مجنونك مايخونك ..
اولا .. يجب عليك وعلى الجميع احترام وتقدير الطاقم الاداري علما بأن القانون يمنع انتقاد اي اداري او التهجم عليه شكلا اوموضوعا على العام ومن لديه اية مشكله بإمكانه طرح شكواه بالسبله المختصه لكن طالما نزلتي الموضوع بالعام راح ارد عليك بالعام مع ان بإمكاني انقله ولكن لكي يعرف الجميع بالحقيقه سوف ارد عليك بالعام ولن انقله ليقرأه الجميع هنا اضافة الى انه سيتم توجيه مخالفه لك على مابدر منك من اساءه وان تكرر منك اي تصرف غير جيد مستقبلا سيتم تطبيق قانون السبله العمانيه عليك ..
ثانيا .. للأسف الشديد انتي عضوه غير متفاعله نهائيا وهذا الامر لاحظته معك بالرواق وتحديدا بسبلة الشعر والخواطر المنقوله وكذلك لاحظته بالعامه وسبق تواصلنا معك انا والطاقم عدة مرات حول ضرورة التفاعل مع مواضيع اخوتك واخواتك بس للأسف لم نرى اي استجابه منك ..
يعني انتي يهمك الناس تمر عليك ولو مالاحظتي احد مر رفعتي موضوعك بعلامة استفهام ..! بس للأسف ماخطر على بالك ان الناس ايضا يهمهم مرورك على مواضيعهم .. سبحان الله ..! واللي زاد الطين بلّه انك اصلا حتى اللي مروا على مواضيعك مارجعتي لمرورهم وشكرتيهم عليه ..!! يعني لا انتي اللي تمري ع الناس وفوق هذا اللي يمر عليك ماترجعي لموضوعك وتشكريه رغم ان هذا حقه عليك دام انه قدّرك ومر عليك وبعد هذا كله تزعلي ليش الناس ماتمر عليك ..! سبحان الله شي غريب فعلا ..!
ياما قيمنا نصوصك وثبتنا بعضها لما شفنا منك تفاعل شوي واختيارات تستاهل عشان بس نعطيك دافع تستمري بالتفاعل بس للأسف كلها يوم او يومين وترجعي لنفس الاسلوب علما بأن معظم اختياراتك للأسف لاترقى للنشر وكم موضوع قمنا بنقله للمحذوف لكونه يحتوي على مايخدش الحياء العام ..
وهذي عينه بسيطه من معظم اختياراتك حيث قمتي بإدراج نص من يومين فيه صورة امرأه تدخن وكلام بعيد كل البعد عن الذوق رغم اننا في شهر كريم وفضيل والمفترض تكون فيه اختياراتنا راقيه ..
http://omaniaa.co/showthread.php?t=49547
انا شخصيا ياما تواصلت معك واذكر مره قلتلك راح يتم منحك لقب متذوقة شعر لأنك عضوه قديمه وتستاهلي بس خليني اشوف تفاعل منك كالباقين ومالك الا طيبة الخاطر
بس للأسف ماتغير شي وظليتي على نفس نهجك واسلوبك ..
ختاما ..
للمره الاخيره انبهك بعدم الاساءه لأي طاقم اداري لأني لن اسمح لك ولا لغيرك بإنتقادهم بهذه الطريقه العلنيه وان كان لك حق قدمي شكواك بالسبله المختصه وسيتم الرد عليك ..
علما بأنه ان تكرر منك هذا الاسلوب مرة اخرى سيكون الحظر هو ردي عليك كما سيتم توجيه مخالفه لك عما بدر منك من الاساءه العلنيه لإداريه قائمه بواجبها على اكمل وجه ولستي انتي من تقيّمين عملها وجهودها طالما انا رئيس الرواق ..
نصيحه اخيره لك : احترمي الناس عشان يحترموك ..
حديثي معك انتهى وكلامي موجه لك وللجميع ..
