـض همّـي ونقلـة خُطـاي

واليا بغيـت اقلعـه منّـي حفـرت الضميـر

مانيب معطيه وجهي ,,, لاجل اميّـز جفـاي

وانقاد لـه قبـل يسحبنـي بسلـك الحريـر

ما احفظْه حفظ الكتاب ولا ارسمَه في سمـاي

ينبـت ولا يذبـل الا فـي عيـون الضريـر

مالي سوى مـأربٍ واحـد بمسكـة عصـاي

افصل بها بيـن حلمـي وانكسـاري واسيـر

لكـنْ مادامـك جعلتـه مطلبـك فـي لقـاي

احبس دموعك وجبهـا فـي لقـاك الاخيـر

ياصاحبي لا تظـنّ الحـزن نغمـات نـاي

شويّ تنزل على غصـن الشّعـور وتطيـر

الحزن شيٍٍّ عجزت ارمـي حضـوره وراي

طالـت معـه وقفتـي ولا بـدا لـه خشيـر

اغربه فقد الصداقـه فـي نفـوس اصدقـاي

واقساه ما ينكتب فـي بيـت شعـرٍِ قصيـر

لا تزعل ان قلت لك بدري ... لا تبحث خفاي

اخذ الطّليق مـن احاسيسـي وخـلّ الاسيـر

لكنّ خلّ السوالـف مـن طموحـك وجـاي

القاف فـي حضـرة الـورد يتنفـس عبيـر

يمكن يجي يوم والقى فـي حديثـك عـزاي

وآقـول لا زالـت الدنيـا بوصلـك بخيـر

وقـدّام تكبـر بعينـي ليـن تملـك غـلاي

احذّرك لا تطيـح ان صـرت بُكـره كبيـر

ما صـار لـي قـدره أوقّـف بقمّـة عنـاي

واطيّر اسمـا الاحبـه فـي هبـوب الزّفيـر

كـم لـي وهـذي مقاديـري وهـذا وفـاي

وكم غاليٍ قلت ليتـه طـاح يومـه صغيـر

لـــَـ لشاعر// عبداللطيف الغامدي..