ذكرى الهوى

**بقايا طيف** · 01-07-2015, 12:32 AM

الصاحب اللي له بقلبي منزلا محدٍ يجيه
مْن الغلا عمرت له قصرٍ معه ملكيته

عيني من الاشواق عيت من ضماها ترتويه
يقبل ويقفي بس لا قفى ماتحرى جيته

يا مطول غيابه ما كنه فيه شخصٍ يرتجيه
مْلوعه حر الفراق وكاتمٍ حريته

ازعل عليه احيان بس احيان مقوى ازعل عليه
لا طول غيابه دمحت اعظم عظايم سيته

ودي بقربه واتمنى شوفته واموت فيه
وتشوقني جديته واطرب على عفويته

اغليه لين اغليت حتى من غلاته والديه
واغليت طعناتٍ بقلبي والفت شبريته

فديت حسنه ,طلته ,غروره اللي معتليه
وفديت طيشه لا مبالاته وصافي نيته

غروٍ غرير ٍ باسطٍ للحسن كلتا راحتيه
تشوقني شمسه ولو ان امنياتي فيته

الياانثنى غصنه ومالت في يدي تفاحتيه
لبيه يا بستانه المثمر ويا ساقيته

اسبح له بْحور الخيال اللي توديني اليه
ولا تجرى في حديثي له رغم سريته

اجيه , واعود منه , واعودله , وارجع ,واجيه
ماشبعت عيني من بهاه ولاارتويت بْميته

انا افقر العالم منه لو في غلاته مغتنيه
الله لايحرمني شهده وجمرتيه وكيته

اشكي منه ثم اشتكي له ثم اعود واشتكيه
في واقعي والا خيالي سيته هي سيته

وبقى على ذكرى الهوى واطمح لوصله وارتجيه
لو ان ما حصلت لا عطفه ولا حنيته